ءۇندىستاندا سۋ تاسقىنىنان 80-گە جۋىق ادام قازا بولدى

استانا. 28 ماۋسىم. ءۇندىستاننىڭ گۋدجارات شتاتىندا تولاسسىز جاۋعان جاڭبىر سوڭى سەلگە ۇلاسىپ, قاتتى تاسقىن سالدارىنان 80-گە جۋىق ادام قازا بولدى. بۇل تۋرالى 24today.net حابارلادى. تابيعي اپات قۇرباندارىنىڭ دەنى لاي كوشكىنى مەن ۇيلەردىڭ قۇلاۋى كەزىندە كوز جۇمعان. قۇتقارۋشىلار اپات ايماعىنان 9 مىڭعا جۋىق حالىقتى قاۋىپسىز جەرگە كوشىردى. ايتا كەتەيىك, جاقىندا عانا بۇل ەل اپتاپ ىستىقتى باستىنان وتكەرگەن ەدى. ەڭ جوعارى اۋا تەمپەراتۋراسى ءبىر اي بويى ساقتالىپ تۇردى. سونىڭ سالدارىنان ىستىققا شىداماي 2 400 ادام قازا بولدى. كۇن ءوتىپ, اپتاپ ىستىقتان زارداپ شەككەندەر سانىنىڭ تىم كوپتىگىنە بايلانىستى جەرگىلىكتى اۋرۋحانالاردا جوعارى دايىندىق رەجىمى جاريالانعان بولاتىن. قازا بولعانداردىڭ باسىم بولىگى – جاسى 50-دەن اسقاندار. ولارعا اپتاپ ىستىقتان قىزمەت تۇرىنە بايلانىستى كوشەدەگى جۇمىستارىن توقتاتۋعا تۋرا كەلگەن. ەلامان قوڭىر. دەرەك, سۋرەت: 24today.net.