وندا كوپپاتەرلى تۇرعىن ۇيلەردى باسقارۋ جۇيەسىن جەتىلدىرۋ, تۇرعىن ءۇي-كوممۋنالدىق شارۋاشىلىق سالاسىنداعى وزەكتى ماسەلەلەر تالقىلاندى.
«مەملەكەت باسشىسىنىڭ تاپسىرماسىنا سايكەس قىزىلوردا قالاسىنىڭ كوپقاباتتى تۇرعىن ۇيلەرىن ىستىق سۋمەن قامتۋ جوباسى جۇزەگە اسىرىلىپ, بۇگىندە تۇرعىندار ونىڭ يگىلىگىن كورۋدە.
تۇرعىن ءۇي قورىن جاڭارتۋ تۇراقتى باقىلاۋىمىزدا. ءۇش جىلدا 3 ملرد. 500 ملن. تەڭگەگە 65 كوپپاتەرلى تۇرعىن ءۇي كۇردەلى جوندەۋدەن ءوتتى. قىزىلوردا قالاسىندا 1 ملرد. 775 ملن. تەڭگەگە 60 ەسكى كوپقاباتتى تۇرعىن ءۇيدىڭ قاسبەتتەرى زاماناۋي پانەلمەن قاپتالدى, 4 ملرد. تەڭگەگە قوسىمشا 70 تۇرعىن ءۇي جاڭارتىلۋدا. اۋلالارعا دەمەۋشىلەر ەسەبىنەن 80 سپورت, ويىن الاڭى ورناتىلدى.
«تازا قازاقستان» ەكولوگيالىق اكتسياسى اياسىندا ەلدى مەكەندەردى اباتتاندىرۋ, قورشاعان ورتانى تازا ۇستاۋ, كوگالداندىرۋ جانە ەكولوگيالىق مادەنيەتتى قالىپتاستىرۋدا اۋقىمدى شارالار ۇيىمداستىرىلىپ كەلەدى. ماقسات – تۇرعىنداردىڭ جايلى ءومىر سۇرۋىنە قولايلى جاعداي جاساۋ.
فورۋم اياسىندا كوتەرىلگەن باستامالار ەلىمىزدەگى جانە سىر وڭىرىندەگى تۇرعىن ءۇي سالاسىنىڭ دامۋىنا وڭ سەرپىن بەرەدى دەپ سەنەمىن. بارشاڭىزعا مىقتى دەنساۋلىق, وتباسىلارىڭىزعا اماندىق, ەڭبەكتەرىڭىزگە تابىس تىلەيمىن!» دەدى مۇرات نالقوجا ۇلى.
باسقوسۋدا ەرجان جۇمات ۇلى, مارحابات جايىمبەت ۇلى, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى قانات تۇرسىنباي ۇلى, «قازاقستاندىق تۇرعىن ءۇي-كوممۋنالدىق شارۋاشىلىقتى جاڭعىرتۋ مەن دامىتۋ ورتالىعى» اق دەپارتامەنت ديرەكتورى مارعۇلان جەڭىس ۇلى, وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مەدەت ۋساين ۇلى, قىزىلوردا قالاسىنىڭ اكىمى نۇرجان ءسابيت ۇلى, پاتەر يەلەرى اسسوتسياتسياسىنىڭ قىزىلوردا قالاسى بويىنشا ءتورايىمى ءىلىمجاۋحار كەڭەسقىزى ءسوز سويلەدى.
