كوشەت – كوشە كوركى

«قازحروم» تۇك» اق-تىڭ فيليالى – اقتوبە فەرروقورىتپا زاۋىتى قورشاعان ورتانى قورعاۋ باسقارماسىنىڭ يگى باستاماسىمەن «قازحرومنىڭ» الەمدە تەڭدەسى جوق جاڭا فەرروقورىتپا زاۋىتىنىڭ اۋماعىنا 200 ءتۇپ پيراميدالىق تەرەك اعاشىن وتىرعىزدى. مەتال­لۋرگتەردىڭ قولىمەن وتىرعىزىلعان اعاش كوشەتتەرى جاڭا كاسىپورىننىڭ كوركىنە كورىك قوسىپ, جاسىل جەلەككە بولەيتىن بولادى. جاڭا فەرروقورىتپا زاۋىتىنىڭ اۋماعىنا اعاش وتىرعىزۋ شاراسىنا 100-گە جۋىق زاۋىتتىقتار بەلسەنە قاتىستى. كوشەت وتىرعىزاتىن ورىن­داردى ەنەرگوتسەح, حيميالىق ساراپتاما زەرتحاناسىنىڭ, قوي­ما شارۋاشىلىعىنىڭ جانە №4 بالقىتۋ تسەحى ۇجىمىنىڭ كومە­گىمەن الدىن الا قازىلىپ, وعان قاجەتتى قۇرال-سايماندار دايىن­دالىپ قويىلدى. جاقسى كوتەرىڭكى كوڭىل كۇيمەن جينالعان زاۋىتتىقتار ۇلى جەڭىستىڭ 70 جىلدىق مەرەيتويدىڭ قۇرمەتىنە وتىرعىزىلعان پيراميدالىق تەرەكتەر الەمدە تەڭدەسى جوق جاڭا زاۋىتقا ەرەكشە ءسان بەرىپ, مەتاللۋرگتەردىڭ ءۇزىلىس كەزىندە كولەڭكەسىن سايالايتىن ورىندارىنىڭ بىرىنە اينالاتىنىنا سەنىمدى. – ەلباسى نۇرسۇلتان نازارباەۆ قازاقستان حالقى اسسامبلەياسىنىڭ سەسسياسىندا: «ءبىز ەلىمىزدى جاپى­راعى قۋرامايتىن, تامىرى سۋالمايتىن, كورگەن جان تامسانباي تۇرا المايتىن ماڭگىلىك جا­سىل ەلگە اينالدىرۋىمىز كەرەك», دەپ اتاپ كورسەتكەن بولاتىن. بۇعان ۇلەس قوسۋدى مەتاللۋرگتەر وزدەرىنىڭ ازاماتتىق پارىزى دەپ ساناپ, جىل سايىن زاۋىت اۋماعىن كوگالداندىرىپ, اباتتاندىرىپ وتىرۋدى داعدىعا اينالدىرىپ كەلەدى. جىل سايىن «مەن اعاش وتىرعىزدىم», «اعاش وتىرعىز» اكتسياسى اياسىندا بۇل يگى ءىس ءوز جالعاسىن تابۋدا. جاقىندا عانا وبلىستىق ەكولوگيا دەپارتامەنتىنىڭ باستاماسىن قولداعان زاۋىتتىقتار اقتوبە قالاسىنداعى №12 شاعىن اۋدانىندا بوي كوتەرگەن بالالار الاڭىنا وزدەرىنىڭ قولتاڭبالارىن قالدىرىپ, كاسىپورىن اتىنان جەڭىستىڭ 70 جىلدىق مەرەيتويىنا وراي 70 ءتۇپ تەرەك كوشەتىن وتىرعىزىپ, قالا تۇرعىندارىنا قۋانىش سىيلادى. جاڭا زاۋىت اۋماعىندا وتىرعىزىلعان بۇل كوشەتتەردىڭ جايقالىپ جاسىل جەلەككە اينالۋى ءۇشىن كۇتىپ باپتاۋ, سۋارۋ جۇمىستارى زاۋىت جۇمىسكەرلەرىنە جۇكتەلگەن, – دەيدى اقتوبە فەرروقورىتپا زاۋى­تى قورشاعان ورتانى قورعاۋ باسقارماسىنىڭ باسشىسى تاتيانا سامويلەنكو. ءاردايىم جاقسى ىستەردىڭ ۇيىت­قىسى بولىپ جۇرەتىن مەتال­لۋرگتەردىڭ وسىنداي يگى شارالاردا بەلسەندىلىك تانىتقانى ءبىزدى دە قۋانتتى. زاۋىتتىقتار «اتادان مال قالعانشا, تال قالسىن» دەگەن حالىق ناقىلىنىڭ شىنايى كورىنىسىن كورسەتىپ, وزگەلەرگە ۇلگى بولۋدا. مەتاللۋرگتەردىڭ ونەگەسىن وڭىردەگى وزگە كاسىپورىندار دا ءىلىپ اكەتىپ, جاس كوشەتتەر وتىرعىزۋعا كىرىسىپ كەتتى. ساتىبالدى ءساۋىرباي, «ەگەمەن قازاقستان». اقتوبە وبلىسى.