كەلىسسوزدەر جەمىسى

كەشە پرەمەر-ءمينيستردىڭ ورىنباسارى ب. ساپارباەۆ «كاننام سەۆەرانس» كلينيكاسى مەن دەنساۋلىق يندۋسترياسىن دامىتۋ ينستيتۋتىنىڭ جانە حالىقارالىق دەنساۋلىق ورتالىعىنىڭ باسشىلارىنان تۇراتىن كورەيا رەسپۋبليكاسىنىڭ دەلەگاتسياسىمەن كەزدەستى. قازاقستان تاراپىنان كەزدەسۋگە دەنساۋلىق ساقتاۋ جانە الەۋمەتتىك دامۋ, ءبىلىم جانە عىلىم مينيسترلىكتەرىنىڭ, سونداي-اق, ءال-فارابي اتىنداعى قازاق مەملەكەتتىك ۋنيۆەرسيتەتىنىڭ باسشىلارى قاتىستى. كەلىسسوزدەر جۇرگىزۋ بارىسىندا تاراپتار قازاقستان مەن كورەيانىڭ دەنساۋلىق ساقتاۋ سالاسىندا قارىم-قاتىناستىڭ  قارقىندى دامىپ كەلە جاتقانىن اتاپ ءوتتى. بەيىندى مينيسترلىكتەردىڭ اراسىندا بەكىتىلگەن مەموراندۋمدار اياسىندا كورەيانىڭ ەمحانالارىندا قازاقستاندىقتاردى ەمدەۋ, سونىمەن قاتار, وتاندىق مامانداردى وقىتۋ جۇيەلى تۇردە جۇرگىزىلەدى. 2014 جىلعى جەلتوقساندا ءال-فارابي اتىنداعى قازاق مەملەكەتتىك ۋنيۆەرسيتەتىنىڭ نەگىزىندە اتالعان ۋنيۆەرسيتەت پەن كاننام سەۆەرانس ەمحاناسىنىڭ بىرلەسۋىمەن دياگنوستيكالىق ورتالىق اشىلدى. قازىرگى تاڭدا اتالعان ەمدەۋ مەكەمەسىمەن ءوزارا بايلانىستى شىعىس قازاقستان وبلىسى بەل­سەندى جۇزەگە اسىرىپ كەلەدى. بۇل ءوڭىر­دىڭ اۋداندارىندا تۇراتىن حالىق ءۇشىن كورەي دارىگەرلەرىنىڭ قاتى­سۋىمەن شەبەرلىك سىنىپتارى, ەمدەلۋشىلەرگە كەڭەس بەرۋ بوي­ىنشا قابىلداۋلار ۇيىمداس­تىرىلادى. سونىمەن بىرگە, وسكە­مەن قالاسىندا ورنالاسقان وڭال­تۋ ورتالىعىنا ماماندار دايار­لانىپ, وبلىستىق ەمحاناعا قىم­بات دياگنوستيكالىق جابدىق سىي­عا تارتىلعان. وسى جىلى قازاق­ستانعا «كاننام سەۆەرانس»  ەمحانا­سىنداعى اتاقتى دارىگەرلەردىڭ كۇردەلى وپەراتسيالار جاساۋعا تەگىن نەگىزدە كەلۋى جوسپارلانعان. سونداي-اق, كەزدەسۋ بارىسىندا ەكىجاقتى قارىم-قاتىناستاردى ودان ءارى نىعايتۋ جانە دامىتۋ, سونىمەن قاتار, مەديتسينالىق ور­تالىقتىڭ قۇرىلىسى جانە ءوڭىر­لەردەگى جەدەل جاردەم جۇيەسىن مو­دەرنيزاتسيالاۋ جوبالارىن ىسكە اسىرۋ ماسەلەلەرى تالقىلاندى, دەپ حابارلادى پرەمەر-ءمينيستردىڭ ءباسپاسوز قىزمەتى.