باق وكىلدەرىنىڭ ىقپالى زور

كەشە ەلوردادا  باي­لانىس جانە اقپارات قىزمەت­كەر­لەرىنىڭ مەرەكەسى قارساڭىندا قازاقستان حالقى اسسام­بلەياسى جۋرناليستەر مەن ساراپ­شىلار كلۋبىنىڭ كەڭەي­تىلگەن وتىرىسى ءوتتى.  اتال­عان جيىنعا پرەزيدەنت اكىم­شىلىگىنىڭ باسشىلىعى, قازاق­ستان حالقى اسسامبلەيا­سىنىڭ مۇشەلەرى, ەلىمىزدىڭ مەملەكەتتىك ورگاندارىنىڭ وكىلدەرى مەن رەسپۋبليكالىق جانە وڭىرلىك باق جۋرنا­ليستەرى, ەتنوستىق گازەتتەردىڭ باس رەداكتورلارى, سونداي-اق, ساراپشىلار, عىلىمي جانە بىرقاتار شىعارماشىل زيالىلار قاتىستى. كەزدەسۋ بارىسىندا «بارشاعا ارنالعان قازىرگى زامانعى مەملەكەت» – 100 ناقتى قادام شەڭ­بەرىندەگى «ۇلت جوسپارىن» اق­پاراتتىق سۇيەمەلدەۋدەگى جۋرناليستەر الدىندا تۇرعان جاڭا ءمىن­دەتتەر تالقىلانىپ, قحا جىلى اياسىنداعى ءىس-شارالاردى اقپا­راتتىق قولداۋدىڭ قورى­تىن­دىلارى قارالدى. العىسوزدى قازاقستان حالقى اسسامبلەياسى توراعاسىنىڭ ورىن­باسارى ەرالى توعجانوۆ  باق وكىلدەرىن ولاردىڭ  كاسىبي مەرە­كە­سىمەن قۇتتىقتاي كەلىپ, ءسوزىن وسى سالاداعى ماماندارعا قويىلاتىن مىندەتتەردى اتاپ وتۋدەن باستادى. ەل بىرلىگى جولىندا قولىنا قالام ۇستاعان قاۋىم قاي ەلدە بولماسىن,  مەملەكەتتىك ساياساتتى جەتكىزۋدە, قوعامدىق پىكىردى قالىپتاستىرۋدا اسا ىقپالدى كۇشكە يە ەكەنىن بارشا بىلەدى. سوندىقتان دا قوعامنىڭ, حالىقتىڭ ساناسىنا ەل ساياساتىن, ۇلت مۇددەسىن ءسىڭىرۋ بارىسىندا ابزال مىندەتتەردى اتقارىپ, وسى ورايدا  وزەكتى دۇنيەلەردى جازىپ جۇرگەن جۋرناليستەرگە راحمەت, دەدى. ە.توعجانوۆتىڭ ايتۋىنشا, اعىمداعى جارتى جىلدا شىققان ماتەريالداردىڭ كولەمى وتكەن ءبىر جىلدىق ەسەپپەن سالىستىرعاندا ارتىق ەكەندىگى بايقالادى. ول وسىنداي قىسقا مەرزىم ىشىندە توعىز مىڭعا جۋىق ماتەريالدىڭ جارىق كورۋى كوز قۋانتاتىندىعىن كولدەنەڭ تارتتى. ارينە, ەلباسى نۇرسۇلتان نازارباەۆ بيىلعى جىلدى قا­زاق­ستان حالقى اسسامبلەياسى جىلى دەپ تىكەلەي جاريالاۋىنا بايلانىستى اقپارات وكىلدەرى تاراپىنان ىنتىماق پەن بىرلىككە ۇيىسقان, دوستىقتىڭ شىنايى كەلبەتىن ايقىنداپ بەرەتىن جا­عىم­دى ماقالالاردى ايانباي جازعان­دىعى كورىنىس بەرەتىندىگى ايتىل­دى. ءبىرى تۇسىنسە, ءبىرى تۇسىنە بەرمەيتىن مۇنداي ماتەريال­دار­دى كوپتەپ جاريالاۋدىڭ قاجەتى قانشا دەگەن سۇراققا ە.توع­جانوۆ بىرلىك پەن ىنتىماققا باعىت­تالعان تاقىرىپتار ەشقا­شان كوپتىك ەتپەيتىنىن جانە ولاردىڭ ماڭىزدىلىعى جويىل­ماي­تىندىعىن ايتۋ قاجەتتىگىن اتاپ ءوتتى. ەلباسىنىڭ مودەلىن تەك قانا شەتەلدەردە ەمەس, ءوز ەلىمىزدە دە تىڭعىلىقتى, جۇيەلى تۇردە حالىققا جەتكىزە ءبىلۋدىڭ ءرولى ۇلكەن ەكەندىگىن ايتا وتىرىپ, وسى رەتتە «ەگەمەن قازاقستان» رەس­پۋبليكالىق گازەتىنىڭ اتقارىپ جاتقان بەلسەندى دە تياناقتى جۇمىسىنا العىسىن ءبىلدىردى. «ەگەمەن قازاقستان» رەسپۋب­ليكالىق گازەتىندە قحا جى­لىنىڭ كورىنىس تابۋى جوعارى دەڭ­گەيدە بولعاندىعىن, ونداعى ماتەريالداردىڭ ماڭىزدى­لىعى مەن مازمۇندىق قۇندىلى­عى بار ەكەندىگىن ايتا وتىرىپ, ە.توعجانوۆ اتالعان گازەت­تىڭ پرە­زيدەنتى ساۋىتبەك ابدراح­مانوۆقا ءسوز بەردى. ەلباسى نۇرسۇلتان نازارباەۆ  ادامزات تاريحىندا كەمشىلىك سانا­لىپ كەلگەن دۇنيەلەردى ارتىق­شىلىققا اينالدىردى. ءباز بىرەۋ­لەردىڭ ساناسىنداعى «كوپ ۇلتتار تۇراتىن مەملەكەت ءالسىز بولادى» دەگەن ۇعىمىن جوققا شىعاردى. ءبىر ەمەس, بىرنەشە ۇلت وكىلدەرىنىڭ ءبىر شاڭىراق استىندا, ورتاق ماقساتقا جۇمىلىپ, ىنتىماقتا كۇن كەشە الاتىنىن دالەلدەدى. سەبەبى, ول العاشقى كۇندەردەن باستاپ-اق دوستىقتى تۋ ەتىپ ۇستادى, دەدى سوزىندە س.ابدراحمانوۆ. وسىعان بايلانىستى وسى گازەتتە ۇستىمىزدەگى جىلدىڭ ءبىرىنشى قاڭتارىنان بەرى بەرىلىپ كەلە جاتقان وقىلىمدى دۇنيەلەردىڭ بارلىعى دا وقىرمان ءۇشىن ەكەندىگىن جەتكىزدى. وتىرىس بارىسىندا كوپتەگەن لاۋازىمدى تۇلعالار مەن اقپارات قىزمەتكەرلەرى تاقىرىپقا وراي جارتىجىلدىق قورىتىندىلارىن بايانداپ, ءبىزدىڭ مەملەكەت ءۇشىن قازاقستان حالقى اسسامبلەياسىنىڭ ورنى وراسان ەكەندىگىن قوعامعا جاريالاۋدان تالمايتىندىقتارىن ايتتى. بۇل رەتتە, قحا جۋرناليس­تەر مەن ساراپشىلار كلۋ­بى­نىڭ توراعاسى عادىلبەك شالاحمەتوۆ وتىرىس تاقىرىبى بويىنشا وسى كلۋبتىڭ اتقاراتىن ءرولى جايىندا, ال پرەزيدەنت جانىنداعى «قوعامدىق كەلىسىم» رمم ديرەكتورىنىڭ ورىنباسارى عازيز تەلەباەۆ «قحا جىلىن اقپاراتتىق سۇيەمەلدەۋ» بويىنشا وزدەرىنىڭ تاراپتارىنان ورىندالىپ جاتقان قىزمەتتەرى تۋرالى باياندادى. ءىس-شارا اياسىندا ەتنوستىق بۇقارالىق اقپارات قۇرالدارىنىڭ كورمەسى ۇيىمداستىرىلىپ, جيىن سوڭىندا كلۋب مۇشەلەرى, رەسپۋبليكالىق جانە وڭىرلىك باق جۋرناليستەرىنە «قازاقستان حالقى اسسامبلەياسىنا – 20 جىل»  اتتى مەرەيتويلىق مەدال تابىس ەتىلدى. ەلميرا ماتىباەۆا, «ەگەمەن قازاقستان». سۋرەتتى تۇسىرگەن ەرلان وماروۆ.