«Eurasian Resources Group» پاۆلوداردا 8 تۇرعىن ءۇي سالادى

پاۆلودار. 26 ماۋسىم.  وبلىس ورتالىعىندا «Eurasian Resources Group» جانە وبلىس اكىمدىگى اراسىندا تۇرعىن ءۇي قۇرىلىسى باعدارلاماسىن جۇزەگە اسىرۋ بويىنشا مەموراندۋمعا قول قويىلدى. بۇل تۋرالى egemen.kz ءتىلشىسى حابارلادى. ەندى ەۋرازيالىق توپ كاسىپورنىنىڭ ماماندارىنا ارنالعان ۇيلەر تۇرعىزباق.  تۇرعىن ۇيلەر مەملەكەتتىك «وڭىرلەردى دامىتۋ باعدارلاماسى-2020» باعدارلاماسى شەڭبەرىندە سالىنادى. وبلىستاعى «قازاقستان ءاليۋمينيى», «قازاقستان ەلەكتروليز زاۋىتى», اقسۋ فەرروقورىتپا زاۋىتى, «ەۋروازياتتىق ەنەرگەتيكالىق كورپوراتسيا» اق-نىڭ وكىلدىكتەرى ورنالاسقان پاۆلودار, اقسۋ جانە ەكىباستۇزدا قۇنى 4,47 ملرد تەڭگەنى قۇرايتىن ينۆەستيتسيالىق قارجى قۇيىلماق. ERG مەنەدجەرلەر كەڭەسىنىڭ توراعاسى الەكساندر ماشكەۆيچتىڭ ايتۋىنشا, وبلىستا تۇرعىن ءۇيدىڭ 36 مىڭ شارشى مەترىن سالۋ جوسپارلانۋدا. وڭىردە 640 ادام پايىزدىق مولشەرلەمەسى تومەن شارتپەن باسپانالى بولادى. فاريدا بىقاي. دەرەك, سۋرەت: egemen.kz