اكىمشىلىك كەدەرگى – كاسىپكەرگە تۇساۋ

ەلىمىزدىڭ دۇنيەجۇزىلىك ساۋدا ۇيىمىنا كىرۋى ءبىراز جىلداردان بەرى ايتىلىپ جۇرگەن ماسەلە بولعانىمەن, مەملەكەت باسشىسى نۇرسۇلتان نازارباەۆتىڭ تياناقتى جۇرگىزىپ وتىرعان ساياساتى, بەرىك ۇستانىمى ناتيجەسىندە ەندى عانا مۇمكىن بولىپ وتىر. وسى ءبىر ابىرويلى ۇيىمعا مۇشە بولۋ مىندەت قانا ەمەس, ۇلكەن سىن ەكەنى دە جاسىرىن ەمەس. سونداي-اق, ەل كاسىپكەرلەرى ءۇشىن باسە­كەلەستىكتىڭ جاڭا دەڭگەيگە كوشۋىن بىلدىرەدى. سوندىقتان, وتاندىق كاسىپكەرلەردىڭ الەم نارىعىنا لايىقتى باسەكەلەستىك تانىتۋ ءۇشىن مەملەكەت تاراپىنان بارلىق جاعدايلار جاسالۋى ءتيىس. كاسىپكەرلەردى قولداۋ – قازاق­ستان رەسپۋبليكاسى مەملەكەتتىك قىزمەت ىستەرى جانە سىبايلاس جەم­قورلىققا قارسى ءىس-قيمىل اگەنت­تىگىنىڭ باستى مىندەتتەرىنىڭ ءبىرى. اگەنتتىكتىڭ الماتى قالاسى بو­يىنشا دەپارتامەنتىنىڭ جانىندا قوعام مەن مەملەكەتتىك ورگاندار اراسىنداعى كوپىر بولىپ تابىلاتىن قوعامدىق كەڭەس جۇمىس ىستەيدى. كەڭەستىڭ قۇرا­مىنا وتاندىق بيز­نەس وكىلدەرى, كاسىپكەرلىك قۇرى­لىمدار كىرەدى. جاقىننان بەرى قوعام­دىق كەڭەس وتىرىستارىندا مەم­لەكەتتىك ورگان باسشىلارىن تىڭداۋ تاجىريبەسى جولعا قويىل­عان. وسىنداي وتىرىس­تار بارى­سىندا قوعامدىق ۇيىمدار جۇرگىز­گەن مونيتورينگىنىڭ ساۋالناما ناتيجەلەرى تانىستىرىلادى. كەشە الماتى قالاسى اكىمدى­­گىندە وسى قوعامدىق كەڭەس­­تىڭ كەزەك­تى وتىرىسى بولىپ ءوتتى. وندا «مەم­لەكەتتىك قىزمەت كورسە­تۋدىڭ ساپاسى تۋرالى قوعام­دىق مونيتورينگتىڭ ناتيجە­لەرى» دەگەن تاقىرىپتا الماتى قالاسى كاسىپكەرلەر پالاتاسى ديرەك­تورى­نىڭ ورىنباسارى مىندەتىن ۋاقىتشا اتقارۋشى سالتانات لەسباەۆا بايانداما جاسادى. ونىڭ ايتۋىنشا, الماتى قالاسى بويىنشا كاسىپكەرلەر پالا­تاسى 1334 كاسىپكەر اراسىن­دا مونيتورينگ جۇرگىزگەن. ءوت­كەن جىلعى ناتيجەلەرمەن سالىس­تىرعاندا, كاسىپكەرلەردىڭ مەملە­كەت­تىك قىزمەتتەر ساپاسىنا دەگەن قا­ناعاتتانۋ دەڭگەيى وسكەن. كاسىپ­كەرلەر پالاتاسى وتكىزگەن 15 مەم­لە­كەتتىك قىزمەت ءتۇرىنىڭ 13-ءى ساپا جا­عىنان جاقسى ناتيجەلەر كورسەتكەن. سونىمەن قاتار, كاسىپكەرلەر بىرقاتار كەمشىلىكتەردى دە اتاپ كورسەتكەن. ولار: قىزمەت كورسە­تۋ­دىڭ ۇزاقتىعى, ەلەكتروندى قىز­مەتتەردىڭ ىستەن شىعۋى سەبەپ­تى تەحنيكالىق پروبلەمالار, مەم­لە­كەت­تىك مەكەمەلەر مەن حقو قىز­مەتكەرلەرىنىڭ دورەكىلىگى جانە ۇقىپ­سىزدىعى, شەكتەن تىس كوپ قۇجات­ت­اردى تالاپ ەتۋى جانە قىزمەت كور­سەتۋ ۋاقىتىنىڭ ۇزاققا سوزىلۋى. دەگەنمەن, كوپتەگەن كاسىپ­كەر­لەردىڭ مەملەكەتتىك قىزمەتتەردىڭ رەگلامەنتتەرى مەن ستاندارتتارىنىڭ بارى جونىندە بەيحابار ەكەندىگى دە انىقتالدى. كوپتەگەن كاسىپ­كەر­لەر وزدەرىنىڭ اكىمشىلىك ءراسىم­دەر تەر­ميندەر مەن نەگىزگى ۇعىم­داردى ءتۇسىن­بەيتىندىكتەرىن ايتقان. بۇل با­عىتتا كاسىپكەرلەردىڭ قۇقىق­تىق سا­ۋات­­تى­لىعىن كوتەرۋگە باعىت­تال­عان جۇ­مىستى جانداندىرۋ كوزدەلۋدە. شارافاددين ءامىروۆ, «ەگەمەن قازاقستان». الماتى.