فوتو: قورعانىس مينيسترلىگى
مەملەكەت باسشىسى «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2026 جىلدىڭ ناۋرىز-ماۋسىمىندا جانە قىركۇيەك-جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» جارلىققا قول قويدى. قۇجاتقا سايكەس, 17 ناۋرىزدان باستاپ وڭىرلەردەگى شاقىرۋ كوميسسيالارى جۇمىسقا كىرىستى. كوميسسيالارعا اكىمدەردىڭ ورىنباسارلارى جەتەكشىلىك ەتەدى.
قارۋلى كۇشتەر باس شتابىنىڭ ۇيىمداستىرۋ-جۇمىلدىرۋ جۇمىستارى دەپارتامەنتىنىڭ باستىعى, گەنەرال-مايور الماس يسابەكوۆتىڭ مالىمەتىنشە, 30 ماۋسىمعا دەيىن 18-27 جاس ارالىعىنداعى ازاماتتار اسكەرگە الىنادى.
«بيىل كوكتەمگى شاقىرۋ اياسىندا 21 مىڭنان استام ازاماتتى اسكەرگە الۋ جوسپارلانىپ وتىر. ونىڭ ىشىندە 11 مىڭنان استامى قارۋلى كۇشتەرگە, 7 مىڭنان استامى ءىىم ۇلتتىق ۇلانىنا, 2 مىڭعا جۋىعى ۇقك شەكارا قىزمەتىنە, 400-گە جۋىعى توتەنشە جاعدايلار مينيسترلىگىنە, ال 300 ازامات مەملەكەتتىك كۇزەت قىزمەتىنە جىبەرىلەدى», دەدى ول.
شاقىرىلۋشىلارعا حابارلاما SMS جانە eGov پورتالى ارقىلى كەمىندە ءۇش كۇن بۇرىن جىبەرىلەدى. مۇنداي حابارلامالار رەسمي شاقىرۋ بولىپ سانالادى. شاقىرتۋ العان ازامات بەلگىلەنگەن ۋاقىتتا جەرگىلىكتى اسكەري باسقارۋ ورگانىنا كەلۋگە مىندەتتى.
قورعانىس مينيسترلىگى اسكەري ەسەپ جۇيەسىن تسيفرلاندىرۋدى جالعاستىرىپ جاتىر. «Smart ۆوەنكومات» جوباسى اياسىندا شاقىرىلۋشىلاردىڭ دەرەكتەرى تولىق اۆتوماتتاندىرىلعان. جۇيە ازاماتتاردى تۇرعىلىقتى جەرى وزگەرگەن كەزدە اۆتوماتتى تۇردە ەسەپكە قويادى, 17 جاستاعى جاسوسپىرىمدەردى تىركەيدى, سونداي-اق كەيىنگە قالدىرۋ نەمەسە بوساتۋ راسىمدەرىن ەلەكتروندى تۇردە جۇرگىزەدى.
وسى جۇيەنىڭ ناتيجەسىندە 2025 جىلى 457 مىڭنان استام ادامعا كەيىنگە قالدىرۋ بەرىلگەن. سونىمەن قاتار اسكەرگە شاقىرۋ تۋرالى بۇيرىقتار دا ەلەكتروندى فورماتتا راسىمدەلەدى. بۇل ءوز كەزەگىندە اسكەري قىزمەتشىلەرگە نەسيەلىك دەمالىس بەرۋ ءۇشىن دەرەكتەردى كرەديتتىك بيۋرولارعا اۆتوماتتى تۇردە جولداۋعا مۇمكىندىك بەرەدى.
مەديتسينالىق تەكسەرۋ پروتسەسى دە تسيفرلىق جۇيەگە كوشىرىلىپ جاتىر. «E-Medوسموتر» جۇيەسى ارقىلى شاقىرىلۋشىلاردى كۋالاندىرۋ استانا, شىمكەنت قالالارىندا, الماتى, باتىس قازاقستان جانە جەتىسۋ وبلىستارىندا كەڭىنەن ەنگىزىلگەن. 2025 جىلى 17 مىڭنان استام ازامات مەديتسينالىق تەكسەرۋدەن تسيفرلىق فورماتتا وتكەن.
پرەزيدەنت 2026 جىلعى اسكەرگە شاقىرۋ تۋرالى جارلىققا قول قويدى
مەرزىمدى اسكەري قىزمەت وتكەرەتىن ازاماتتارعا مەملەكەت تاراپىنان بىرقاتار الەۋمەتتىك قولداۋ شارالارى قاراستىرىلعان. اتاپ ايتقاندا, ولار نەسيەلىك دەمالىسقا يە بولادى جانە ۇبت ناتيجەلەرىن ەسەپكە الماي, جوعارى وقۋ ورىندارىنا مەملەكەتتىك گرانتپەن تۇسە الادى.
«2023 جىلدان بەرى 9 مىڭنان استام سارباز ۇبت تاپسىرماي-اق جوعارى وقۋ ورىندارىنا قابىلداندى. تەك 2025 جىلدىڭ وزىندە بۇل مۇمكىندىكتى 3 300 اسكەري قىزمەتشى پايدالاندى», دەدى الماس يسابەكوۆ.
سونداي-اق 20 مىڭنان استام اسكەري قىزمەتشىگە شامامەن 8,8 ملرد تەڭگە كولەمىندە نەسيەلىك دەمالىس بەرىلگەن. قىزمەت بارىسىندا ساربازدار وقۋ ورتالىقتارىندا ءتۇرلى جۇمىسشى ماماندىقتارىن مەڭگەرە الادى.
شوپاندار مەن باقتاشىلاردىڭ بالالارىن اسكەرگە شاقىرۋ كەيىنگە قالدىرىلۋى مۇمكىن
گەنەرال-مايوردىڭ ايتۋىنشا, شاقىرۋدان جالتارۋ نەمەسە دالەلسىز سەبەپپەن شاقىرۋ پۋنكتىنە كەلمەۋ زاڭمەن قۋدالانادى. مۇنداي جاعدايدا اكىمشىلىك جاۋاپكەرشىلىك, ال اسكەردەن جالتارعاندارعا قاتىستى قىلمىستىق جاۋاپكەرشىلىك قاراستىرىلعان.
