استانا. 29 ماۋسىم. قىتاي ينجەنەرى 8 500 بوتەلكە قۇتىسىنان وزىنە كەڭسە تۇرعىزىپ الدى. بۇل تۋرالى 24.kz حابارلادى.
قۇرىلىس فاكۋلتەتىنىڭ جاس تۇلەگى لي رونگدجۋن شاعىن عيماراتتى سالۋ ءۇشىن ءبىراز قاراجات پەن كۇش-جىگەر جۇمساعان. ول ەرەكشە كەڭسەنى تۇرعىزۋ ءۇشىن 8 500 سىرا بوتەلكەسىن جيناعان. سونداي-اق, جاس ينجەنەر قۇرىلىسقا 7 150 فۋنت اقشا (70 مىڭ يۋان) جۇمساپتى. لي رونگدجۋن نىڭ ايتۋىنشا, ءتورت اي بويى سالىنعان عيماراتتىڭ جوباسىن سىزۋعا اكەسى كومەكتەسكەن. ناتيجەسىندە اۋدانى 29 شارشى مەترلىك, ال بيىكتىگى 2,8 مەتر بولاتىن عيمارات بوي كوتەردى. ەندى ءليدىڭ بۇل ونەرىنە تامسانعان اۋىلداستارى ونىڭ اينەكتەن تۇرعىزىلعان كەڭسەسىنە ءجيى باس سۇعاتىن بولىپتى.
ايتا كەتەيىك, شاعىن عيمارات كەشقۇرىم ەرەكشە تۇسكە بولەنىپ, وزىنە كەلۋشىلەردى تارتا تۇسەدى ەكەن.
تالعات رايىمبەك.
دەرەك, سۋرەت: 24.kz.
