كورەيالىق دەلەگاتسيامەن كەزدەستى

كەشە پارلامەنتتە ءماجىلىس توراعاسى قابيبوللا جاقىپوۆ كورەيا رەسپۋبليكاسى ۇلتتىق اسسامبلەياسىنىڭ «قازاقستان رەس­­پۋب­ليكاسى – كورەيا رەسپۋبلي­كاسى» ىن­تىماقتاستىق ءجونىن­دەگى پارلامەنت­ارالىق توپ جەتەك­شىسىنىڭ ورىنباسارى, كورەيا رەس­پۋب­ليكاسى ۇلتتىق اسسام­بلەيا­سىنىڭ دەپۋتاتى چاڭ يۋنسوك باستاعان دەلەگاتسيا وكىلدەرىمەن كەزدەستى. تاراپتار بارلىق سالا بويىنشا ەكىجاقتى قارىم-قاتىناستى دامىتۋ جايىندا پىكىر الماستى. ءماجىلىس توراعاسى كورەيا قازاقستاننىڭ شىعىس ازياداعى ماڭىزدى ستراتەگيالىق ارىپتەستەرىنىڭ ءبىرى ەكەنىن العا تارتا كەلىپ, ساياسي, ساۋدا-ەكونوميكالىق سالاداعى جەتىستىكتەرگە توقتالدى. كورەيا رەسپۋبليكاسىنىڭ پرەزيدەنتى پا كىن حەنىڭ وتكەن جىلعى قازاقستانعا جاساعان مەملەكەتتىك ساپارى ءوزارا ساياسي ءىس-قيمىلعا  تىڭ سەرپىن بەردى. قوس مەملەكەت اراسىنداعى تاۋار اينالىمى وتكەن جىلى 2 ملرد. دوللارعا جۋىقتادى. بۇگىنگى كۇنى قازاقستاندا 800-دەن استام بىرلەسكەن كاسىپورىن جۇمىس ىستەيدى. اسىرەسە, اتىراۋ وبلىسىندا سالىنىپ جاتقان گاز-حيميالىق كەشەن, جاقىن ۋاقىتتا ىسكە قوسىلاتىن «جامبىل» كەن ورنى, بالقاش جەس سىندى ءىرى جوبالار قازاقستاننىڭ ينفراقۇرىلىمدىق دامۋىنا ايتارلىقتاي ۇلەس قوسۋمەن قاتار, ءبىزدىڭ ەلدەرىمىزدىڭ ينۆەستيتسيالىق جانە تەحنولوگيالىق ىنتىماق­تاستىعىن نىعايتا تۇسپەك. وسى رەتتە ءماجىلىس سپيكەرى ەۋرا­زيالىق ەكونوميكالىق وداق باسىم­دىق­تارىن دا نازاردان تىس قالدىرما­دى. ودان ءارى ءماجىلىس توراعاسى وڭتۇستىك­كورەيالىق بيزنەس وكىلدەرىن «نۇرلى جول» جاڭا ەكونوميكالىق ساياساتى مەن اۋ­قىمدى ۇدەمەلى يندۋستريالىق دامۋ باعدارلاماسى اياسىندا قازاقستاندا ين­دۋستريالىق-يننوۆاتسيالىق جو­­بالاردى جۇزەگە اسىرۋعا, سونداي-اق, استانادا وتەتىن ەكسپو-2017 حالىق­ارالىق كورمەسىنە بەلسەنە قاتىسۋعا شاقىردى. قابيبوللا جاقىپوۆ كوپجاقتى ءىس-قيمىلدى نىعايتۋ جايىن ءسوز ەتكەندە كورەيا رەسپۋبليكاسىنىڭ 2017-2018 جىلدارى بۇۇ قاۋىپ­سىزدىك كەڭەسىنىڭ تۇراقتى ەمەس مۇشەلىگىنە قازاقستان كانديداتۋراسىن قولدايتىندىعىنا سەنىم ءبىلدىردى. ال ەلدەگى ساياسي احۋالدى اڭگىمەلەۋ بارىسىندا ءساۋىر ايىندا وتەتىن پرەزيدەنتتىك سايلاۋدىڭ ماڭىزدىلىعىن  اتاپ ءوتتى. ءوز كەزەگىندە دەلەگاتسيا جەتەك­شىسى استاناعا ءبىرىنشى رەت كەلگەنىن, قالانىڭ زاماناۋي دەڭگەيدە ءور­كەندەپ كەلە جاتقانىنا ءتانتى بول­عانىن جەتكىزدى. كەزدەسۋ يەلەرى مادەني-گۋما­ني­­تار­لىق بايلانىستاردى نىعاي­تۋ ماسەلە­سىنە دە كوڭىل ءبولدى. سون­داي-اق, پار­لا­مەنتارالىق ىقپال­داستىقتى كۇشەيتۋگە ايرىقشا نازار اۋدارىلدى, دەپ حابارلادى ءماجىلىستىڭ ءباسپاسوز قىزمەتى.