پايعامبارىمىز (س.ع.س.): «رامازان ايىندا مىڭ ايدان ارتىق ءبىر ءتۇن بار. كىم ونىڭ جاقسىلىعىنان ماقۇرىم قالعان بولسا, شىن مانىندە كوپ نارسەدەن ماقۇرىم بولعان», دەگەن.
ءدىن وكىلدەرىنىڭ مالىمدەۋىنشە قادىر تۇنىندە ماڭىزدى ساۋاپتى ىستەردى مەيلىنشە كوبىرەك جاساۋ قاجەت.
رامازان ايى ازاماتتاردىڭ تۇتىنۋ شىعىندارىنا قانداي وزگەرىس اكەلەدى؟
1. ناماز جانە قۇلشىلىق
قادىر تۇنىندە ەڭ ماڭىزدى امال – ءنافىل ناماز (سۇننەت نامازدارى) وقۋ. مۇسىلماندار بۇل تۇندە ءجيى قۇران وقىپ, اللانى ەسكە الىپ, ۇزاق دۇعالار جاسايدى. تاڭ نامازىنا دەيىنگى ۋاقىتتى مۇمكىندىگىنشە قۇدايعا ارناپ وتكىزۋ ۇسىنىلادى.
2. قۇران وقۋ
بۇل ءتۇن – قۇرانمەن سۋسىنداۋ ۋاقىتى. مۇسىلماندار قۇران اياتتارىن وقىپ, ماعىناسىن تۇسىنۋگە تىرىسادى. قادىر ءتۇنى وقىلعان قۇراننىڭ ساۋابى باسقا كەزدەرگە قاراعاندا الدەقايدا ۇلكەن بولادى.
3. دۇعا جاساۋ
قادىر ءتۇنى – كەشىرىم سۇراپ, جاقسىلىققا ۇمتىلۋ, تۋىستار مەن كورشىلەر ءۇشىن دۇعا ەتۋ ۋاقىتى. كىشىگىرىم دۇعادان باستاپ, جۇرەكتەن شىققان تىلەك پەن شىنايى نيەت ماڭىزدى.
4. قايىرىمدىلىق
قايىرىمدىلىق جاساۋ, مۇقتاجدارعا قول ۇشىن بەرۋ – قادىر ءتۇنى قاسيەتتى امالداردىڭ ءبىرى. بۇل تەك مال مەن زات بەرۋ عانا ەمەس, جۇرەكتەن شىققان ىزگى نيەت پەن قولداۋدى بىلدىرەدى.
5. رۋحاني وي مەن ءوز-ءوزىڭدى تۇزەتۋ
قادىر ءتۇنى – ءوز-ءوزىڭدى تەكسەرىپ, وتكەن كۇندەردى وي ەلەگىنەن وتكىزۋ ءۇشىن دە ماڭىزدى. كۇنالاردان كەشىرىم سۇراپ, بولاشاققا جاقسىلىق پەن ىزگىلىككە ۇمتىلۋ قاجەت.
قادىر ءتۇنى – ءار مۇسىلمان ءۇشىن رۋحاني ءوسۋ, تىنىشتىققا بولەنۋ جانە اللانىڭ رازىلىعىنا كەنەلۋ ۋاقىتى. ناماز وقۋ, قۇران وقۋ, دۇعا جاساۋ جانە قايىرىمدىلىق ىستەۋ ارقىلى بۇل ءتۇندى ءتيىمدى وتكىزۋگە بولادى. ەڭ باستىسى – جۇرەك تازالىعى مەن شىنايى نيەت.
وسى امالداردى ورىنداۋ ارقىلى مۇسىلمان قاۋىم 83 جىلدىق ساۋاپقا تەڭ بەرەكەلى ءتۇندى ءتيىمدى وتكىزە الادى.
