قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى №241

2014 جىلعى 24 جەلتوقسان,  الماتى قالاسى قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «باعالى قاعازدارمەن جانە وزگە قارجى قۇرالدارىمەن ساۋدا-ساتتىق ۇيىمداستىرۋشىلاردىڭ قىزمەتىن جۇزەگە اسىرۋ ەرەجەسىن بەكىتۋ تۋرالى» 2008 جىلعى 29 قازانداعى № 170 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «باعالى قاعازدارمەن جانە وزگە قارجى قۇرالدارىمەن ساۋدا-ساتتىق ۇيىمداستىرۋشىلاردىڭ قىزمەتىن جۇزەگە اسىرۋ ەرەجەسىن بەكىتۋ تۋرالى» 2008 جىلعى 29 قازانداعى № 170 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5406 تىركەلگەن, 2009 جىلعى 14 قاڭتاردا «زاڭ گازەتى» گازەتىندە № 5 (1428) جاريالانعان) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن باعالى قاعازدارمەن جانە وزگە قارجى قۇرالدارىمەن ساۋدا-ساتتىق ۇيىمداستىرۋشىلاردىڭ قىزمەتىن جۇزەگە اسىرۋ ەرەجەسىندە: 2-تارماق مىناداي رەداكتسيادا جازىلسىن: «2. باعالى قاعازدار نارىعىنىڭ كاسiبي قاتىسۋشىلارى جانە قازاقستان رەسپۋبليكاسىنىڭ زاڭناماسىنا سايكەس باعالى قاعازداردى قوسپاعاندا, وزگە قارجى قۇرالدارىمەن مامىلەلەردi جۇزەگە اسىرۋعا قۇقىعى بار وزگە زاڭدى تۇلعالار قور بيرجاسىنىڭ مۇشەلەرi بولىپ تابىلادى. ولار ءۇشىن نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3916 تىركەلگەن قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «قور بيرجاسىنا مۇشەلىك ءۇشىن شەتەلدىك زاڭدى تۇلعالارعا قويىلاتىن تالاپتار تۋرالى» 2005 جىلعى 30 قىركۇيەكتەگى № 360 قاۋلىسىمەن جانە قور بيرجاسىنىڭ قاعيدالارىمەن بەكىتىلگەن تالاپتارعا سايكەس كەلەتىن شەتەلدىك زاڭدى تۇلعالار قور بيرجاسىنىڭ مۇشەلەرى بولىپ تابىلادى. باعالى قاعازدار نارىعىنىڭ كاسiبي قاتىسۋشىلارى عانا باعا بەلگiلەۋ ۇيىمىنىڭ كليەنتتەرi بولا الادى. قور بيرجاسىنىڭ مۇشەسi بولۋ (باعا بەلگiلەۋ ۇيىمىنىڭ كليەنتi بولىپ قابىلدانۋ) شارتتارى مەن ءتارتiبi ونىڭ قاعيدالارىمەن ايقىندالادى.»; 9-تارماق مىناداي رەداكتسيادا جازىلسىن: «9. قور بيرجاسىنىڭ مۇشەسى – بروكەر جانە (نەمەسە) ديلەر قور بيرجاسىن ۋاكiلەتتi ورگان وسى بروكەرگە جانە (نەمەسە) ديلەرگە جانە (نەمەسە) ونىڭ قىزمەتكەرلەرiنە قاتىستى قابىلداعان كەز كەلگەن سانكتسيالار مەن شەكتەۋلi ىقپال ەتۋ شارالارى تۋرالى حاباردار ەتەدى.»; 34-1-تارماق مىناداي رەداكتسيادا جازىلسىن: «34-1. قازاقستان رەسپۋبليكاسىنىڭ مەملەكەتتىك باعالى قاعازدارىمەن (قازاقستان رەسپۋبليكاسىنىڭ جەرگىلىكتى اتقارۋشى ورگاندارىنىڭ وبليگاتسيالارىن قوسپاعاندا) ساۋدا-ساتتىققا ولاردى باستاپقى ورنالاستىرۋ كەزىندە قور بيرجاسىنىڭ ءتيىستى مۇشەلىك ساناتىنداعى مۇشەلەرى قاتىسادى. ەكىنشى دەڭگەيدەگى بانكتەر بولىپ تابىلمايتىن بروكەرلەر جانە (نەمەسە) ديلەرلەر كورسەتىلگەن ساۋدا-ساتتىققا ءوز كليەنتتەرىنىڭ ەسەبىنەن جانە مۇددەسى ءۇشىن, باسەكەلى (ليميت بەرىلگەن) جانە باسەكەلى ەمەس وتىنىمدەر بەرۋ ارقىلى عانا جانە وسىنداي وتىنىمدەردى قور بيرجاسىنىڭ ىشكى قۇجاتتارىنا سايكەس قامتاماسىز ەتكەن جاعدايدا عانا قاتىسادى. بيرجا بروكەرلەر جانە (نەمەسە) ديلەرلەر بەرگەن وتىنىمدەردە باعانىڭ قامتاماسىز ەتىلۋى مەن بولۋىن باقىلاۋ, سونداي-اق قازاقستان رەسپۋبليكاسىنىڭ مەملەكەتتىك باعالى قاعازدارىمەن ساۋدا-ساتتىق جۇرگىزۋ كەزىندە مانيپۋلياتسيالاۋعا جول بەرمەۋ ماقساتىندا ونىڭ ىشكى قۇجاتتارىندا كوزدەلگەن تارتىپپەن باقىلاۋ جۇرگىزەدى. وسى تارماقتىڭ تالابى قازاقستان رەسپۋبليكاسى ۇلتتىق بانكىنىڭ بروكەرلىك قىزمەت كورسەتۋ تۋرالى نە سەنىمگەرلىك باسقارۋ شارتتارى جاسالعان كليەنتتەردىڭ ەسەبىنەن جانە مۇددەسى ءۇشىن عانا, قازاقستان رەسپۋبليكاسىنىڭ مەملەكەتتىك باعالى قاعازدارىمەن ساۋدا-ساتتىققا ولاردى باستاپقى ورنالاستىرۋ كەزىندە قاتىسۋ جاعدايلارىنا قولدانىلمايدى.»; 37-تارماقتىڭ 4) تارماقشاسى مىناداي رەداكتسيادا جازىلسىن: «4) قور بيرجاسىنىڭ رەسمي تىزىمىنە ەنگىزىلگەن قازاقستان رەسپۋبليكاسىنىڭ جانە باسقا مەملەكەتتەردىڭ زاڭناماسىنا سايكەس قازاقستان رەسپۋبليكاسىنىڭ رەزيدەنتى-ۇيىمدار شىعارعان, مىناداي تالاپتارعا ساي كەلەتىن مەملەكەتتىك ەمەس بورىشتىق باعالى قاعازدار بويىنشا: بورىشتىق باعالى قاعازدار ەميتەنتىنىڭ مەملەكەتتىك تىركەۋى ونىڭ باعالى قاعازدارىن قور بيرجاسىنىڭ رەسمي تىزىمىنە ەنگىزۋ تۋرالى ءوتىنىش بەرىلگەن كۇنگە دەيىن كەمىندە ەكى جىل بۇرىن جۇزەگە اسىرىلعان; بورىشتىق باعالى قاعازدار ەميتەنتى قارجىلىق ەسەپتىلىكتى حالىقارالىق قارجىلىق ەسەپتىلىك ستاندارتتارىنا (International Financial Reporting Standards - IFRS) (بۇدان ءارى - حقەس) نەمەسە امەريكا قۇراما شتاتتارىندا قولدانىلاتىن قارجىلىق ەسەپتىلىك ستاندارتتارىنا (General Accepted Accounting Principles - GAAP) (بۇدان ءارى – اقش قەس) سايكەس جاسالعان; بورىشتىق باعالى قاعازدار ەميتەنتىنىڭ قارجىلىق ەسەپتىلىگىنىڭ ءاۋديتىن قور بيرجاسىمەن تانىلاتىن اۋديتورلىق ۇيىمداردىڭ تىزىلىمىنە كىرەتىن اۋديتورلىق ۇيىمداردىڭ ءبىرى جۇرگىزگەن; بورىشتىق باعالى قاعازدار ەميتەنتىنىڭ اۋديتورلىق ەسەپپەن راستالعان قارجىلىق ەسەپتىلىگى كەمىندە اياقتالعان ەكى قارجى جىلى بۇرىن بەرىلگەن; بورىشتىق باعالى قاعازدار ەميتەنتىنىڭ مەنشىكتى كاپيتالى اۋديتورلىق ەسەپپەن راستالعان سوڭعى ەسەپتى كۇنىنە جاسالعان قارجىلىق ەسەپتىلىككە سايكەس, ءتيىستى قارجى جىلىنا رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىشتىڭ كەمىندە ەكى ميلليون ەلۋ مىڭ ەسەلىك مولشەرىنە بالامالى سومانى قۇرايدى; بورىشتىق باعالى قاعازدار ەميتەنتىنىڭ تازا پايداسى سوڭعى ەكى جىلدىڭ بىرىندە اۋديتورلىق ەسەپپەن راستالعان سوڭعى ەسەپتى كۇنىنە جاسالعان قارجىلىق ەسەپتىلىككە سايكەس, ءتيىستى قارجى جىلىنا رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىشتىڭ كەمىندە سەكسەن بەس مىڭ التى ءجۇز ەسەلىك مولشەرىنە بالامالى سومانى قۇرايدى; ليزينگىلىك ۇيىمدى جانە كرەديتتىك سەرىكتەستىكتى قوسپاعاندا, قارجى ۇيىمى بولىپ تابىلمايتىن ۇيىم - بورىشتىق باعالى قاعازدار ەميتەنتىنىڭ ءاربىر سوڭعى ەكى جىل ءۇشىن نەگىزگى قىزمەتى بويىنشا ساتۋ كولەمى اۋديتورلىق ەسەپپەن راستالعان جاسالعان قارجىلىق ەسەپتىلىكتىڭ دەرەكتەرى بويىنشا ءتيىستى قارجى جىلىنا رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىشتىڭ كەمىندە ەكى ميلليون ەلۋ مىڭ ەسەلىك مولشەرىنە بالامالى سومانى قۇرايدى; بورىشتىق باعالى قاعازدار ەميتەنتى اكتسيونەرلەرىنىڭ جالپى جينالىسىندا بەكىتىلگەن كورپوراتيۆتىك باسقارۋ كودەكسىنىڭ بولۋى; بورىشتىق باعالى قاعازدار قور بيرجاسىنىڭ رەسمي تىزىمىندە بولعان كەزدە وسىنداي باعالى قاعازدار بويىنشا ماركەت-مەيكەردىڭ بولۋى; بورىشتىق باعالى قاعازدار ەميتەنتىنىڭ قۇرىلتاي قۇجاتتارىندا جانە (نەمەسە) باعالى قاعازدار شىعارىلىمى پروسپەكتىسىندە باعالى قاعازداردىڭ مەنشىك يەسىنىڭ ولاردى يەلىگىنەن الۋ (بەرۋ) قۇقىقتارىنا قىسىم جاسامايتىن نەمەسە شەكتەمەيتىن نورمالاردىڭ بولماۋى;»; 50-تارماقتىڭ 1) تارماقشاسى مىناداي رەداكتسيادا جازىلسىن: «1) قور بيرجاسىنىڭ رەسمي تىزىمىندەگى «اكتسيالار» سەكتورىنىڭ ءبىرىنشى ساناتىنا ەنگىزىلگەن ەميتەنت اكتسياسىنىڭ باعاسىنا ءبىر ساۋدا كۇنى ىشىندە ون بەس جانە ودان كوپ پايىزعا وزگەرگەن;». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قاۋلى قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10219 بولىپ ەنگىزىلدى.