قازاقستان رەسپۋبليكاسى ۇكىمەتىنىڭ قاۋلىسى  №124

2015 جىلعى 11 ناۋرىز, استانا, ۇكىمەت ءۇيى قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ 2015 جىلى وڭدەۋ ونەركاسىبىندە كاسىپكەرلىك سۋبەكتىلەرىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارىن بەكىتۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ 2015 جىلى وڭدەۋ ونەركاسىبىندە كاسىپكەرلىك سۋبەكتىلەرىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارى (بۇدان ءارى – جوسپار) بەكىتىلسىن. 2. «بايتەرەك» ۇلتتىق باسقارۋشى حولدينگى» اكتسيونەرلىك قوعامى (كەلىسىم بويىنشا) «دامۋ» كاسىپكەرلىكتى دامىتۋ قورى» اكتسيونەرلىك قوعامىمەن (كەلىسىم بويىنشا) جانە «قازاقستاننىڭ دامۋ بانكى» اكتسيونەرلىك قوعامىمەن (كەلىسىم بويىنشا) بىرلەسىپ: 1) جوسپاردىڭ ۋاقتىلى ورىندالۋىن قامتاماسىز ەتسىن; 2) جارتى جىلدا بiر رەت, جارتىجىلدىقتىڭ العاشقى ايىنىڭ جيىرماسىنشى كۇنiنەن كەشiكتiرمەي قازاقستان رەسپۋبليكاسى ۇلتتىق ەكونوميكا مينيسترلىگىنە جوسپاردىڭ ورىندالۋى تۋرالى اقپارات بەرسىن. 3. قازاقستان رەسپۋبليكاسى ۇلتتىق ەكونوميكا مينيسترلىگى 2015 جىلعى 30 جەلتوقسانعا دەيىن قازاقستان رەسپۋبليكاسىنىڭ ۇكىمەتىنە جوسپاردىڭ ورىندالۋى تۋرالى جيىنتىق اقپارات بەرسىن. 4. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2015 جىلعى 11 ناۋرىزداعى №124 قاۋلىسىمەن بەكىتىلگەن قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ 2015 جىلى وڭدەۋ ونەركاسىبىندە كاسىپكەرلىك سۋبەكتىلەرىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارى اعىمداعى جاعدايدى تالداۋ ەكونوميكانى ءارتاراپتاندىرۋ جانە ونىڭ باسەكەگە قابىلەتتىلىگىن ارتتىرۋ ارقىلى تۇراقتى جانە تەڭگەرىمدى ءوسۋىن قامتاماسىز ەتۋ ماقساتىندا 2010 جىلى ۇدەمەلى يندۋستريالىق-يننوۆاتسيالىق دامۋ جونىندەگى 2010 – 2014 جىلدارعا ارنالعان مەملەكەتتىك باعدارلاما (بۇدان ءارى – ءۇيدمب) قابىلداندى. ءۇيدمب الدىن الا قورىتىندىسى ونىڭ ەلدىڭ الەۋمەتتىك-ەكونوميكالىق دامۋىنا وڭ اسەر ەتكەنىن ايعاقتايدى. 2008 – 2013 جىلدار ارالىعىندا وڭدەۋ ونەركاسىبىنىڭ جالپى قوسىلعان قۇنى كولەمىنىڭ ءوسۋى 25,8 %-دى قۇرادى (1,8 دەن 3,8 ترلن. تەڭگەگە دەيىن). ۇقساس كەزەڭ ىشىندە وڭدەۋ ونەركاسىبىندە ەڭبەك ونىمدىلىگىنىڭ ءوسۋى 158,5 %-دى قۇرادى, 37,3-تەن 57,5 مىڭ اقش دولل/ادام. دەيىن1. بۇل رەتتە 2013 جىلى وڭدەۋ ونەركاسىبىنىڭ ءوندىرىس كولەمى 5 852,6 ملرد. تەڭگەنى قۇرادى, ونىڭ ىشىندە تاماق ونەركاسىبى 1 172,6 ملرد. تەڭگە (20 %), ماشينا جاساۋ – 859,2 ملرد. تەڭگە (14,5 %), حيميا ونەركاسىبى – 185,9 ملرد. تەڭگە (3 %)2. وڭدەۋ ونەركاسىبىنىڭ قازاقستاننىڭ ءجىو قۇرىلىمىنداعى جقق ناقتى ءوسۋى وڭدەۋ ونەركاسىبىنىڭ ۇلەسى الەۋمەتتىك-ەكونوميكالىق دامۋدىڭ جوعارى كورسەتكىشتەرىنە قول جەتكىزۋ تابيعي رەسۋرستارمەن قامتاماسىز ەتىلۋ, قولايلى ماكروەكونوميكالىق ورتا جانە ساياسي تۇراقتىلىق سياقتى باسەكەگە قابىلەتتىلىكتىڭ نەگىزگى فاكتورلارىنىڭ ارقاسىندا ورىن الدى. بۇل رەتتە پەرسپەكتيۆادا ەل ەكونوميكاسى باسەكەگە قابىلەتتىلىگىن جوعالتۋى جانە «ورتاشا تابىس تۇزاعىندا» قالۋى مۇمكىن3. ايتالىق, وڭ ۇردىستەرگە قاراماستان, وڭدەۋ ونەركاسىبىنىڭ ءوسۋ قارقىنى تومەندەۋدە (2013 جىلى – 1,9 %, ال 2010 جىلى – 13,9 %). ءجىو-ءنىڭ وزىڭقى ءوسۋى ەسەبىنەن ونىڭ قۇرىلىمىنداعى وڭدەۋ ونەركاسىبىنىڭ ۇلەسى 2008 جىلى 11,8 %-دان 2014 جىلدىڭ ءبىرىنشى جارتىجىلدىعىنىڭ قورىتىندىلارى بويىنشا 10,7 %-عا دەيىن تومەندەدى. بۇدان باسقا, شيكىزاتتىق ەمەس ءونىمنىڭ ەكسپورت قۇرىلىمىنداعى ۇلەسى ۇقساس كەزەڭدە 28 %-دان 24 %-عا دەيىن قىسقارعان. وڭدەۋ ونەركاسىبى ءونىمىنىڭ ءوسۋ قارقىنىنىڭ باياۋلاۋى ەلدەگى ينۆەستيتسيالىق بەلسەندىلىكتىڭ تومەندەۋىمەن بىرگە ءجۇردى. ايتالىق, سوڭعى بەس جىل ىشىندە نەگىزگى كاپيتالعا ينۆەستيتسيالاردىڭ جىلدىق ءوسۋ دەڭگەيى 14,8 %-دان 6,9%-عا دەيىن قىسقاردى4. بۇل رەتتە 2013 جىلى ينۆەستيتسيالىق سالىمداردىڭ ەڭ كوپ كولەمى وتكەن جىلدارداعىداي تاۋ-كەن وندىرىسىنە تيەسىلى (نەگىزگى كاپيتالعا بارلىق ينۆەستيتسيالاردىڭ 29 %-ى). نەگىزگى كاپيتالعا ينۆەستيتسيالاردى قارجىلاندىرۋدىڭ نەگىزگى كوزى كاسىپورىننىڭ مەنشىكتى قاراجاتى بولىپ وتىر (59 %), ال نارىقتا ۇزاق مەرزىمدى قورلاندىرۋ كوزدەرىنىڭ جەتىسپەۋشىلىگى بايقالادى. قازاقستان رەسپۋبليكاسىنىڭ ۇكىمەتى 2014 جىلدىڭ ءبىرىنشى جارتىسىندا قابىلداعان شارالار وڭدەۋ ونەركاسىبى سەكتورىندا جاعىمدى وزگەرىستەرگە اسەر ەتتى. وسىلايشا, قازاقستان رەسپۋبليكاسى ۇلتتىق بانكىنىڭ (بۇدان ءارى – ۇب) رەسمي مالىمەتتەرى بويىنشا 2014 جىلدىڭ جاز كەزەڭىندە وڭدەۋ ونەركاسىبىنە بەرىلگەن كرەديتتەردىڭ كولەمى وتكەن جىلدىڭ ۇقساس كورسەتكىشىنەن 2,8 %-عا ارتتى. سونىمەن قاتار, 2014 جىلعى ماۋسىم – تامىزدا بەرىلگەن وڭدەۋ ونەركاسىبىنىڭ ۇزاق مەرزىمدى كرەديتتەرى وتكەن جىلمەن سالىستىرعاندا 2,2 ەسەگە اسىپ ءتۇستى5. دەگەنمەن, جالپى كرەديت قورجىنىنىڭ قۇرىلىمىنداعى وڭدەۋ ونەركاسىبىنىڭ ۇلەسىنە تەك 6,8 % تيەسىلى, ال قر ۇب زەرتتەۋىنىڭ دەرەكتەرى بويىنشا وڭدەۋ ونەركاسىبىنىڭ كاسىپورىندارىندا كرەديتكە دەگەن قاجەتتىلىك تۇتاستاي ەكونوميكا بويىنشا العاندا جوعارى. تۇتاستاي العاندا, قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010 – 2014 جىلدارعا ارنالعان مەملەكەتتىك باعدارلاما شەڭبەرىندە وڭدەۋ ونەركاسىبى ءۇشىن ينۆەستيتسيالارعا بولجامدى قاجەتتىلىك شامامەن 6,6 ترلن. تەڭگەنى قۇرايدى. وڭدەۋ ونەركاسىبىنىڭ جۇمىس ىستەۋىنە قولداۋ كورسەتىن قىزمەتتەر كورسەتۋ سالالارىن دامىتۋ ماسەلەسى دە ماڭىزدى بولىپ تابىلادى. وعان كولىك جانە لوگيستيكا, كوممۋنيكاتسيا, تەحنيكالىق سىناقتار جانە عىلىمي زەرتتەۋلەر, مامانداندىرىلعان تەحنيكانى جالداۋ, بۋىپ-ءتۇيۋ جانە ت.ب. جاتادى. 2014 جىلعى 9 ايدىڭ دەرەكتەرى بويىنشا بۇل سەكتورلاردا نەگىزگى قاراجاتقا ينۆەستيتسيا سالۋدىڭ تەرىس قارقىنى بايقالادى (كولىك جانە قويماعا جيناۋ بويىنشا – 15 %, اقپارات جانە بايلانىس بويىنشا – 17 %). وسىلايشا, وڭدەۋ ونەركاسىبى جانە وڭدەۋ ونەركاسىبى ءۇشىن قىزمەت كورسەتەتىن سەكتورلار ءۇشىن ۇلتتىق ۆاليۋتادا كرەديت قاراجاتىنىڭ قولجەتىمدىلىگىن ارتتىرۋ قاجەتتىلىگىنە بايلانىستى كاسىپورىنداردىڭ اينالىم كاپيتالىن تولىقتىرۋ جانە نەگىزگى قورلاردى جاڭارتۋ قاجەتتىلىگىن ەسكەرەتىن قارجى قۇرالدارىن ءبولۋ بويىنشا مەملەكەتتىڭ قوسىمشا شارالار قابىلداۋىنىڭ قاجەتتىگى بايقالادى. وسى قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ وڭدەۋ ونەركاسىبىندە كاسىپكەرلىك سۋبەكتىلەرىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارى (بۇدان ءارى – جوسپار) 2015 جىلى كاسىپكەرلىك سۋبەكتىلەرىنە مىناداي باعىتتار بويىنشا قولداۋ كورسەتۋگە باعىتتالعان شارالار كەشەنىن ايقىندايدى: ءبىرىنشى باعىت: «دامۋ» كاسىپكەرلىكتى دامىتۋ قورى» اكتسيونەرلىك قوعامى (بۇدان ءارى – «دامۋ» كدق» اق) قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيا تىزبەسىن ماقۇلداعان ەكىنشى دەڭگەيدەگى بانكتەرگە (بۇدان ءارى – ەدب) وڭدەۋ ونەركاسىبىندەگى شاعىن جانە ورتا كاسىپكەرلىك سۋبەكتىلەرىن (بۇدان ءارى – شوكس) قارجىلاندىرۋ, ونىڭ ىشىندە وڭدەۋ ونەركاسىبىندە ورتا جانە شاعىن كاسىپكەرلىك سۋبەكتىلەرىنە بەرىلگەن ەدب قارىزدارىن قايتا قارجىلاندىرۋ, ەدب قارىزدارى بويىنشا اينالىم قاراجاتىن تولىقتىرۋ, وڭدەۋ ونەركاسىبىندە جاڭا جوبالاردى قارجىلاندىرۋ ءۇشىن كرەديت بەرەدى (بۇدان ءارى – ءبىرىنشى باعىت); ەكىنشى باعىت: «قازاقستاننىڭ دامۋ بانكى» اكتسيونەرلىك قوعامىنىڭ (بۇدان ءارى – «قدب» اق) وڭدەۋ ونەركاسىبىندە ءىرى كاسىپكەرلىك سۋبەكتىلەرىن (بۇدان ءارى – ىكس) قارجىلاندىرۋ, ونىڭ ىشىندە وڭدەۋ ونەركاسىبىندەگى ءىرى كاسىپكەرلىك سۋبەكتىلەرىنە بەرىلگەن ەدب قارىزدارىن قايتا قارجىلاندىرۋ, وڭدەۋ ونەركاسىبىندەگى ءىرى كاسىپكەرلىك سۋبەكتىلەرىنە بەرىلگەن ەدب قارىزدارى بويىنشا اينالىم قاراجاتىن تولىقتىرۋ, وڭدەۋ ونەركاسىبىندەگى جاڭا جوبالاردى قارجىلاندىرۋ ءۇشىن ەدب-عا بانكارالىق كرەديت بەرۋى (بۇدان ءارى – ەكىنشى باعىت). قازاقستان رەسپۋبليكاسىنىڭ ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيا (بۇدان ءارى – مەملەكەتتىك كوميسسيا) شاعىن, ورتا جانە ءىرى كاسىپكەرلىك سۋبەكتىلەرىنىڭ جوبالارىن قارجىلاندىرۋ ءۇشىن وڭدەۋ ونەركاسىبى سالالارىنىڭ تىزبەسىن ايقىندايدى. جالپى ەرەجەلەر ماقساتقا قول جەتكىزۋ جانە قويىلعان مىندەتتەردى ىسكە اسىرۋ تەتىكتەرى قازاقستان رەسپۋبليكاسى ۇكىمەتىنىڭ 2014 جىلعى 14 ساۋىردەگى № 354 قاۋلىسىمەن بەكىتىلگەن قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ وڭدەۋ ونەركاسىبىندەگى شاعىن جانە ورتا كاسىپكەرلىك جوبالارىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارىن جانە قازاقستان رەسپۋبليكاسى ۇكىمەتىنىڭ 2014 جىلعى 5 جەلتوقسانداعى № 1276 قاۋلىسىمەن بەكىتىلگەن قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ وڭدەۋ ونەركاسىبىندە كاسىپكەرلىك سۋبەكتىلەرىن قارجىلاندىرۋدى قامتاماسىز ەتۋ جونىندەگى بىرلەسكەن ءىس-قيمىل جوسپارىن ىسكە اسىرۋدى جالعاستىرا وتىرىپ, قازاقستان رەسپۋبليكاسىنىڭ ۇكىمەتى, قر ۇب, «بايتەرەك» ۇلتتىق باسقارۋشى حولدينگى» اكتسيونەرلىك قوعامى (بۇدان ءارى – «بايتەرەك» ۇبح» اق) وڭدەۋ ونەركاسىبىندە شوكس-تى جانە ىكس-ءتى كەيىننەن قارجىلاندىرۋ, ونىڭ ىشىندە بۇرىن بەرىلگەن ەدب قارىزدارىن قايتا قارجىلاندىرۋ, شوكس-تىڭ جانە ىكس-ءتىڭ اينالىم قۇرالدارىن جانە جاڭا جوبالارىن قارجىلاندىرۋ ءۇشىن ەدب قارجىلاندىرۋ بويىنشا قوسىمشا شارالار قابىلدايتىن بولادى. 2015 جىلى قازاقستان رەسپۋبليكاسى ۇلتتىق قورىنىڭ (بۇدان ءارى – قر ۇق) قاراجاتىنان جوعارىدا اتالعان شارالاردى ىسكە اسىرۋ ءۇشىن شوكس-تى جانە ىكس-ءتى قوسىمشا قارجىلاندىرۋدىڭ جالپى كولەمى 100 ميلليارد تەڭگەنى قۇرايدى. جىل شوكس جوبالارى ىكس جوبالارى 2015 50 ملرد. تەڭگە 50 ملرد. تەڭگە وسى ماقساتتار ءۇشىن «بايتەرەك» ۇبح» اق مىناداي شارتتاردا 100 ملرد. تەڭگە سوماسىنا وبليگاتسيالار شىعارۋ ارقىلى قر ۇق-دان قارىز الۋدى جۇزەگە اسىرادى: شىعارۋ جىلى 2015 قر ۇق قاراجاتىنان ورنالاستىرۋ كولەمى 100 ملرد. تەڭگە كۋپون مولشەرلەمەسى جىلدىق 0,1% وتەۋدىڭ كiرiستiلiگi جىلدىق 0,1% وبليگاتسيالاردىڭ اينالىس مەرزiمi وبليگاتسيالاردىڭ اينالىسى باستالعان كۇننەن باستاپ 20 جىلعا دەيىن وبليگاتسيالىق قارىزدى وتەۋ مەرزىمى ەميتەنتتىڭ باستاماسى بويىنشا مەرزىمىنەن بۇرىن وتەۋ قۇقىعىمەن اينالىس مەرزىمىنىڭ سوڭىندا وبليگاتسيالاردى ورنالاستىرعاننان كەيىن «بايتەرەك» ۇبح» اق ءبىرىنشى باعىت بويىنشا شارالاردى ىسكە اسىرۋ ءۇشىن «دامۋ» كدق» اق-پەن قازاقستان رەسپۋبليكاسىنىڭ ازاماتتىق زاڭناماسىنا سايكەس كرەديتتىك شارت جاساسادى جانە «دامۋ» كدق» اق-نا مىناداي شارتتاردا كرەديت بەرەدى: 1) كرەديت سوماسى – 50 ملرد. تەڭگە; 2) مەرزىمى – كرەديتتىك شارتقا قول قويىلعان كۇننەن باستاپ 20 جىلعا دەيىن; 3) سىياقى مولشەرلەمەسى – جىلدىق 0,15 %; 4) «دامۋ» كدق» اق باستاماسى بويىنشا مەرزىمىنەن بۇرىن وتەۋ قۇقىعىمەن جاسالعان كرەديتتىك شارت جاعدايلارىنا سايكەس مەرزىمنىڭ اياعىندا قاراجاتتى ءبىر سومامەن وتەۋ. وبليگاتسيالاردى ورنالاستىرعاننان كەيىن «بايتەرەك» ۇبح» اق ەكىنشى باعىت بويىنشا شارالاردى ىسكە اسىرۋ ءۇشىن «كدب» اق-پەن قازاقستان رەسپۋبليكاسىنىڭ ازاماتتىق زاڭناماسىنا سايكەس قارىز شارتىن جاساسادى جانە «قدب» اق-نا مىناداي شارتتاردا كرەديت بەرەدى: 1) كرەديت سوماسى – 50 ملرد. تەڭگە; 2) مەرزىمى – كرەديتتىك شارتقا قول قويىلعان كۇننەن باستاپ 20 جىلعا دەيىن; 3) سىياقى مولشەرلەمەسى – جىلدىق 0,15 %; 4) «قدب» اق باستاماسى بويىنشا مەرزىمىنەن بۇرىن وتەۋ قۇقىعىمەن جاسالعان قارىز شارتى جاعدايلارىنا سايكەس مەرزىمنىڭ اياعىندا قاراجاتتى ءبىر سومامەن وتەۋ. قاراجاتتى ەكىنشى دەڭگەيدەگى بانكتەردە شارتتى ورنالاستىرۋدىڭ تالاپتارى مەن تەتىكتەرى 1. مەملەكەتتىك كوميسسيا 2015 جىلعا ەدب تىزبەسىن جانە ولاردىڭ ليميتتەرى سومالارىن ءبىرىنشى جانە ەكىنشى باعىتتار بويىنشا ماقۇلدايدى. 2. «دامۋ» كدق» اق, «قدب» اق جانە ەدب وسى جوسپاردى ىسكە اسىرۋ شەڭبەرىندە قر ۇق-دان بولىنەتىن قاراجاتتان تولەمدەر جۇرگىزۋ ءۇشىن قر ۇب-دا جەكە بانكتىك شوتتار اشادى. 3. «بايتەرەك» ۇبح» اق «دامۋ» كدق» اق-نىڭ جانە «قدب» اق-نىڭ قر ۇب-داعى جەكە بانكتىك شوتىنا جاسالعان كرەديتتىك شارتتىڭ جانە قارىز شارتىنىڭ تالاپتارىنا سايكەس قاراجات سوماسىن ورنالاستىرادى. 4. «دامۋ» كدق» اق قازاقستان رەسپۋبليكاسىنىڭ ازاماتتىق زاڭناماسىنا سايكەس ەدب-مەن مىناداي شارتتاردا كرەديتتىك كەلىسىمدەر جاساسادى: 1) مەملەكەتتىك كوميسسيا ماقۇلداعان ليميتتەر شەگىندە قامتاماسىز ەتۋسىز قر ۇب-دا ەدب-نىڭ جەكە بانكتىك شوتتارىندا كرەديت قاراجاتىن ورنالاستىرۋ; 2) سىياقى مولشەرلەمەسى – جىلدىق 2 %-دان اسپايدى; 3) ەدب-نىڭ كرەديت بەرۋ مەرزىمى – 20 جىلعا دەيىن; 4) قاراجات ەدب شوتىنا تۇسكەن كۇننەن باستاپ ەدب-نىڭ كرەديتتىك قاراجاتتى يگەرۋ مەرزىمى: ينۆەستيتسيالىق ماقساتتارعا بەرىلەتىن كرەديتتەر بويىنشا – 12 اي; اينالىم قاراجاتىن تولىقتىرۋ جانە بۇرىن بەرىلگەن ەدب قارىزدارىن قايتا قارجىلاندىرۋ ماقساتتارىنا بەرىلەتىن كرەديتتەر بويىنشا – 6 اي. 5) ەدب-عا كرەديت بەرۋ ۆاليۋتاسى – تەڭگە; 6) ەدب ءۇشىن «دامۋ» كدق» اق-دان قاراجات تارتۋ مولشەرلەمەسى مەن شوكس-قا كرەديت بەرۋ مولشەرلەمەسى اراسىنداعى ايىرما جىلدىق 4,0 %-دان اسپاۋى ءتيىس; 7) «دامۋ» كدق» اق مەن ەدب اراسىندا جاسالعان كرەديتتىك كەلىسىم شەڭبەرىندە: مەملەكەتتىك كوميسسيا ماقۇلداعان ەدب ءليميتىنىڭ 25 %-دان اسپايتىن ۇلەسىن شوكس-قا بەرىلگەن قارىزداردى قايتا قارجىلاندىرۋ ءۇشىن ەدب باعىتتايتىن قارىزداردىڭ ۇلەسى قۇرايدى; مەملەكەتتىك كوميسسيا ماقۇلداعان ەدب ءليميتىنىڭ 25 %-دان اسپايتىن ۇلەسىن شوكس-تىڭ اينالىم قاراجاتىن تولىقتىرۋ ماقساتتارى ءۇشىن ەدب باعىتتايتىن قارىزداردىڭ ۇلەسى قۇرايدى; مەملەكەتتىك كوميسسيا ماقۇلداعان ەدب ءليميتىنىڭ 50 %-دان اسپايتىن ۇلەسىن شوكس-تىڭ جاڭا جوبالارىن قارجىلاندىرۋ ءۇشىن ەدب باعىتتايتىن قارىزداردىڭ ۇلەسى قۇرايدى; بۇل رەتتە, مەملەكەتتىك كوميسسيا ماقۇلداعان ەدب ءليميتىنىڭ كەمىندە 25 %-ىن شوكس-تىڭ تاماق ونەركاسىبىندەگى جوبالارىن قارجىلاندىرۋ جانە قايتا قارجىلاندىرۋ ءۇشىن ەدب باعىتتايتىن قارىزداردىڭ ۇلەسى قۇرايدى. 5. «قدب» اق قازاقستان رەسپۋبليكاسىنىڭ ازاماتتىق زاڭناماسىنا سايكەس ەدب-مەن مىناداي شارتتاردا بانكتىك قارىز شارتىن جاساسادى: 1) مەملەكەتتىك كوميسسيا ماقۇلداعان ليميتتەر شەگىندە قامتاماسىز ەتۋسىز قر ۇب-دا ەدب-نىڭ جەكە بانكتىك شوتتارىندا كرەديت قاراجاتىن ورنالاستىرۋ; 2) سىياقى مولشەرلەمەسى – جىلدىق 2 %-دان اسپايدى; 3) ەدب-نىڭ كرەديت بەرۋ مەرزىمى – 20 جىلعا دەيىن; 4) قاراجات ەدب شوتىنا تۇسكەن كۇننەن باستاپ ەدب-نىڭ كرەديتتىك قاراجاتتى يگەرۋ مەرزىمى: ينۆەستيتسيالىق ماقساتتارعا بەرىلەتىن كرەديتتەر بويىنشا – 18 اي; اينالىم قاراجاتىن تولىقتىرۋ جانە بۇرىن بەرىلگەن ەدب قارىزدارىن قايتا قارجىلاندىرۋ ماقساتتارىنا بەرىلەتىن كرەديتتەر بويىنشا – 6 اي. 5) ەدب-عا كرەديت بەرۋ ۆاليۋتاسى – تەڭگە; 6) ەدب ءۇشىن «قدب» اق-دان قاراجات تارتۋ مولشەرلەمەسى مەن ىكس-كە كرەديت بەرۋ مولشەرلەمەسى اراسىنداعى ايىرما جىلدىق 4,0 %-دان اسپاۋى ءتيىس; 7) «قدب» اق مەن ەدب اراسىندا جاسالعان بانكتىك قارىز شارتىنىڭ شەڭبەرىندە: مەملەكەتتىك كوميسسيا ماقۇلداعان ەدب ءليميتىنىڭ 25 %-دان اسپايتىن ۇلەسىن ىكس-كە بەرىلگەن قارىزداردى قايتا قارجىلاندىرۋ ءۇشىن ەدب باعىتتايتىن قارىزداردىڭ ۇلەسى قۇرايدى; مەملەكەتتىك كوميسسيا ماقۇلداعان ەدب ءليميتىنىڭ 25 %-دان اسپايتىن ۇلەسىن ىكس-تىڭ اينالىم قاراجاتىن تولىقتىرۋ ماقساتتارى ءۇشىن ەدب باعىتتايتىن قارىزداردىڭ ۇلەسى قۇرايدى; مەملەكەتتىك كوميسسيا ماقۇلداعان ەدب ءليميتىنىڭ 50 %-دان اسپايتىن ۇلەسىن ىكس-تىڭ جاڭا جوبالارىن قارجىلاندىرۋ ءۇشىن ەدب باعىتتايتىن قارىزداردىڭ ۇلەسى قۇرايدى; 6. ەدب ورنالاستىرىلعان كرەديت قاراجاتىن ماقساتتى پايدالانۋ جانە يگەرۋ بويىنشا «دامۋ» كدق» اق مەن «قدب» اق الدىندا ەسەپ بەرەدى. ەدب-نىڭ ەسەپتەر بەرۋ ءتارتىبى, نىسانى جانە مەرزىمدىلىگى, سونداي-اق وسى جوسپاردا كوزدەلمەگەن ەدب-نىڭ كرەديتتەر بەرۋىنىڭ وزگە شارتتارى ءتيىستى كرەديتتىك كەلىسىممەن, بانكتىك قارىز شارتىمەن بەلگىلەنەدى. ەدب-عا بولىنەتىن قاراجاتتى مەملەكەتتىك كوميسسيا ايقىنداعان شوكس جانە ىكس جوبالارىن قارجىلاندىرۋ ءۇشىن وڭدەۋ ونەركاسىبى سالالارىنىڭ تىزبەسىنە ەنبەيتىن جوبالاردى ىسكە اسىرۋعا جىبەرۋگە تىيىم سالىنادى. ەدب-عا بولىنەتىن قاراجاتتى قارجى قۇرالدارىنا ينۆەستيتسيالاۋعا جانە/نەمەسە ولارمەن وپەراتسيالار جۇرگىزۋگە, سونداي-اق شەتەلدىك ۆاليۋتانى ساتىپ الۋ ءۇشىن ۆاليۋتا نارىعىنا باعىتتاۋعا تىيىم سالىنادى. ەدب اي سايىنعى نەگىزدە كاسىپكەرلىك سۋبەكتىلەرىنىڭ بۇرىن بەرىلگەن قارىزدارىن وتەۋ ەسەبىنەن بوساتىلعان قاراجاتتى قر ۇب-داعى ءوزىنىڭ جەكە بانكتىك شوتتارىنا ەسەپكە جازۋدى جۇزەگە اسىرادى. ەدب كاسىپكەرلىك سۋبەكتىلەرىن قارجىلاندىرۋدى, ونىڭ ىشىندە كرەديتتىك كەلىسىمنىڭ, بانكتىك قارىز شارتتارىنىڭ جانە جوسپاردىڭ وسى ءبولىمىنىڭ 8 جانە 9-تارماقتارىنىڭ تالاپتارىنا سايكەس كاسىپكەرلىك سۋبەكتىلەرىنە بۇرىن بەرىلگەن قارىزدار بويىنشا قايتارىلعان قاراجات ەسەبىنەن قارجىلاندىرۋدى جۇزەگە اسىرادى. 7. شوكس جانە ىكس جوبالارىن قارجىلاندىرۋ شەڭبەرىندە جىلدىق ءتيىمدى سىياقى مولشەرلەمەسى قر ۇب تالاپتارىنا سايكەس ايقىندالادى. كاسىپكەرلىك سۋبەكتىلەرىنىڭ قارىز بويىنشا مىندەتتەمەلەردى بۇزۋ سەبەبىنەن الىپ قويىلاتىن كوميسسيالاردى, الىمداردى جانە/نەمەسە باسقا تولەمدەردى قوسپاعاندا, كاسىپكەرلىك سۋبەكتىسىنىڭ قارىزىنا بايلانىستى كوميسسيالار, الىمدار جانە/نەمەسە وزگە تولەمدەر الىنبايدى. شوكس جانە ىكس م ۇلىكتى باعالاۋ جانە ساقتاندىرۋ بويىنشا شىعىستاردى تولەيدى. 8. ەدب بولىنگەن قاراجاتتى ماقساتسىز پايدالانعان جانە/نەمەسە ۋاقتىلى يگەرمەگەن جاعدايدا, «دامۋ» كدق» اق جانە «قدب» اق ءتيىستى كرەديتتىك كەلىسىمدى, بانكتىك قارىز شارتىن مەرزىمىنەن بۇرىن بۇزۋعا جانە جوعارىدا اتالعان بۇزۋشىلىقتار انىقتالعان ورنالاستىرىلعان قاراجاتتى كەرى قايتارىپ الۋعا قۇقىلى. بوساتىلعان جانە كەرى قايتارىلىپ الىنعان قاراجاتتى ەدب اراسىندا قايتا ءبولۋ بويىنشا ماسەلە مەملەكەتتىك كوميسسيانىڭ قاراۋىنا شىعارىلادى. 9. دامۋ» كدق» اق مەن ەدب اراسىندا جاسالعان كرەديتتىك كەلىسىمدەر, «قدب» اق مەن ەدب اراسىندا جاسالعان بانكتىك قارىز شارتتارى بويىنشا قارىزداردى ەدب مەرزىمىنەن بۇرىن وتەگەن جاعدايدا, اتالعان قاراجاتتى قايتالاپ پايدالانۋ مەملەكەتتىك كوميسسيانىڭ ءتيىستى شەشىمىنىڭ نەگىزىندە جۇزەگە اسىرىلادى. وڭدەۋ ونەركاسىبىندە شاعىن جانە ورتا كاسىپكەرلىك سۋبەكتىلەرىن قارجىلاندىرۋ شارتتارى 1. نىسانالى توپ – ءبىرىنشى باعىت بويىنشا وڭدەۋ ونەركاسىبىندە جوبالاردى ىسكە اسىراتىن شوكس. 2. مىنالار: 1) اكتسيزدەلەتىن تاۋارلاردى شىعارۋدى كوزدەيتىن جوبالاردى ىسكە اسىراتىن; 2) قۇرىلتايشىلارى ۇلتتىق باسقارۋشى حولدينگتەر, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان كوپ پايىزى تىكەلەي نەمەسە جاناما تۇردە مەملەكەتكە, ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى شوكس, سونداي-اق كوممەرتسيالىق ەمەس ۇيىمدار قاتىسۋشىلار بولا المايدى. 3. شوكس-تىڭ ماقۇلدانعان وتىنىمدەرىنە كرەديت بەرۋ ماقساتىندا ەدب قر ۇب-داعى ەدب-نىڭ جەكە بانكتىك شوتىنان قاراجاتتى ەسەپتەن شىعارۋ ءۇشىن قاجەتتى سومالاردى «دامۋ» كدق» اق-مەن الدىن الا كەلىسۋدى جۇزەگە اسىرادى. 4. كرەديتتەر شوكC-قا ماقساتتى پايدالانۋ, اقىلىلىق, مەرزىمدىلىك, قايتارىمدىلىق جانە قامتاماسىز ەتىلۋ شارتتارىمەن بەرىلەدى, ونىڭ ىشىندە: 1) قر ۇق قاراجاتىنىڭ ەسەبىنەن بەرىلگەن بارلىق كرەديتتەر ءۇشىن ءبىر شوكس-قا بەرىلەتىن قارجىلاندىرۋدىڭ ەڭ جوعارى ءليميتى – 1850000000 تەڭگە; 2) كرەديت بەرۋ مەرزىمى: جاڭا جوبالارعا جانە شوكس-تىڭ قولدانىستاعى ينۆەستيتسيالىق قارىزدارىن قايتا قارجىلاندىرۋعا – 10 جىلدان اسپايدى; اينالىم قاراجاتىن تولىقتىرۋعا جانە اينالىم قاراجاتىن تولىقتىرۋ ماقساتىندا بەرىلگەن قولدانىستاعى قارىزداردى قايتا قارجىلاندىرۋعا – 5 جىلدان اسپايدى; 1) شوكس ءۇشىن نومينالدى سىياقى مولشەرلەمەسى – جىلدىق 6,0 %-دان اسپايدى; 2) كرەديت بەرۋ ۆاليۋتاسى – تەڭگە. وڭدەۋ ونەركاسىبىندە ءىرى كاسىپكەرلىك سۋبەكتىلەرىن قارجىلاندىرۋ شارتتارى 1. نىسانالى توپ – ەكىنشى باعىت بويىنشا وڭدەۋ ونەركاسىبىندە جوبالاردى ىسكە اسىراتىن ىكس. 2. مىنالار: 1) اكتسيزدەلەتىن تاۋارلاردى شىعارۋدى كوزدەيتىن جوبالاردى ىسكە سىراتىن; 2) قۇرىلتايشىلارى ۇلتتىق باسقارۋشى حولدينگتەر, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (جارعىلىق كاپيتالداعى قاتىسۋ ۇلەستەرىنىڭ) ەلۋ جانە ودان كوپ پايىزى تىكەلەي نەمەسە جاناما تۇردە مەملەكەتكە, ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ىقس قاتىسۋشىلار بولا المايدى. 3. ىكس-ءتىڭ ماقۇلدانعان وتىنىمدەرىنە كرەديت بەرۋ ماقساتىندا ەدب قر ۇب-داعى ەدب-نىڭ جەكە بانكتىك شوتىنان قاراجاتتى ەسەپتەن شىعارۋ ءۇشىن قاجەتتى سومالاردى «قدب» اق-مەن الدىن الا كەلىسۋدى جۇزەگە اسىرادى. 4. كرەديتتەر ىكC-كە ماقساتتى پايدالانۋ, اقىلىلىق, مەرزىمدىلىك, قايتارىمدىلىق جانە قامتاماسىز ەتىلۋ شارتتارىمەن بەرىلەدى, ونىڭ ىشىندە: 1) قر ۇق قاراجاتىنىڭ ەسەبىنەن بەرىلگەن بارلىق كرەديتتەر ءۇشىن ءبىر ىكس-كە بەرىلەتىن قارجىلاندىرۋ ءليميتى – 200000000 تەڭگەدەن 5000000000 تەڭگەگە دەيىن; 2) كرەديت بەرۋ مەرزىمى: جاڭا جوبالارعا جانە ىكس-تىڭ قولدانىستاعى ينۆەستيتسيالىق قارىزدارىن قايتا قارجىلاندىرۋعا – 10 جىلدان اسپايدى; اينالىم قاراجاتىن تولىقتىرۋعا جانە اينالىم قاراجاتىن تولىقتىرۋ ماقساتىندا بەرىلگەن قولدانىستاعى قارىزداردى قايتا قارجىلاندىرۋعا – 5 جىلدان اسپايدى. 3) ىكس ءۇشىن نومينالدى سىياقى مولشەرلەمەسى – جىلدىق 6,0 %-دان اسپايدى; 4) كرەديت بەرۋ ۆاليۋتاسى – تەڭگە; 5) ينۆەستيتسيالارعا كرەديت بەرۋ بويىنشا نەگىزگى قارىزدى تولەۋ بويىنشا جەڭىلدىكتى كەزەڭ – تۇپكىلىكتى قارىز الۋشىنىڭ كرەديتتى يگەرۋدى باستاعان كۇنىنەن باستاپ 24 ايدان اسپايدى. ەكىنشى دەڭگەيدەگى بانكتەرگە قويىلاتىن تالاپتار 1. حالىقارالىق رەيتينگ اگەنتتىگى بەرگەن كرەديت رەيتينگىنىڭ «ۆ–» تومەن بولماۋى. 2. قازاقستان رەسپۋبليكاسىنىڭ كەمىندە 5 وڭىرىندە فيليالدار جەلىسىنىڭ بولۋى. 3. نەگىزگى قارىز جانە (نەمەسە) قارىز قاراجاتىن بەرۋ كۇنىنە ەسەپتەلگەن سىياقى بويىنشا 90 كۇننەن استام مەرزىمى ءوتىپ كەتكەن بەرەشەگى بار كرەديتتەر دەڭگەيى 15 %-دان جوعارى ەدب ءۇشىن قر ۇب-مەن جەكە كەلىسىم جاساسۋ تالابى قوسىمشا بەلگىلەنەدى. جەكە كەلىسىمدە ەدب-نىڭ نەگىزگى قارىز جانە (نەمەسە) ەسەپتەلگەن سىياقى بويىنشا 90 كۇننەن اسىپ كەتكەن بەرەشەگى بار كرەديتتەر دەڭگەيىن قر ۇب بەلگىلەگەن مەرزىمدە 15 %-عا دەيىن تومەندەتۋ مىندەتى كوزدەلەتىن بولادى. ەدب جەكە كەلىسىمنىڭ شارتتارىن ورىنداماعان جاعدايدا, قاراجاتتى «دامۋ» كدق» اق-عا جانە «قدب» اق-عا قايتارۋ كوزدەلەدى. مونيتورينگ 1. «دامۋ» كدق» اق جانە «قدب» اق وسى جوسپاردى ىسكە اسىرۋعا قاتىساتىن ەدب قارجىلىق-ەكونوميكالىق جاعدايىنا تالداۋدى تۇراقتى نەگىزدە جۇزەگە اسىراتىن بولادى. 2. «دامۋ» كدق» اق جانە «قدب» اق: 1) ەدب-نىڭ قاراجاتتى ماقساتتى پايدالانۋى مەن ۋاقتىلى يگەرۋىنە; 2) شوكس جانە ىكس العان قاراجاتتىڭ ماقساتتى پايدالانىلۋىنا مونيتورينگتى جۇزەگە اسىراتىن بولادى. 3. ەدب «دامۋ» كدق» اق-عا, «قدب» اق-عا قاراجاتتى يگەرۋ تۋرالى ەسەپتەردى تۇراقتى نەگىزدە جىبەرەتىن بولادى. ەسەپتى بەرۋ نىسانى مەن مەرزىمدەرى ءتيىستى كرەديتتىك كەلىسىمدە, بانكتىك قارىز شارتىندا كورسەتىلەدى. «دامۋ» كدق» اق جانە «قدب» اق وسى تارماقتىڭ تالاپتارىنا سايكەس ەدب-دەن الىنعان اقپاراتتى قازاقستان رەسپۋبليكاسى پرەزيدەنتىنىڭ 2014 جىلعى 18 ساۋىردەگى № 281 وكىمىمەن قۇرىلعان قر ۇق-دان بولىنگەن قاراجاتتىڭ جۇمسالۋىن باقىلاۋ جونىندەگى كوميسسياعا (بۇدان ءارى – كوميسسيا) جانە «بايتەرەك» ۇبح» اق-عا بەرەدى. 4. ەدب قارجىلاندىرىلعان سۋبەكتىلەرگە مونيتورينگ جۇرگىزەدى. بۇل رەتتە كاسىپكەرلىك سۋبەكتىسىنىڭ قارجىلاندىرىلعان ءاربىر جوباسى بويىنشا جەكە كرەديت دەرەكناماسى جۇرگىزىلەدى, وندا كاسىپكەرلىك سۋبەكتىسىنىڭ قاراجاتتى ماقساتتى پايدالانعانىن راستايتىن قۇجاتتار ساقتالۋى ءتيىس. 5. «دامۋ» كدق» اق جانە «قدب» اق وسى جوسپار شەڭبەرىندە بولىنەتىن قاراجات بويىنشا ەدب-نىڭ تولەم ءتارتىبىن قاداعالايتىن بولادى. 6. «دامۋ» كدق» اق جانە «قدب» اق كوميسسياعا قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن كولەمدە قر ۇق-نىڭ ەدب-داعى قاراجاتى ەسەبىنەن قارىزدار العان تۇپكىلىكتى قارىز الۋشىلار, سونداي-اق ەدب-عا كرەديت الۋ ءۇشىن ءوتىنىش بىلدىرگەن كاسىپكەرلىك سۋبەكتىلەرى جانە ەدب-دان كرەديت بەرۋ تۋرالى وڭ شەشىم العان كاسىپكەرلىك سۋبەكتىلەرى تۋرالى اقپارات بەرەدى. ------------------------------------ 1 «قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010 – 2014 جىلدارعا ارنالعان مەملەكەتتىك باعدارلامانىڭ كورسەتكىشتەرى» ستاتيستيكالىق بيۋللەتەنى (http://www.stat.gov.kz/faces/wcnav_externalId/publicationsGPFIIR) 2 «قازاقستاننىڭ جانە ونىڭ وڭىرلەرىنىڭ ونەركاسىبى» ستاتيستيكالىق جيناعى (http://www.stat.gov.kz/faces/wcnav_externalId/publicationsCompilations) 3 قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2015 – 2019 جىلدارعا ارنالعان تۇجىرىمداماسى 4 «قازاقستان رەسپۋبليكاسىنداعى ينۆەستيتسيالىق قىزمەت تۋرالى» ستاتيستيكالىق بيۋللەتەنى (http://www.stat.gov.kz/faces/wcnav_externalId/homeNumbersInvestment) 5 ۇب ستاتيستيكالىق بيۋللەتەنى (http://www.nationalbank.kz/?docid=310)