اقتوبە. 29 ماۋسىم. اقتوبە وبلىستىق سوتىنىڭ توراعاسى ەرلان ايتجانوۆ بايلانىس جانە بۇقارالىق اقپارات قىزمەتكەرلەرى كۇنىنە وراي رەسپۋبليكالىق جانە جەرگىلىكتى بۇقارالىق اقپارات قۇرالدارىنىڭ وكىلدەرىمەن كەزدەسىپ, ولاردى كاسىبي مەرەكەلەرىمەن قۇتتىقتاپ, وبلىستىڭ سوت ورگاندارىنىڭ قىزمەتىن شىنايى جاريالاۋعا قوسقان ۇلەسى ءۇشىن قۇرمەت گراموتالارىمەن ماراپاتتادى. بۇل تۋرالى egemen.kz ءتىلشىسى حابارلادى.
ەرلان جۇماحان ۇلى جۋرناليستەرگە وبلىس سوتتارىنىڭ قىزمەتىنە اقپاراتتىق قولداۋ كورسەتكەنى ءۇشىن العىسىن ءبىلدىرىپ, سوت ورگاندارى قىزمەتىن جاريا ەتۋدە ەرەكشە ورىن الاتىنىن, اقپارات كەڭىستىگىندەگى جۋرناليستەردىڭ سىڭىرگەن ەڭبەگىن, ازاماتتاردىڭ قۇقىقتارىن زەردەلەۋگە قوساتىن ۇلەسىن اتاپ ءوتتى.
دوڭگەلەك ۇستەلدە وبلىستىق سوتتىڭ سۋديا-ۇيلەستىرۋشىسى ن.ساتىبالدينا ءسوز سويلەپ, «اكتيۋبينسكي ۆەستنيك» گازەتىنىڭ رەداكتورى م.جارمۇحامبەتوۆ بايانداما جاسادى. دوڭگەلەك ۇستەلدە سۋديالار مەن باق وكىلدەرى الەمدە جانە سوت جۇيەسىندە بولىپ جاتقان وزگەرىستەردى, الداعى ۋاقىتتاعى ءوزارا ىنتىماقتاستىق جايىندا وي ءبولىسىپ, ءبىر-بىرلەرىنە دەگەن ىزگى تىلەكتەرىن ءبىلدىردى. باق وكىلدەرىن قۇتتىقتاۋ سالتاناتى مەرەكەلىك كوڭىل-كۇيگە ۇلاسىپ, كونتسەرتتىك باعدارلامامەن اياقتالدى.
سونىمەن بىرگە, وبلىستىق سوت توراعاسى ەرلان ايتجانوۆتىڭ باستاماسىمەن اقتوبە وبلىسىنىڭ سوت قاۋىمداستىعى جۋرناليستەردىڭ كاسىبي مەرەكەسىنە وراي باق وكىلدەرى مەن سۋديالاردىڭ قاتىسۋىمەن بوۋلينگتەن تۋرنير ۇيىمداستىردى. اتالعان تۋرنيرگە قاتىسۋشىلار «رەسپۋبليكالىق تەلەجۋرناليستيكا», «جەرگىلىكتى تەلەجۋرناليستيكا», «گازەت باسىلىمدارى», «راديوجۋرناليستيكا», «سوت قاۋىمداستىعى» قۇراما كوماندالارىنا ءبولىنىپ, سىنعا ءتۇستى.
شەشۋشى كوماندالىق جارىستا «جەرگىلىكتى تەلەجۋرناليستيكا» قۇراما كومانداسى ۇزدىك اتانىپ, وبلىستىق سوتتىڭ توراعاسى ەرلان ايتجانوۆ 1-ورىندى جەڭىپ العان ۇزدىك قۇراماعا جەڭىمپاز كۋبوگىن تابىستادى. ەكىنشى ورىندى «راديوجۋرناليستيكا», ال ءۇشىنشى ورىندى «رەسپۋبليكالىق تەلەجۋرناليستيكا» كوماندالارى يەلەندى.
ويىن سوڭىندا «تاندەم» راديوسىنىڭ ءجۋرناليسى باۋىرجان كوكچاەۆ پەن «قازاق» راديوسىنىڭ مەنشىكتى ءتىلشىسى مەيرامگۇل ساتاەۆا تيىسىنشە «ۇزدىك سترايكەر» جانە «ۇزدىك سترايكەرشا» نوميناتسيالارى بويىنشا جەڭىمپاز اتاندى. سونىمەن بىرگە, جۋرناليستەر ءوز كەزەگىندە ەڭ كوپ سترايك جيناعان «كوماندا كوشباسشىسى» نوميناتسياسىن وبلىستىق سوتتىڭ توراعاسى ەرلان ايتجانوۆقا تابىس ەتتى.
جالپى, وبلىستىڭ باق-پەن ءوزارا ىقپالداستىق جۇمىسى جوعارى دەڭگەيدە قالىپتاسۋدا. مۇنداي ىنتىماقتاستىق شاراسى جىل سايىن وتكىزىلىپ كەلەدى. جۋرناليستەر وزدەرىنە كوڭىل بولگەندەرى ءۇشىن سۋديالارعا ريزاشىلىقتارىن ءبىلدىرىپ, سوت بيلىگى جانە باق-تىڭ ادىلەتتىلىك جولىندا جۇمىس ىستەيتىنىن, ورتاق ماقساتتا ىنتىماقتاستىقتىڭ قايتارىمى مول بولاتىنىنىن اتاپ ءوتتى.
ساتىبالدى ءساۋىرباي.
دەرەك, سۋرەت: egemen.kz.
