قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  №252

2014 جىلعى 24 جەلتوقسان,  الماتى قالاسى «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىن بەكىتۋ تۋرالى» 2005 جىلعى 15 قىركۇيەكتەگى № 108 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3894 تىركەلگەن) مىناداي وزگەرىستەر مەن تولىقتىرۋلار ەنگىزىلسىن: تاقىرىبى مىناداي رەداكتسيادا جازىلسىن: «قازاقستان رەسپۋبليكاسى ۇلتتىق بانكىنىڭ قىسقامەرزىمدى نوتتارىن شىعارۋ, ورنالاستىرۋ, اينالىسقا شىعارۋ جانە وتەۋ قاعيدالارى مەن تالاپتارىن بەكىتۋ تۋرالى»; 1-تارماق مىناداي رەداكتسيادا جازىلسىن: «1. قوسا بەرىلىپ وتىرعان قازاقستان رەسپۋبليكاسى ۇلتتىق بانكىنىڭ قىسقامەرزىمدى نوتتارىن شىعارۋ, ورنالاستىرۋ, اينالىسقا شىعارۋ جانە وتەۋ قاعيدالارى مەن تالاپتارى بەكىتىلسىن.»; كورسەتىلگەن قاۋلىمەن بەكىتىلگەن قازاقستان رەسپۋبليكاسى ۇلتتىق بانكىنىڭ قىسقا مەرزىمدى نوتالارىن شىعارۋ, ورنالاستىرۋ, اينالىسقا شىعارۋ جانە وتەۋ ەرەجەسىندە: تاقىرىبى مىناداي رەداكتسيادا جازىلسىن: «قازاقستان رەسپۋبليكاسى ۇلتتىق بانكىنىڭ قىسقامەرزىمدى نوتتارىن شىعارۋ, ورنالاستىرۋ, اينالىسقا شىعارۋ جانە وتەۋ قاعيدالارى مەن تالاپتارى»; كىرىسپەسى مىناداي رەداكتسيادا جازىلسىن: «وسى قاعيدالار «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا (بۇدان ءارى – ۇلتتىق بانك تۋرالى زاڭ) سايكەس ازىرلەندى جانە قازاقستان رەسپۋبليكاسى ۇلتتىق بانكىنىڭ قىسقامەرزىمدى نوتتارىن (بۇدان ءارى – قىسقامەرزىمدى نوتتار) شىعارۋ, ورنالاستىرۋ, اينالىسقا شىعارۋ جانە وتەۋ ءتارتىبى مەن تالاپتارىن ايقىندايدى.»; 1-تارماقتىڭ 10) تارماقشاسى الىنىپ تاستالسىن; 12 جانە 13-تارماقتار مىناداي رەداكتسيادا جازىلسىن: «12. ۇلتتىق بانكتىڭ باعالى قاعازدار نارىعىنىڭ سۋبەكتىلەرىن قاداعالاۋ بولىمشەسى قىسقامەرزىمدى نوتتاردىڭ ءاربىر شىعارىلىمىنا ۇلتتىق سايكەستەندىرۋ ءنومىرىن بەرەدى. 13. قىسقامەرزىمدى نوتتاردى ورنالاستىرۋ وسى قاعيدالاردىڭ 1-قوسىمشاسىنا سايكەس نىسان بويىنشا ۇلتتىق بانكتىڭ قىسقامەرزىمدى نوتتارىمەن وپەراتسيالاردى جاساۋ ءتارتىبى تۋرالى شارتتىڭ نەگىزىندە باستاپقى اگەنتتەر ارقىلى جۇزەگە اسىرىلادى.»; 27 جانە 28-تارماقتار مىناداي رەداكتسيادا جازىلسىن: «27. ۋاكىلەتتى بولىمشە قىسقامەرزىمدى نوتتاردى ساتىپ الۋعا بەرىلگەن وتىنىمدەردى وسى قاعيدالاردىڭ 4-قوسىمشاسىنا سايكەس نىسان بويىنشا ۇلتتىق بانكتىڭ قىسقامەرزىمدى نوتتارى اۋكتسيونىنىڭ جيىنتىق ۆەدوموسىنا استانا قالاسىنىڭ ۋاقىتىمەن ساعات 11.30-عا جيناقتايدى. 28. ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتىن اتقاراتىن ادام اۋكتسيون جونىندە الىنعان دەرەكتەر نەگىزىندە استانا قالاسىنىڭ ۋاقىتىمەن ساعات 11.30-دان 12.00-گە دەيىن باعا تالاپتارى, اۋكتسيوندا قىسقامەرزىمدى نوتتاردى ساتىپ الۋعا بەرىلگەن وتىنىمدەردى قاناعاتتاندىرۋ كولەمى جانە قوسىمشا ورنالاستىرۋدى جۇرگىزۋ قاجەتتىلىگى تۋرالى دەرەۋ شەشىم قابىلدايدى, بۇدان كەيىن اۋكتسيوننىڭ جيىنتىق ۆەدوموسىنا قول قويادى.»; 36 جانە 37-تارماقتار مىناداي رەداكتسيادا جازىلسىن: «36. كەلىپ تۇسكەن وتىنىمدەر وسى قاعيدالاردىڭ 6-قوسىمشاسىنا سايكەس نىسان بويىنشا ۇلتتىق بانكتىڭ قىسقامەرزىمدى نوتتارىن قوسىمشا ورنالاستىرۋدىڭ جيىنتىق ۆەدوموسىنا جيناقتالادى. 37. ۋاكىلەتتى بولىمشەنىڭ باسشىسى نە ونىڭ ورنىنداعى ادام قوسىمشا ورنالاستىرۋ جونىندەگى الىنعان دەرەكتەردىڭ نەگىزىندە قىسقامەرزىمدى نوتتاردى قوسىمشا ورنالاستىرۋعا قابىلدانعان وتىنىمدەردى قاناعاتتاندىرۋ كولەمى تۋرالى شەشىمدى قابىلدايدى, بۇدان كەيىن جيىنتىق ۆەدوموسقا قول قويادى. ۋاكىلەتتى بولىمشە وسى شەشىم نەگىزىندە قىسقامەرزىمدى نوتتاردى قوسىمشا ورنالاستىرۋدى جۇرگىزەدى. قوسىمشا ورنالاستىرۋ كەزىندە وتىنىمدەردى قاناعاتتاندىرۋدا ولاردىڭ ۇلتتىق بانككە ناقتى كەلىپ ءتۇسۋ ۋاقىتىنا باسىمدىق بەرىلەدى.»; 39-تارماق مىناداي رەداكتسيادا جازىلسىن: «39. باستاپقى اگەنتتەرمەن كەلىسىلگەن ديسكونتتالعان باعالار بويىنشا قىسقامەرزىمدى نوتتاردى ساتۋ نىسانىندا قىسقامەرزىمدى نوتتاردى ورنالاستىرۋدى جۇرگىزۋ تۋرالى شەشىم قابىلدانعان جاعدايدا, ۋاكىلەتتى بولىمشە ساتۋ جۇرگىزىلگەن كۇنى ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتىن اتقاراتىن ادام بەلگىلەگەن باعالار شەگىندە, ديسكونتتالعان باعالار مەن كولەمدى ولارمەن كەلىسكەننەن كەيىن, ءتيىستى شىعارىلىمنىڭ قىسقامەرزىمدى نوتتارىن ساتۋدى جۇرگىزۋ تالاپتارىن استانا قالاسىنىڭ ۋاقىتىمەن ساعات 12.00-گە دەيىن ولارعا جىبەرەدى.»; 41 جانە 42-تارماقتار مىناداي رەداكتسيادا جازىلسىن: «41. كەلىپ تۇسكەن وتىنىمدەر وسى قاعيدالاردىڭ 6-قوسىمشاسىنا سايكەس نىسان بويىنشا ۇلتتىق بانكتىڭ قىسقامەرزىمدى نوتتارىن ساتۋدىڭ جيىنتىق ۆەدوموسىنا جيناقتالادى. 42. ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتتى اتقاراتىن ادام ديسكونتتالعان باعالار بويىنشا قىسقامەرزىمدى نوتتاردى ساتۋ نىسانىندا الىنعان دەرەكتەر نەگىزىندە قىسقامەرزىمدى نوتتاردى ساتىپ الۋعا قابىلدانعان وتىنىمدەردى قاناعاتتاندىرۋ كولەمى تۋرالى شەشىم قابىلدايدى, بۇدان كەيىن جيىنتىق ۆەدوموسقا قول قويادى. ۋاكىلەتتى بولىمشە وسى شەشىم نەگىزىندە قىسقامەرزىمدى نوتتاردى ورنالاستىرۋدى جۇرگىزەدى.»; 45-تارماق مىناداي رەداكتسيادا جازىلسىن: «45. ۇلتتىق بانك بەلگىلەگەن باعا بويىنشا جازىلۋ نىسانىندا قىسقامەرزىمدى نوتتاردى ورنالاستىرۋدى جۇرگىزۋگە ارنالعان باعانى ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتىن اتقاراتىن ادام ايقىندايدى.»; 47 جانە 48-تارماقتار مىناداي رەداكتسيادا جازىلسىن: «47. كەلىپ تۇسكەن وتىنىمدەر وسى قاعيدالاردىڭ 6-قوسىمشاسىنا سايكەس نىسان بويىنشا ۇلتتىق بانكتىڭ قىسقامەرزىمدى نوتتارىنا جازىلۋدىڭ جيىنتىق ۆەدوموسىنا جيناقتالادى. 48. جازىلۋ تۋرالى الىنعان دەرەكتەر نەگىزىندە ۋاكىلەتتى بولىمشەنىڭ باسشىسى نە ول بولماعان جاعدايدا ونىڭ مىندەتىن اتقاراتىن ادام قىسقامەرزىمدى نوتتارعا جازىلۋ ءۇشىن قابىلدانعان وتىنىمدەردى قاناعاتتاندىرۋ كولەمى تۋرالى شەشىم قابىلدايدى, بۇدان كەيىن جيىنتىق ۆەدوموسقا قول قويادى. ۋاكىلەتتى بولىمشە وسى شەشىم نەگىزىندە قىسقامەرزىمدى نوتتاردى ورنالاستىرۋدى جۇرگىزەدى. جازىلۋ كەزىندە وتىنىمدەر قاناعاتتاندىرىلعان كەزدە ولاردىڭ ۇلتتىق بانككە ناقتى كەلىپ تۇسكەن ۋاقىتى ەسكەرىلەدى.»; 50 جانە 51-تارماقتار مىناداي رەداكتسيادا جازىلسىن: «50. ءتيىستى شىعارىلىمنىڭ قىسقامەرزىمدى نوتتارىن ورنالاستىرۋدىڭ جيىنتىق كولەمى ۋاكىلەتتى بولىمشە باسشىسىنىڭ نە ول بولماعان جاعدايدا ونىڭ مىندەتىن اتقاراتىن ادامنىڭ وكىمىمەن بەكىتىلەدى. 51. ۇلتتىق بانك ءتيىستى شىعارىلىمنىڭ قىسقامەرزىمدى نوتتارىن ورنالاستىرۋ تولىق اياقتالعاننان كەيىن استانا قالاسىنىڭ ۋاقىتىمەن ساعات 17.00-دەن كەشىكتىرمەي ورتالىق دەپوزيتاريگە جانە باستاپقى اگەنتتەرگە ورنالاستىرۋ ناتيجەلەرىن جىبەرەدى.»; 52-تارماق الىنىپ تاستالسىن; 53-تارماق مىناداي رەداكتسيادا جازىلسىن: «53. ۇلتتىق بانك كولەمى شامالى جانە اقشا-كرەديت ساياساتىنىڭ مىندەتتەرىن ورىنداۋ ءۇشىن جەتكىلىكسىز, قاناعاتتاندىرمايتىن باعا تالاپتارى بولعان جاعدايدا, ۋاكىلەتتى بولىمشەدەن الىنعان دەرەكتەر نەگىزىندە قىسقامەرزىمدى نوتتاردى ورنالاستىرۋدىڭ وتپەگەندىگىن جاريالايدى. ورنالاستىرۋدىڭ وتپەگەندىگى تۋرالى حابارلاندىرۋ ۋاكىلەتتى بولىمشە باسشىسىنىڭ نە ول بولماعان جاعدايدا ونىڭ مىندەتىن اتقاراتىن ادامنىڭ وكىمىمەن بەكىتىلەدى.»; 54-تارماق مىناداي رەداكتسيادا جازىلسىن: «54. ۇلتتىق بانك شىعارىلىم تالاپتارىمەن بەلگىلەگەن اقى تولەۋ جانە قىسقامەرزىمدى نوتتاردى ورنالاستىرۋ كۇنى ۋاكىلەتتى بولىمشە جانە باستاپقى اگەنتتەر ءتيىستى شىعارىلىمنىڭ قىسقامەرزىمدى نوتتارىن ورنالاستىرۋ ناتيجەسىن العاننان كەيىن ءبىر ساعات ىشىندە, بىراق استانا قالاسىنىڭ ۋاقىتىمەن ساعات 17.00-دەن كەشىكتىرمەي ورتالىق دەپوزيتاريدىڭ قاعيدالار جيىنتىعىنا سايكەس ءتيىستى بۇيرىقتاردى ورتالىق دەپوزيتاريگە بەرەدى.»; 64-تارماق مىناداي رەداكتسيادا جازىلسىن: «64. قىسقامەرزىمدى نوتتاردىڭ اينالىسى وتەۋ كۇنىنە دەيىن ءبىر جۇمىس كۇنى بۇرىن اياقتالادى.»; 66-تارماق مىناداي رەداكتسيادا جازىلسىن: «66. قىسقامەرزىمدى نوتتارمەن وپەراتسيالار ۇلتتىق بانك تۋرالى زاڭعا سايكەس جۇزەگە اسىرىلادى جانە وتەۋ كۇنىنە دەيىن ءبىر جۇمىس كۇنى بۇرىن توقتاتىلادى.»; 67 جانە 68-تارماقتار مىناداي رەداكتسيادا جازىلسىن: «67. ورتالىق دەپوزيتاري قىسقامەرزىمدى نوتتاردى وتەۋ كۇنىنىڭ الدىنداعى جۇمىس كۇنى استانا قالاسىنىڭ ۋاقىتىمەن ساعات 16.00-دەن كەشىكتىرمەي قىسقامەرزىمدى نوتتاردى وتەۋدەن اقشا الۋعا قۇقىعى بار قىسقامەرزىمدى نوتتاردى ۇستاۋشىلاردىڭ ءتىزىمىن قالىپتاستىرادى جانە بەلگىلەيدى. 68. ورتالىق دەپوزيتاري قىسقامەرزىمدى نوتتاردى وتەۋ كۇنىنىڭ الدىنداعى جۇمىس كۇنى استانا قالاسىنىڭ ۋاقىتىمەن ساعات 16.30-دەن كەشىكتىرمەي قىسقامەرزىمدى نوتتار سانى, ءتيىستى شىعارىلىمدى وتەۋ كەزىندە تولەنۋگە ءتيىس سوما جانە ورتالىق دەپوزيتاريدىڭ دەرەكتەمەلەرى كورسەتىلگەن قىسقامەرزىمدى نوتتاردىڭ ءتيىستى شىعارىلىمىنىڭ الداعى وتەلۋى تۋرالى مالىمەتتەردى ۋاكىلەتتى بولىمشەگە بەرەدى.»; 76-تارماق مىناداي رەداكتسيادا جازىلسىن: «76. ۇلتتىق بانكتىڭ ۇيىمداستىرىلعان نارىقتا قىسقامەرزىمدى نوتتاردى ساتىپ الۋى قور بيرجاسىنىڭ ساۋدا جۇيەسى ارقىلى جۇزەگە اسىرىلادى جانە مامىلە پاسپورتىمەن نەمەسە بيرجا كۋالىگىمەن رەسىمدەلەدى.»; مىناداي مازمۇنداعى 76-1 جانە 76-2-تارماقتارمەن تولىقتىرىلسىن: «76-1. مامىلە پاسپورتىندا, بيرجا كۋالىگىندە مىناداي مالىمەتتەر بولادى: 1) قىسقامەرزىمدى نوتتاردىڭ ۇلتتىق سايكەستەندىرۋ ءنومىرى نەمەسە ساۋدا كودى; 2) قىسقامەرزىمدى نوتتاردى شىعارۋ جانە وتەۋ كۇنى; 3) قىسقامەرزىمدى نوتتاردىڭ سانى; 4) ءبىر قىسقامەرزىمدى نوتتىڭ قۇنى; 5) وتەۋ مەرزىمى; 6) وپەراتسيا كولەمى (جالپى سوماسى تەڭگەمەن); 7) وتەۋگە كىرىستىلىك (پايىزبەن كورسەتىلگەن); 8) مامىلە كۇنى. 76-2. ورتالىق دەپوزيتاري قور بيرجاسىنىڭ بۇيرىعى نەگىزىندە قىسقامەرزىمدى نوتتاردى ۇيىمداستىرىلعان نارىقتا ساتىپ الۋدى تىركەيدى.»; 85 جانە 86-تارماقتار مىناداي رەداكتسيادا جازىلسىن: «85. ۇلتتىق بانكتىڭ قىسقا مەرزىمدى نوتتاردى مەرزىمىنەن بۇرىن وتەيتىنى تۋرالى شەشىم ۋاكىلەتتى بولىمشە باسشىسىنىڭ نە ول بولماعان جاعدايدا ونىڭ مىندەتىن اتقارۋشىنىڭ وكىمىمەن رەسىمدەلەدى. 86. ورتالىق دەپوزيتاري ساتىپ الىنعان باعالى قاعازداردى ەسەپكە الۋ جانە ولاردى ورتالىق دەپوزيتاريدىڭ قىزمەت كورسەتۋىنەن شىعارۋ ءۇشىن ۋاكىلەتتى بولىمشە باسشىسىنىڭ نە ول بولماعان جاعدايدا ونىڭ مىندەتىن اتقارۋشىنىڭ قىسقا مەرزىمدى نوتتاردى ەميتەنتتىڭ قوسالقى شوتىنان ەسەپتەن شىعارۋ ارقىلى مەرزىمىنەن بۇرىن وتەۋ تۋرالى وكىمى نەگىزىندە قىسقا مەرزىمدى نوتتاردى مەرزىمىنەن بۇرىن وتەۋدى تىركەيدى.»; 1-قوسىمشادا: ۇلتتىق بانكتىڭ قىسقامەرزىمدى نوتتارىمەن وپەراتسيالار جاساۋ ءتارتىبى تۋرالى شارتتا: «200_ جىلعى «___»____________» دەگەن بەلگىلەر, تسيفرلار جانە سوزدەر «20__ جىلعى «___»____________» دەگەن بەلگىلەرمەن, تسيفرلارمەن جانە سوزدەرمەن اۋىستىرىلسىن.»; كىرىسپەسى مىناداي رەداكتسيادا جازىلسىن: «قازاقستان رەسپۋبليكاسىنىڭ ۇلتتىق بانكى» رەسپۋبليكالىق مەملەكەتتىك مەكەمەسى, بۇدان ءارى «ۇلتتىق بانك» دەپ اتالادى, «قازاقستان رەسپۋبليكاسىنىڭ ۇلتتىق بانكى تۋرالى» قازاقستان رەسپۋبليكاسىنىڭ زاڭى نەگىزىندە ءىس-ارەكەت جاسايتىن _________________________ ارقىلى, ءبىر جاعىنان جانە ______________________________, بۇدان ءارى «باستاپقى اگەنت» دەپ اتالادى, __________ نەگىزىندە ءىس-ارەكەت جاسايتىن ____________________ ارقىلى, ەكىنشى جاعىنان, بۇدان ءارى بىرلەسىپ تاراپتار دەپ اتالىپ, تومەندەگىلەر تۋرالى وسى شارتتى جاسادى:»; 2.4.7-تارماق مىناداي رەداكتسيادا جازىلسىن: «2.4.2. دەرەكتەمەلەر وزگەرگەن جاعدايدا, ولاردى وزگەرتكەن كۇنگە دەيىنگى 2 (ەكى) جۇمىس كۇننەن كەشىكتىرمەي بۇل تۋرالى جازباشا حابارلاۋعا;»; 2.4.7-تارماق مىناداي رەداكتسيادا جازىلسىن: «2.4.7. ۇلتتىق بانك تاراپىنان باستاپقى اگەنتكە سانكتسيالاردى, شەكتەۋلى ىقپال ەتۋ شارالارىن, ەرتەرەك دەن قويۋ شارالارىن قولدانۋدىڭ بارلىق جاعدايلارى تۋرالى ۋاكىلەتتى بولىمشەگە حابارلاۋعا مىندەتتى.»; 3 جانە 5-قوسىمشالاردا «200_ جىلعى «___»____________» دەگەن بەلگىلەر, تسيفرلار جانە سوزدەر «20__ جىلعى «___»____________» دەگەن بەلگىلەرمەن, تسيفرلارمەن جانە سوزدەرمەن اۋىستىرىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ەكى كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10220 بولىپ ەنگىزىلدى.