«بۇكىل حالىقتىڭ قالاۋى – ءسىزدىڭ سايلاۋعا قاتىسقانىڭىز»

* پرەزيدەنت پوشتاسىنان مەملەكەت باسشىسىنىڭ اتىنا كورنەكتى مەملەكەت قاي­راتكەرلەرىنەن, قوعامدىق بىرلەستىك وكىلدەرىنەن, ەڭبەك ۇجىم­دارىنان, وقۋ ورىندارىنان, ەلىمىزدىڭ ءتۇرلى وڭىرلەرىندەگى ازاماتتاردان كوپتەگەن حاتتار كەلىپ ءتۇستى, – دەپ حابارلادى پرەزيدەنتتىڭ ءباسپاسوز قىزمەتى. حاتتاردا سايلاۋ وتكىزۋ جونىندەگى شەشىمنىڭ دەر كەزىندە قابىلدانعانى ايتىلعان, سونداي-اق نۇرسۇلتان نازارباەۆقا ءوز كانديداتۋراسىن قازاقستان رەسپۋبليكاسى پرەزيدەنتى لاۋازىمىنا ۇسىنۋعا ۇسىنىس بىلدىرگەن. اتاپ ايتقاندا, كسرو حالىق ءارتىسى, سوتسياليستىك ەڭبەك ەرى ب.تولەگەنوۆا مەملەكەت باسشىسى جۇرگىزىپ وتىرعان ساياساتتىڭ اينالاسىندا شوعىرلانۋ ەلدىڭ ءارى قاراي جۇيەلى دامۋى مەن ازا­مات­تاردىڭ باقۋاتتى بولۋىنىڭ كەپىلى بولىپ سانالاتىنىنا سەنىمدى ەكەنىن بىلدىرگەن. «قازاقستان جىلدان-جىلعا وركەندەپ, الەمدەگى بەدەلدى ءارى قۇرمەتتى ەلگە اينالىپ كەلەدى. تاۋەلسىزدىگىمىز ماڭگىلىك بولا بەرسىن», – دەپ جازادى اۆتور. قازاقستان حورەوگرافتارى وداعى­نىڭ اتىنان حات جازعان وتاندىق بالەتتىڭ كورنەكتى قايراتكەرلەرى ەلىمىزدىڭ تاۋەل­سىزدىك جىلدارىندا جەتكەن بارلىق, سو­نىڭ ىشىندە مادەنيەت جانە ونەر سالا­سىنداعى تابىستارى مەملەكەت باسشى­سىنىڭ اتىمەن تىكەلەي بايلانىس­تى ەكەندىگىنە توقتالعان. «وسىنىڭ ءبارى – كوشباسشىسى ءوزىڭىز بولىپ وتىرعان, تابىستى مەملەكەت قۇرۋ جونىندەگى بىرىڭعاي ستراتەگيالىق باعدارلامانىڭ كورىنىستەرى.  ءبىز سىزگە سەنەمىز جانە وركەندەۋ مەن تاتۋلىقتى, جالپى ادامزاتتىق قۇندىلىقتار سالتانات قۇراتىن جولدى تاڭدايمىز», – دەلىنگەن حاتتا. الماتى قالاسى اكىمىنىڭ كون­تسەرتتىك وركەسترىنىڭ مۇشەلەرى قازاق­ستان­دىقتاردىڭ وركەندەۋىن, قاۋىپسىزدىگىن قامتاماسىز ەتۋ, ءال-اۋقاتىن ارتتىرۋ رەسپۋبليكا دامۋىنىڭ باسىم باعىتتارى بولىپ وتىرعانى ءۇشىن العىس بىلدىرگەن. «ءبىز ءۇشىن ءسىز سياقتى ەلباسىنىڭ باسشىلىعىندا بولۋ قۇرمەت, سول سەبەپتى دە بىزدەر, ونەر ادامدارى, بۇرىنعىشا سىزگە قۋانا داۋىس بەرەمىز. الداعى سايلاۋ ەلىمىزدىڭ بىرلىگىن نىعايتىپ, قازاقستان قوعامىن بۇدان ءارى ۇيىستىرا تۇسەدى دەپ ۇمىتتەنەمىز», – دەپ جازادى حات اۆتورلارى. قازاقستاننىڭ حالىق ەمشىلەرى قاۋىم­داستىعىنىڭ وكىلدەرى پرەزيدەنت ساي­لاۋىن وتكىزۋدى قولداي وتىرىپ, بۇل تۇراقتىلىقتى ساقتاۋعا, الەۋ­مەت­تىك-ەكو­نوميكالىق دامۋعا, مەملە­كەت باس­شى­سى باستاماشىلىق ەتكەن نەگىز­گى مەملە­كەتتىك باعدارلامالاردا بەلگى­لەن­گەن ماق­ساتتارعا جەتۋگە وڭ ىقپالىن تيگىزەتىنىن ايتقان. ح.دوسمۇحامەدوۆ اتىنداعى اتى­راۋ مەملەكەتتىك ۋنيۆەرسيتەتىنىڭ ۇس­تاز­دار ۇجىمى مەن ستۋدەنت جاستارى مەم­لەكەت باسشىسىنا «قازاقستان-2050» سترا­تەگياسىن جانە «ماڭگىلىك ەل» يدەياسىن جۇزەگە اسىرۋ ءۇشىن ماندات بەرۋ ماڭىزدى دەپ سانايدى. «ەلدى ءبىر ماقسات, ءبىر مۇددە, ءبىر بو­لاشاق ءۇشىن شوعىرلاندىرۋعا باعىت­تالعان مەملەكەت باسشىسىنىڭ سايا­ساتىن قولداۋ – ءبىزدىڭ پارىزىمىز. ءبىز الەمدەگى ەڭ دامىعان 30 ەلدىڭ قاتا­رىنا كىرۋ جونىندەگى ماقساتقا ەلباسىمەن بىرگە جەتەمىز», – دەلىنگەن حاتتا. م.اۋەزوۆ اتىنداعى وڭتۇستىك قا­زاق­ستان مەملەكەتتىك ۋنيۆەرسيتەتىنىڭ ۇجىمى پرەزيدەنت سايلاۋىن وتكىزۋ تۋرالى شەشىم ءۇشىن مەملەكەت باسشىسىنا العىس ايتقان. «ءبىز ەلدىڭ عىلىمي-اعارتۋشىلىق سالاداعى بارلىق جەتىستىكتەرىن ءسىزدىڭ جان-جاقتى قولداۋ كورسەتۋىڭىزبەن بايلانىستىرامىز. سوندىقتان سىزدەن الداعى سايلاۋعا ءوز كانديداتۋراڭىزدى ۇسىنۋدى سۇرايمىز», – دەپ جازادى اۆتورلار. ورال قالاسىنىڭ دارىندى بالالارعا ارنالعان س.سەيفۋللين اتىنداعى  وبلىستىق مامانداندىرىلعان قازاق مەكتەپ-ينتەرناتى مۇعالىمدەرىنىڭ ۇجىمى نۇرسۇلتان نازارباەۆتىڭ ءومىر جولى مەن تۇلعاسى وسكەلەڭ ۇرپاق ءۇشىن ەرلىك پەن تاباندىلىقتىڭ ۇلگىسى بولىپ سانالاتىنىن ايتقان. «وتانعا قىزمەت ەتۋگە, تاتۋلىق پەن كەلىسىم جاعدايىندا بالالارعا ءبىلىم بەرۋگە جاسالعان مۇمكىندىك ءۇشىن سىزگە شەكسىز ريزاشىلىق بىلدىرەمىز. وسىنىڭ ءبارى – ءسىزدىڭ سىندارلى ساياساتىڭىزدىڭ ناتيجەسى. بولاشاقتا ەلىمىز وسى باعىتتا دامي بەرگەنىن قالايمىز. ءبىز سىزبەن بىرگە تابىستى قازاقستاندى قولدايمىز», – دەلىنگەن حاتتا. «تاتۋلىق پەن كەلىسىم كەڭەسى» قوعام­دىق بىرلەستىگىنىڭ اقتوبە وبلىستىق فيليالىنىڭ توراعاسى ك.ەسپاعامبەتوۆ بۇگىندە بەلەڭ العان الەمدىك داعدا­رىسقا, سونداي-اق ەشكىمدى بەيجاي قال­دىر­مايتىن الىس جانە جاقىن وڭىرلەردەگى جانجالدارعا نازار اۋدارادى. «ءدال وسى كەزدە بۇدان ءارى جاسالاتىن قادامدى انىقتاپ الۋ قاجەت. ءوڭىر حالقى مەملەكەت باسشىسىنىڭ باعىتىن قولداي وتىرىپ, ۇيىمشىلدىق پەن بىرلىك كورسەتەتىنىنە سەنىمدىمىن», – دەپ جازادى اۆتور. پرەزيدەنت سايلاۋىن وتكىزۋ تۋرالى ۇسىنىسىن قابىل العانى ءۇشىن قازاقستان پرەزيدەنتىنە ريزاشىلىق بىلدىرگەن «كەنتاۋ ترانسفورماتور زاۋىتى» اق ەڭبەككەرلەرى دە قولداۋ حاتتارىن جولداپتى. «مەملەكەتتى باسقارۋ كەز كەلگەننىڭ قولىنان كەلمەيدى. بۇل سايلاۋ مەم­لەكەتتىلىكتى, حالىقتىڭ بىرلىگىن تارازى باسىنا قويادى. وسىعان بايلانىستى ءبىزدىڭ قالاۋىمىز, بۇكىل حالىقتىڭ قالاۋى – ءسىزدىڭ سايلاۋعا قاتىسقانىڭىز», – دەلىنگەن حاتتا. ءوز حاتىندا كوكشەتاۋ قالاسىنداعى «وليمپ-كوكشە» جشس ديرەكتورى ۆ.سموكۆين سايلاۋ الدىنداعى ناۋ­قان قارساڭىندا نۇرسۇلتان نازار­باەۆقا قولداۋ لەبىزىن جەتكىزگەن. «بەك سەنىمدىمىن, ءسىز – بۇكىل حالىق تاڭداعان, بۇدان بىلاي دا ءبىزدىڭ مەم­لەكەتتى جاڭا جەڭىستەرگە باستاۋعا ءتيىس بىردەن-ءبىر پرەزيدەنتسىز, بۇل رەتتە وزگە بالامانىڭ بولۋى مۇمكىن ەمەس. ءسىز­دىڭ ارقاڭىزدا قازاقستاننىڭ وركەن­دەگەن ەلگە اينالۋعا, تەك مىقتى كوشباسشىنىڭ, كەمەلدەنگەن مەملە­كەت­تىڭ جانە جۇمىلعان حالىقتىڭ قولىنان كەلەتىن جاڭا جەتىستىكتەرگە جەتۋگە قا­زاقستاندىقتاردىڭ ءازىر ەكەنىن بۇكىل الەمگە كورسەتۋگە مۇمكىندىگى بار», – دەپ جازادى اۆتور. الماتى قالاسىنان حات جازعان ا.اكىم ۇلى دا پرەزيدەنت سايلاۋىن وتكىزۋ مەملەكەتىمىزدىڭ دامۋىندا ماڭىزدى ءرول اتقاراتىنىن اتاپ وتكەن. «بۇكىل وتباسىمىز بولىپ سىزدەن ساي­لاۋعا قاتىسۋىڭىزدى وتىنەمىز جانە بەلسەندى ۇگىت-ناسيحات جۇمىسىن جۇرگى­زۋگە بار كۇش-جىگەرىمىزدى جۇمساي­تى­نى­مىزعا سەندىرەمىز. ءسىزدىڭ ايقىن جەڭىسكە جە­تەتىنىڭىزگە سەنىمدىمىز», – دەپ جازادى اۆتور. نۇرسۇلتان نازارباەۆتىڭ اتىنا بىرقاتار حات وڭتۇستىك قازاقستان وبلىسىنان كەلىپ ءتۇستى. ماسەلەن, تۇركىستان قا­لاسىنداعى ب.ساتتارحانوۆ اتىنداعى «نا­مىس» جاستار قوعامدىق بىرلەستىگىنىڭ مۇشەلەرى بۇل سايلاۋ ەلىمىزدەگى دوس­تىق­تىڭ, كەلىسىمنىڭ, بىرلىكتىڭ جانە تۇراق­تىلىقتىڭ ايعاعىنا اينالاتىنىن اتاپ وتكەن. اۆتورلار مەملەكەت باس­شى­سىن ونىڭ جۇرگىزىپ وتىرعان ساياسا­تىن قولدايتىندارىنا جانە جاقتاي­تىندارىنا سەندىرگەن. شىمكەنت قالاسىنىڭ قارتتار مەن مۇگەدەكتەر ءۇيىنىڭ تۇرعىندارى مەملە­كەت باسشىسىنىڭ كورەگەن ساياساتى بۇكىل قازاقستان حالقىنىڭ, اسىرەسە الەۋمەتتىك مەكەمەلەردە تۇراتىن ادامداردىڭ مۇددەسىن قورعاۋعا باعىتتالعانىنا نازار اۋدارعان. «ءبىز ەلدىڭ بولاشاعىن سىزبەن عانا بايلانىستىرامىز. ءبىز قازاقستاننىڭ تۇراقتىلىعىن جانە وركەندەۋىن, وسكەلەڭ ۇرپاقتىڭ الاڭسىز بولاشاعىن قولدايمىز. سوندىقتان ءسىزدىڭ سايلاۋعا مىندەتتى تۇردە قاتىسقانىڭىزدى قا­لاي­مىز», – دەلىنگەن حاتتا. سايلاۋ وتكىزۋدى قولداپ, سارىاعاش قالا­سىنان حات جازعان زەينەتكەر ت.اۋە­زوۆ نۇرسۇلتان نازارباەۆقا دەنساۋ­لىق پەن تابىس تىلەيدى. قازىبەك بي اۋىلىنىڭ تۇرعىنى ءۇ.جا­قىپوۆ مەملەكەت باسشىسى حالىق قالاۋىن ەسكەرىپ, پرەزيدەنتتىك سايلاۋعا قاتىسسا دەگەن تىلەگىن بىلدىرگەن. قازاقستان رەسپۋبليكاسى پرەزي­دەنتىنىڭ كەزەكتەن تىس سايلاۋىن بەل­گىلەۋگە بايلانىستى حاتتار لەگى ءالى دە جالعاسۋدا.