پەتروپاۆلدا ويىن-ساۋىق كەشەنى مەن كوپقاباتتى تۇرعىن ءۇي ورتكە وراندى

پەتروپاۆل. 29 ماۋسىم. م.جۇماباەۆ پەن ك. سۇتىشەۆ كوشەلەرىنىڭ قيىلىسىندا ءدامحانا, بالالار ورتالىعى, ساۋدا نۇكتەلەرى ورنالاسقان ەڭسەلى ويىن-ساۋىق كەشەنى الاپات ءورت قۇشاعىنا وراندى.بۇل تۋرالى وبلىستىق توتەنشە جاعدايلار جونىندەگى دەپارامەنتتىڭ ماماندارى حابارلادى. قىزىل جالىن 27 ماۋسىم كۇنى ساعات 12-30-دا باستالىپ, 4 ساعاتقا سوزىلعان. وسى ۋاقىت ارالىعىندا 22 تەحنيكا مەن 70-كە جۋىق ادام جۇمىلدىرىلسا دا, 3 قاباتتى عيماراتتتى ساقتاي المادى, تۇگەلگە جۋىق جانىپ كەتتى.  كوتەرىلگەن جەلدىڭ سالدارىنان «ءتىلسىز جاۋ» كورشى 5 قاباتتى تۇرعىن ۇيگە «اۋىز سالىپ», نەسيەلىك قاراجاتقا كۇردەلى جوندەۋدەن وتكەن شاتىردى جالماپ ءتۇستى. وسىندا تۇراتىن 100-گە جۋىق تۇرعىن قاۋىپسىز جەرلەرگە شىعارىلىپ, پاتەرلەر گاز باللونى, ەلەكتر قۇرالدارى سەكىلدى جارىلعىش زاتتاردان زالالسىزداندىرىلدى.   باسقا دا شارالار ءجىتى ۇيىمداستىرىلدى. «ادام شىعىنى جوق. ءورتتىڭ شىعۋ سەبەپتەرى انىقتالۋدا. ءتۇرلى جورامال بولعانىمەن, تەكسەرۋ-امالدارىنىڭ قورىتىندىسى بويىنشا ناقتى شەشىم الىنادى», دەيدى ءباسپاسوز قىزمەتىنىڭ جەتەكشىسى ەۆگەني جۋراۆلەۆ. ءومىر ەسقالي. دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتى. سۋرەت: egemen.kz