اتاپ ايتقاندا, تمد بايقاۋشىلار ميسسياسىنىڭ اتىنان تمد باس حاتشىسىنىڭ ءبىرىنشى ورىنباسارى يگور پەتريشەنكو, قاۋىپسىزدىك جانە ىنتىماقتاستىق شارتى ۇيىمىنىڭ پارلامەنتتىك اسسامبلەياسى اتىنان قىرعىز رەسپۋبليكاسى جوگوركۋ كەنەشىنىڭ سوت-قۇقىقتىق, قۇقىق رەتتەۋ, قىلمىسپەن كۇرەس جانە جەمقورلىققا قارسى ءىس-قيمىل كوميتەت توراعاسىنىڭ ورىنباسارىمەن كەزدەستى.
سونىمەن قاتار نۇرلان ءابدىروۆ تۇركپا قۇقىقتىق ماسەلەلەر جانە حالىقارالىق قاتىناستار جونىندەگى كوميسسياسىنىڭ توراعاسى, تۇركيا ۇلى ۇلتتىق ءماجىلىسىنىڭ دەپۋتاتى, ميسسيا باسشىسى وسمان مەستەنمەن كەزدەستى.
سونداي-اق بىرقاتار شەت مەملەكەتتىڭ سايلاۋ ورگاندارى باسشىلارىمەن ەكىجاقتى كەزدەسۋلەر ءوتتى. تۇرىك رەسپۋبليكاسى جوعارى سايلاۋ كەڭەسىنىڭ توراعاسى احمەت يەنەر, البانيا رەسپۋبليكاسى سايلاۋ جونىندەگى باس كوميسسارى يليردجان چەليباشي, قىرعىز رەسپۋبليكاسىنىڭ سايلاۋ جانە رەفەرەندۋم وتكىزۋ جونىندەگى ورتالىق كوميسسياسىنىڭ توراعاسى تىنچتىك شاينازاروۆپەن كەزدەسۋلەر بارىسىندا نۇرلان ءابدىروۆ شەتەلدىك ارىپتەستەرىن رەسپۋبليكالىق رەفەرەندۋمعا دايىندىقتىڭ نەگىزگى باعىتتارىمەن تانىستىردى. ول رەفەرەندۋم كوميسسيالارىنىڭ قىزمەتىن ۇيىمداستىرۋ, داۋىس بەرۋ ۋچاسكەلەرىنىڭ دايىندىق دەڭگەيى, ازاماتتاردىڭ كونستيتۋتسيالىق قۇقىقتارىن جۇزەگە اسىرۋعا باعىتتالعان شارالار جانە اقپاراتتىق جۇمىس تۋرالى ايتتى.
رەفەرەندۋمدى بايقاۋعا 38 مەملەكەت پەن 11 حالىقارالىق ۇيىمنان بارلىعى 359 بايقاۋشى اككرەديتتەۋدەن ءوتتى, بۇل داۋىس بەرۋ ۇدەرىسىنىڭ اشىقتىعى مەن جاريالىلىعىن ارتتىرۋعا مۇمكىندىك بەرەدى.
سونداي-اق تاراپتار حالىقارالىق بايقاۋ ۇيىمداستىرۋ ماسەلەلەرىن, ميسسيالاردىڭ جۇمىس جاعدايلارى جانە رەفەرەندۋم كوميسسيالارىمەن ءوزارا ءىس-قيمىلدى تالقىلادى. حالىقارالىق ميسسيالاردىڭ باسشىلارى ءوز كەزەگىندە بايقاۋ ءىس-شارالارىنىڭ جوسپارلارى مەن فورماتتارى تۋرالى اقپارات ۇسىندى.
