اقمولا وبلىسىنىڭ جاستارى ارداگەرلەرمەن كەزدەستى

كوكشەتاۋ. 28 اقپان. اقمولا وبلىسى ەسىل قالاسىندا «ەرلىك ىستەرى – ۇرپاققا ۇلگى» اتتى جاستاردىڭ ارداگەرلەر جانە تىلداعى اسكەري قىزمەتكەرلەرمەن كەزدەسۋى ءوتتى. بۇل تۋرالى egemen.kz ءتىلشىسى حابارلادى. «ارداگەرلەردى ارداقتايىق» جوباسى اياسىندا وتكەن شارانى «نۇر وتان» پارتياسى «جاس وتان» جاستار قاناتىنىڭ ەسىل اۋداندىق فيليالى مەن اۋدان اكىمدىگىنىڭ ىشكى ساياسات بولىمىنە قاراستى جاستار رەسۋرستىق ورتالىعى ۇيىمداستىردى. باسقوسۋدا ەسىل اۋدانى اكىمىنىڭ ورىنباسارى ساۋلە اعىمباەۆا مەن اۋداندىق ارداگەرلەر كەڭەسىنىڭ توراعاسى سەرعالي ءوسىپوۆ ءسوز الىپ, جەڭىستىڭ ءمانى مەن ماڭىزى تۋرالى كەڭىنەن باياندادى. جاستار ۇلى وتان سوعىسىنىڭ ارداگەرلەرى ميحايل پاۆلوۆيچ تيموفەەۆ پەن ۆاسيلي يۆانوۆيچ ەپيشكونىڭ ەستەلىك اڭگىمەلەرىن زور ىلتيپاتپەن تىڭداپ, وزدەرىن قىزىقتىرعان سۇراقتارعا جاۋاپ الدى. كەزدەسۋ بارىسىندا ارداگەرلەرگە باعالى سىيلىقتارمەن قاتار, جەدەل قىزمەت قارەكەتىندەگى ۇيالى تەلەفوندار سىيعا تارتىلدى. «وسىنداي كەزدەسۋلەر ارقىلى جاستارىمىز بەيبىت زاماننىڭ قادىرىن تۇسىنسە دەيمىز. ءبىز بارلىق ارداگەرلەردى نازاردان تىس قالدىرماي, كوڭىل بولەتىن بولامىز», – دەيدى «نۇر وتان» پارتياسى «جاس وتان» جاستار قاناتى ەسىل اۋداندىق فيليالىنىڭ اتقارۋشى حاتشىسى لاۋرا يرگيباەۆا. باقبەرگەن امالبەك. دەرەك, سۋرەت: egemen.kz.