Instagram الەۋمەتتىك جەلىسى جاڭا قىزمەت تۇرلەرىن ۇسىندى

استانا. 29 ماۋسىم. Instagram جەلىسى قىزمەت تۇرلەرىنىڭ قاتارىن تولىقتىردى. ەندى الەۋمەتتىك جەلىنى قولدانۋشىلار گەوگرافيالىق جاعداي جانە ماڭىزدى اقپاراتتار اعىنى بويىنشا وزىنە قاجەتتى دۇنيەنى ىزدەپ تابا الادى. بۇل تۋرالى instagram-نىڭ رەسمي بلوگىنداعى جازباعا سۇيەنگەن lenta.ru حابارلادى. جاڭا قىزمەت جەلىنىڭ جاڭارعان instagram 7.0 نۇسقاسىندا Places Search تەتىگى ارقىلى جۇمىس ىستەيدى. قوسىمشا ادەتتەگىدەي iOS جانە Android وپەراتسيالىق جۇيەلەرىنە ارنالعان. ودان بولەك, قولدانۋشىلار Explore پاراعى ارقىلى سۋرەتتەردىڭ جيىنتىعىن كورە الادى. «ءبىز العاشقى كەزدەن-اق وسىنداي قىزمەت ءتۇرىن جوسپارلاعان ەدىك. بۇل قىزمەت الەمنىڭ ءار تۇكپىرىندە بولىپ جاتقان وقيعالاردان حابار بەرىپ تۇرادى», – دەيدى instagram جەلىسىن قۇرۋشىلاردىڭ ءبىرى كەۆين سيستروم. مامانداردىڭ پىكىرى بويىنشا, اتالعان جەلى مۇنداي قادامدارعا twitter-ءدى باسىپ وزۋ ءۇشىن بارۋدا. ازىرگە جوعارىدا ايتىلعان قىزمەت تەك اقش-تا عانا قول جەتىمدى. جۋىردا ەۋروپا جانە بۇكىل الەم قامتىلاتىن بولادى. ايتا كەتەيىك, قازىرگى تاڭدا الەم بويىنشا instagram-دا تاۋلىگىنە 70 ملن. فوتو جانە ۆيدەوماتەريالدار جاريالانادى. ەلامان قوڭىر. دەرەك: lenta.ru. سۋرەت: geek-nose.com.