كونستيتۋتسيالىق كەڭەس جانە سايلاۋ ۇدەرىسى

2010 جىلعى 12-15 شىلدە ارالى­عىندا دجاكارتا قالاسىندا (ين­دو­نەزيا) ازيا ەلدەرىنىڭ كونستيتۋ­تسيا­لىق سوتتارى مەن كونستيتۋتسيالىق باقىلاۋ ورگاندارى سۋديالارىنىڭ “سايلاۋ ۇدەرىسىن قامتاماسىز ەتۋ­دەگى كونستيتۋتسيالىق قۇقىق” اتتى 7-كونفەرەنتسياسى بولىپ ءوتتى. ونىڭ جۇمىسىنا 24 ەلدىڭ جانە ەكى حالىقارالىق ۇيىمنىڭ وكىلدەرى, سولاردىڭ ىشىندە, قازاقستان رەس­پۋب­ليكاسى كونستيتۋتسيالىق كەڭە­سىنىڭ توراعاسى ي.روگوۆ باسشىلىق جاساۋشى قازاقستاندىق دەلەگاتسيا قاتىستى. كونفەرەنتسيانىڭ اشى­لۋىندا يندونەزيا رەسپۋبليكا­سى­نىڭ پرەزيدەنتى سۋسيلو بامبانگ يۋدحويونو ءسوز سويلەدى. ازيا ەلدە­رىنىڭ كونستيتۋتسيالىق سوتتارى مەن كونستيتۋتسيالىق باقىلاۋ ورگان­دارى قاۋىمداستىعىنىڭ قۇرىلۋى كونفەرەنتسيانىڭ ماڭىزدى ءىس-شارالارىنىڭ ءبىرى بولدى. قر كونستيتۋتسيالىق كەڭەسىنىڭ توراعاسى ي.روگوۆ “قازاقستان رەس­پۋب­ليكاسى كونستيتۋتسيالىق كەڭە­سىنىڭ سايلاۋ ۇدەرىسىندە كونستيتۋ­تسيا­لىق زاڭدىلىقتى قامتاماسىز ەتۋ­دەگى ءرولى” تاقىرىبىندا بايان­داما جاسادى. كونفەرەنتسيا اياسىندا قر كك توراعاسى يندونەزيا كونستيتۋتسيا­لىق سوتىنىڭ توراعاسى م.ماح­فۋد­پەن كەزدەستى. كەزدەسۋ بارى­سىن­دا وسى ەلدەردە كونستيتۋتسيالىق زاڭ­دىلىقتى نىعايتۋ جانە كونس­تيتۋتسيالىق يۋستيتسيا ورگاندارى­نىڭ ىنتىماقتاستىعىن تەرەڭدەتۋ ماسەلەلەرى تالقىلاندى. جاڭادان قۇرىلعان قاۋىمداستىققا قر كونستيتۋتسيالىق كەڭەسىنىڭ مۇشە بولىپ كىرۋىنە قاتىستى ي.روگوۆ بۇل ماسەلەنىڭ قازاقستاندىق زاڭنامادا بەلگىلەنگەن راسىمدەرگە سايكەس شەشىلەتىنىن مالىمدەدى. قازاقستان رەسپۋبليكاسى كونستيتۋتسيالىق كەڭەسىنىڭ ءباسپاسوز قىزمەتى.