باس قالادا ماسا بولمايدى

ەندى ەكى جىلدان كەيىن ەلوردادا مۇلدەم ماسا قالمايتىن بولدى. بۇل جونىندە استانا قالالىق تۇتىنۋشىلاردىڭ قۇقىعىن قورعاۋ دەپارتامەنتى باستىعىنىڭ ورىنباسارى فەدور پەەۆ مالىمدەدى. مۇنىڭ سەبەبىن ول ەلىمىزدە وتەتىن ەكسپو-2017 كورمەسىمەن ءتۇسىندىردى. دەپارتامەنتتىڭ ۇيلەستىرۋ كوميسسياسىنىڭ وتىرىسىندا ف.پەەۆ: «كورمە وتەتىن ۋاقىتقا دەيىن استانادا بىردە-ءبىر ماسا قالماۋى كەرەك. وسى ماقساتتا بيىلدان باستاپ ماسا جانە كەمىرگىشتەرمەن كۇرەس ماسەلەسىن كۇشەيتەمىز. بۇل جۇمىس نەگىزىنەن تۇرعىن ءۇي كوممۋنالدىق قىزمەتىنە جۇكتەلەدى. الايدا, كورمەنى وتكىزۋ ورتاق ءىس بولعاندىقتان, وعان بارلىعىمىز اتسالىسامىز. ياعني, ءبىز اتالعان قىزمەتكە كومەكتەسىپ, كەڭەس بەرەمىز. بۇگىندە وسى جۇمىستارعا قاجەتتى قاراجاتتى ەسەپتەپ, سمەتاسىن تولتىردىق», – دەدى. سونداي-اق, دەپارتامەنت باسشىسىنىڭ ورىنباسارى بۇل ماسەلەنىڭ وزەكتى ەكەنىن ايتتى. «استانانىڭ ماساسى وتە ماڭىزدى ماسەلە. كورمە كەزىندە شەتەلدەن كەلگەن بۇقارالىق اقپارات قۇرالدارى بۇل تۋرالى جازىپ, حابار تاراتسا, بەدەلىمىزگە نۇقسان كەلەدى», – دەپ بارشا استانالىقتى ەلىمىزدىڭ ابىرويى ءۇشىن كۇش بىرىكتىرۋگە شاقىردى. ايتا كەتەيىك, استاناداعى كورمە 2017 جىلدىڭ 10 ماۋ­سىمى مەن 10 قىركۇيەگى ارالىعىندا وتەدى. وعان بىرنەشە مەملەكەت, حالىقارالىق ۇيىم, يننوۆاتسيالىق تەحنولوگيالار بويىنشا كوشباسشى كومپانيالار قاتىسادى دەپ جوسپارلانۋدا. سونداي-اق, ونى 2 ملن.-نان 5 ملن.-عا دەيىن ادام كەلىپ تاماشالايدى. ەلامان قوڭىر, «ەگەمەن قازاقستان».