سلوۆاكيالىق كاسىپكەر ءتۇسسىز كوفە ويلاپ تاپتى

استانا. 28 ماۋسىم. سلوۆاكيالىق كاسىپكەر ءتۇسسىز كوفە ويلاپ تاپتى. بۇل تۋرالى 24.kz حابارلادى. ول ەرەكشە سۋسىندى دايىنداۋ ءتاسىلىن قۇپيا ساقتاپ وتىر. الايدا, ءمولدىر كوفەنىڭ ءدامى ەسپرەسسودان كەم تۇسپەيتىنىن ايتادى. تىسكە دە زيانى جوق دەپ سەندىرەدى. سۋسىننىڭ قۇرامىن مەملەكەتتىك ماماندار تەكسەرىپ جاتىر. ساراپتامادان كەيىن كوفە ساتىلىمعا شىعارىلادى. كاسىپكەر دەۆيد ناگي: «ءتۇسسىز كوفەدە كوفەنىڭ قۋىرىلعان داقىلى, اۋىزسۋ جانە تابيعي جولمەن الىنعان كوفەين بار. ءبىز ەشقانداي جاساندى نەمەسە ءدام كىرگىزەتىن زاتتار مەن قانتتى پايدالانبايمىز», – دەدى. ال يوزەف باريستا ەسىمدى تۋريست: «كوزىمدى جۇمسام سالقىن ەسپرەسسو كوفەسىن ءىشىپ جاتقانداي بولامىن. قاتتى تاڭقالاتىن نارسە. سەبەبى ءبىز ءتۇسى بار كوفە ءىشىپ ۇيرەنگەنبىز عوي», – دەپ تاڭدانىسىن جاسىرا المادى. ايتا كەتەيىك, ءتۇسسىز كوفەنىڭ ءدامى ءتىل ۇيىرەدى جانە ايىزىڭدى قاندىرادى ەكەن. تالعات رايىمبەك. دەرەك, سۋرەت: 24.kz.