استانا. 29 ماۋسىم. كەشە فۋتبولدان قازاقستان پرەمەر-ليگاسىنىڭ 18-تۋر ويىندارى اياقتالدى. تۋرنير كەستەسىندە كوش باستاپ كەلە جاتقان «اقتوبە» سىرت الاڭدا «جەتىسۋمەن» تەڭ ويناپ, ۇپاي جوعالتتى. ال تۋردىڭ ورتالىق كەزدەسۋى – «قايرات» پەن «استانا» اراسىنداعى ويىندا الماتىلىقتار 2:0 ەسەبىمەن جەڭىسكە جەتتى. بۇل تۋرالى egemen.kz حابارلادى.
تۋرنير كەستەسىندە 2 جانە 3-ورىنداردا كەلە جاتقان «قايرات» – «استانا» ويىنى اسا تارتىستى ءوتتى. ۆلاديمير ۆايسستىڭ شاكىرتتەرى ءبىرىنشى تايمنىڭ سوڭىندا ەسەپ اشىپ, العا شىقتى. بۇل جەردە گول سالعان يساەلدىڭ جەكە شەبەرلىگىن ەرەكشە ايتىپ وتكەن ءجون. ەكىنشى تايمدا ەسەپتى ەسەلەگەن الاڭ يەلەرى ويىن سوڭىنا دەيىن بۇل ناتيجەنى ساقتاپ قالدى. دەگەنمەن, «استانانىڭ» ويىن ورنەگىنە لايىقتى باعاسىن بەرۋ ءلازىم. سەبەبى, ستاتيستيكالىق كورسەتكىشتەر بويىنشا ەلوردادان كەلگەن كوماندا باسىم بولدى.
كوش باسىندا كەلە جاتقان «اقتوبە» بۇل تۋردا تاعى دا تەڭ وينادى. بۇل اقتوبەلىكتەردىڭ سوڭعى بەس تۋرداعى ءۇشىنشى تەڭ ويىنى. تالدىقورعاندا جەرگىلىكتى «جەتىسۋعا» قارسى ويناعان ەلىمىزدىڭ بەس دۇركىن چەمپيوندارى قوسىمشا ۋاقىتتا عانا تارازى باسىن تەڭەستىرۋگە مۇمكىندىك تاپتى.
«جەتىسۋ» (تالدىقورعان) – «اقتوبە» (اقتوبە) 1:1 (0:0)
گولدار: دەسپوتوۆيچ 66 – جالمۇقان 90+.
«قايسار» (قىزىلوردا) – «ورداباسى» (شىمكەنت) 1:1 (0:0)
گولدار: مولداقاراەۆ 59 – نۇرعاليەۆ 56 پەنالتي.
«توبىل» (قوستاناي) – «تاراز» (تاراز) 3:0 (3:0)
گولدار: يۋرين 12, 40, زەنكوۆيچ 21.
«وقجەتپەس» (كوكشەتاۋ) – «اتىراۋ» (اتىراۋ) 2:2 (0:1)
گولدار: بولەشەۆ 56, روتكوۆيچ 73 – گريگورەۆ 37, يۆانوۆيچ 90.
«ەرتىس» (پاۆلودار) – «شاحتەر» (قاراعاندى) 3:1 (0:1)
گولدار: نديايە 32, 47, چەرنىشوۆ 56 – مۇرتازاەۆ 29.
«قايرات» (الماتى) – «استانا» (استانا) 2:0 (0:0)
گولدار: يساەل 45, يسلامحان 52 پەنالتي.
29 ماۋسىمعا دەيىنگى ناتيجەلەر بويىنشا تۋرنير كەستەسى
ۇزدىك مەرگەندەر:
- جەرار گوۋ («قايرات») – 18 گول;
- دۋشان ساۆيچ («جەتىسۋ»), لۋكا روتكوۆيچ («وقجەتپەس») – 7 گول;
- كونستانتين دۋدچەنكو («ەرتىس»), پاتريك تۆۋماسي («استانا») – 6 گول.
19-تۋر ويىندارى 4-5 شىلدەدە ماۋسىمدا وينالادى. اتالعان تۋرداعى قارسىلاستار تومەندەگىدەي:
«تاراز» – «جەتىسۋ»
«استانا» – «قايسار»
«اتىراۋ» – «ەرتىس»
«شاحتەر» – «قايرات»
«ورداباسى» – «توبىل»
«اقتوبە» – «وقجەتپەس»
ەلامان قوڭىر.
دەرەك: egemen.kz.
سۋرەت: vk.com.
