بۇگىن ساعات 08:00-دەگى جاعداي بويىنشا بىرنەشە جول ۋچاسكەلەرىندە كولىك قوزعالىسى تولىق اشىق, ال بىرقاتار ايماقتا اۋا رايى مەن تەحنيكالىق سەبەپتەرگە بايلانىستى شەكتەۋلەر ەنگىزىلگەن.
اشىق جولدار
قوستاناي وبلىسىندا رەسپۋبليكالىق ماڭىزى بار كەلەسى جول ۋچاسكەلەرىندە بارلىق كولىك تۇرلەرى ءۇشىن قوزعالىسقا رۇقسات بەرىلدى:
-
«استانا – اتباسار – جاقسى – رۋزاەۆكا – سارىكول – قوستاناي – رف شەكاراسى» اۆتوجولىنىڭ 555-682 شاقىرىمى ارالىعى (توبىل قالاسى – سارىكول كەنتى ارالىعى);
-
«قوستاناي – رۋدنىي – دەنيسوۆكا – كومسومولسكوە – قارابۇتاق» اۆتوجولىنىڭ 320-501 شاقىرىمى ارالىعى (بەستوبە كەنتى – رۋدنىي قالاسى);
-
«قوستاناي – اۋليەكول – سۇرعان» اۆتوجولىنىڭ 8-218 شاقىرىمى ارالىعى (توبىل قالاسى – وكتيابرسكي كەنتى).
جابىق جولدار
اقتوبە وبلىسىندا اۋا رايىنىڭ كۇرت ناشارلاۋىنا بايلانىستى (تۇمان, كورىنۋ قاشىقتىعىنىڭ تومەندەۋى) جۇك جانە قوعامدىق كولىكتەر ءۇشىن قوزعالىس شەكتەلدى.
شەكتەۋ كەلەسى جولداردا ەنگىزىلگەن:
-
«رف شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قحر شەكاراسى» اۆتوجولىنىڭ 776-1153 شاقىرىمى ارالىعى («ەكو ويل» جانارماي قۇيۋ بەكەتى – ىرعىز اۋىلى ارالىعى).
پاۆلودار وبلىسىندا جولايرىقتاعى كوپىر قۇرىلىمىنىڭ شەتكى ارقالىقتارى زاقىمدانۋىنا بايلانىستى قوزعالىس شەكتەلدى:
-
«استانا – شىدەرتى – پاۆلودار – ۋسپەنكا – رف شەكاراسى» اۆتوجولىنىڭ «قالقامان» جولايرىعى ماڭىنداعى ۋچاسكەسى (قالقامان اۋىلىنا كىرەبەرىس جانە استانا باعىتىنا شىعاتىن جول).
شىعىس قازاقستان وبلىسىندا كۇردەلى تاۋلى جاعدايلارعا بايلانىستى قىس مەزگىلىندە قوزعالىسقا قوسىمشا شەكتەۋلەر ەنگىزىلگەن:
-
وسينوۆ اسۋىندا 46-66 شاقىرىم ارالىعىندا (سەۆەرنىي اۋىلىنا بۇرىلىس – سەرەبريانسك قالاسىنا بۇرىلىس) تىركەمەسى جانە جارتىلاي تىركەمەسى بار جۇك كولىكتەرىنىڭ جۇرۋىنە تىيىم سالىنعان.
