فوتو: جي كومەگىمەن جاسالعان
ءمينيستردىڭ ايتۋىنشا, بيىل (شاماسى 2026-2027 وقۋ جىلىندا) قازاقستاندا «قازاقستان بالالارى» باعدارلاماسى اياسىندا «جەكە قاۋىپسىزدىك» اتتى جاڭا ءپان پايدا بولادى.
«بۇل ءپاننىڭ ىشىنە جول ءجۇرۋ ەرەجەلەرى, سونىمەن قاتار بالالاردىڭ قاۋىپسىزدىگى ماسەلەلەرى كىرەدى. ءپاندى ساباق كەستەسىنە ەنگىزەمىز. وندا جەكە قاۋىپسىزدىك جانە قوعامدىق ورىندارداعى قاۋىپسىزدىك تاقىرىپتارى دا بولادى. بالالاردى دايىنداۋ كەرەك بولاتىن بارلىق وزەكتى ماسەلەلەردى ەسكەردىك», دەدى جۇلدىز سۇلەيمەنوۆا.
مەكتەپ مۇعالىمدەرى ەندى ءوز وقۋشىلارىنا اقىلى ساباق وتە المايدى
ءمينيستردىڭ سوزىنشە, بۇل باعدارلامانى ىبىراي التىنسارين اتىنداعى ۇلتتىق ءبىلىم اكادەمياسى مەن «وركەن» ورتالىعى ازىرلەدى. جاڭا پاننەن پەداگوگتەر مەن پسيحولوگتار ساباق بەرەدى. ونى 5-9-سىنىپتارعا ەنگىزۋ جوسپارلانىپ وتىر.
ەسكە سالا كەتەيىك, ەلىمىزدە مەملەكەت باسشىسىنىڭ تاپسىرماسىمەن «سيريۋس-قازاقستان» جوباسى ىسكە اسىرىلىپ جاتىر. جوبا ءبىلىم بەرۋ ساپاسىن ارتتىرىپ, وقۋشىلاردىڭ حالىقارالىق دەڭگەيدە باسەكەگە قابىلەتتىلىگىن ارتتىرۋعا باعىتتالعان.
