«اتىراۋ» فۋتبول كلۋبىنىڭ ەكس-باسشىسى 7 جىلعا سوتتالدى

استانا. 28 ماۋسىم. اتىراۋ قالالىق №2 سوتى «اتىراۋ» فۋتبول كومانداسىنىڭ بۇرىنعى ديرەكتورى ارمان ۇمبەتاليەۆكە قاتىستى ۇكىم شىعاردى. بۇل تۋرالى كازتاگ حابارلادى. سوت ۇمبەتاليەۆتى قازاقستان رەسپۋبليكاسى قىلمىستىق كودەكسىنىڭ 176-بابى بويىنشا («سەنىپ تاپسىرىلعان وزگەنىڭ مۇلكىن يەمدەنۋ») كىنالى دەپ تانىپ, 7 جىلعا باس بوستاندىعىنن ايىردى. سوتتالۋشى جازاسىن جالپى رەجىمدەگى كولونيادا وتەيتىن بولادى. سونداي-اق, سوت شەشىمىمەن ول ماتەريالدىق جاۋاپكەرشىلىككە قاتىستى لاۋازىمدى قىزمەتتەن 4 جىلعا الاستاتىلدى. ودان بولەك, جەكە وزىنە تيەسىلى م ۇلىكتەرى تاركىلەندى. جازا مەرزىمى وسى جىلدىڭ 26 ماۋسىمىنان باستاپ تاعايىندالدى. سوتتالۋشىنىڭ 15 كۇننىڭ ىشىندە قايتا شاعىمدانۋعا قۇقى بار. سونىمەن قاتار, سوت ۇمبەتاليەۆتەن مەملەكەتكە كەلتىرگەن شىعىنى ءۇشىن 25 ملن. 617 مىڭ 526 تەڭگە ءوندىرىپ الۋ جانە ونىڭ 768 مىڭ 526 تەڭگە كولەمىندە مەملەكەتتىك باج تولەۋ تۋرالى شەشىم شىعاردى. ايتا كەتەيىك, ارمان ۇمبەتاليەۆ «اتىراۋ» فۋتبول كومانداسىن 2011-2013 جىلدارى باسقاردى. اقپارات قۇرالدارىنداعى دەرەكتەرگە سۇيەنسەك, ول كلۋبقا وبلىستىق بيۋدجەتتەن بولىنگەن ميلليونداعان تەڭگەنى جىمقىردى دەپ ايىپتالدى. ەلامان قوڭىر. دەرەك: كازتاگ. سۋرەت: akm.sud.kz.