4 000 000: اتىراۋداعى مەديتسينا سالاسىنا وسىنشا اقش دوللارىنىڭ مەديتسينالىق جابدىعى تارتۋ ەتىلدى

«تەڭىزشەۆرويل» بىرلەسكەن كاسىپ­ورنى جىل سايىن اتىراۋ­دىڭ الەۋمەتتىك سالاسىنا قولداۋ بىلدىرەدى. بىلتىرعى قاراشادا وڭىردەگى ەمدەۋ ورىندارىنا مەدي­تسينالىق قۇرال-جابدىقتار ساتىپ الۋعا 4 ميلليون اقش دوللارىن بولگەن ەدى. بيىلعى جىلدىڭ العاشقى جارتىسىندا وبلىستىق كارديولوگيالىق ورتالىققا, وبلىس­تىق بالالار اۋرۋحاناسىنا, سونى­مەن بىرگە, ما­قات, يندەر, ماحامبەت, جىلىوي, قۇر­مانعازى, يساتاي جانە قىزىلقوعا اۋدان­دارىنىڭ ورتالىق اۋرۋحانالارىنا وسى زامانعى مەديتسينالىق قۇرال-جابدىقتار ساتىپ الىندى. – ءبىز زاماناۋي جابدىق­تارمەن جۇمىس ىستەۋ ءۇشىن ارنايى وقۋدان وتكەن مامان­داردىڭ اتىراۋ وبلىسى تۇر­عىن­دارىنىڭ دەنساۋلىعىن نىعاي­تۋعا جاڭا مۇمكىندىك العا­نىنا قۋانىشتىمىز. ەندى تۇرعىنداردىڭ, ەرەسەكتەرمەن قاتار, بالالاردىڭ دا باسقا جاققا بارماي-اق, وزدەرىنىڭ تۇرعىلىقتى جەرىندە دياگنوستيكادان ءوتىپ, قاجەتتى مەديتسينالىق كومەك الۋىنا مۇمكىندىك تۋدى, – دەيدى «تەڭىزشەۆرويل» بىرلەسكەن كاسىپورنىنىڭ باس ديرەكتورى تيم ميللەر. كارديولوگيالىق ورتالىققا جۇرەك سوعىسىنىڭ بۇزىلۋىن حي­رۋر­گيالىق ەمدەۋ جانە راديو­جيىلىكتى ابلاتسيالاۋ پروتسەدۋراسىن وتكىزۋ ءۇشىن ST.Jude Medical (اقش) فيرماسىنىڭ ەلەكتروفيزيولوگيالىق زەرتحاناسىن, «فيليپس» فيرما­سىنىڭ (نيدەرلاندى-اقش) سپي­رالدىق, 128 كەسىندى كومپيۋتەرلىك توموگرافتى, «كارل شتورتس» (گەر­مانيا) فيرماسىنىڭ لاپارو-تورا­كو-كارديوحيرۋرگيالىق وپە­راتسيا­لارىن وتكىزۋگە ارنالعان بەي­نە-ەندوسكوپيالىق كەشەنىن, اۋ­ديومەتريالىق ءمودۋلدى جانە باسقا دا دياگنوستيكالىق جابدىقتار تاپسىرىلدى. بۇل جابدىقتاردى پايدالانۋعا جانە قولدانۋعا دايار­لاۋ كەزەڭىندە وبلىستىق جانە اۋداندىق اۋرۋحانالاردىڭ 29 قىزمەتكەرى وقىتىلىپتى. جولداسبەك شوپەعۇل, «ەگەمەن قازاقستان». اتىراۋ.