فوتو: gov.kz
اتاپ ايتقاندا, «ى» اۋىل شارۋاشىلىعى وندىرىستىك كووپەراتيۆىنىڭ باسشىسى 2021 جىلدىڭ ءساۋىر ايىندا اقپاراتتىق جۇيەگە كووپەراتيۆ اتىنا 2 470 باس انالىق ءىرى قارا مالدى جالعا العانى تۋرالى جالعان مالىمەت پەن سەلەكتسيالىق جۇمىستار جۇرگىزۋ ءۇشىن 120 باس اسىل تۇقىمدى بۇقانى جالعا العانى جونىندە اقپارات ەنگىزگەن.
سايكەسىنشە, مەملەكەتتەن كووپەراتيۆتىڭ بانكتىك ەسەپشوتىنا 24 700 000 تەڭگە كولەمىندە سۋبسيديا قاراجاتى اۋدارىلعان.
الاياقتىق كەڭ تاراعان: پرەمەر-مينيستر سۋبسيديالاۋ ساياساتىن قايتا قاراۋدى تاپسىردى
الايدا ءىس جۇزىندە سەلەكتسيالىق جۇمىستار تەك 18 باس اسىل تۇقىمدى بۇقا جانە 450 باس انالىق ءىرى قارا مالعا عانا جۇرگىزىلىپ, زاڭسىز الىنعان سۋبسيديا سوماسى 20 200 000 تەڭگەنى قۇراعان.
اتالعان فاكتى نەگىزىندە اسا ءىرى مولشەردە الاياقتىق بابى بويىنشا سوتقا دەيىنگى تەرگەپ-تەكسەرۋ جۇرگىزىلگەن.
سوت «ى» اۋىل شارۋاشىلىعى وندىرىستىك كووپەراتيۆىنىڭ باسشىسىن كىنالى دەپ تانىپ, وعان 4 جىل مەرزىمگە باس بوستاندىعىنان ايىرۋ جانە 5 جىل مەرزىمگە كوممەرتسيالىق ۇيىمداردا باسشىلىق لاۋازىمداردى اتقارۋ قۇقىعىنان ايىرۋ جازاسىن تاعايىندادى.
سونداي-اق زاڭسىز الىنعان اقشالاي قاراجات تولىق كولەمدە ءوندىرىلىپ, مەملەكەت كىرىسىنە قايتارىلعان.
ۇكىم زاڭدى كۇشىنە ەنگەن جوق.
