پلاتفورمانى مەكتەپ ۇستازدارىنان بولەك, كوللەدج وقىتۋشىلارى مەن بالاباقشا تاربيەشىلەرى دە قولدانادى. جوبانىڭ نەگىزىن قالاۋشى – كاسىپكەر ەلامان باۋىرجان ۇلى مەن ونىڭ سەرىكتەسى ماديار سەرىكباي ۇلى. پلاتفورما كومانداسىندا قازىر 50-گە جۋىق قىزمەتكەر جۇمىس ىستەپ جاتىر. ونىڭ ىشىندە ءىت ماماندارى, ادىسكەر, كۋراتورلار بار. جۇيە قازاق, ورىس, اعىلشىن, وزبەك تىلدەرىندە قىزمەت كورسەتەدى.
ۇستازدار قاۋىمى كۇندەلىكتى ساباق وتكىزۋ ۇدەرىسىنە, سەمينار ساباقتارىنا وسى پلاتفورمانى بەلسەندى قولدانادى. قمج, عىلىمي جوبا, اۆتورلىق باعدارلاما, ادىستەمەلىك قۇرال جازىپ الۋدان بولەك, كورنەكىلىكتەر مەن ويىندار گەنەراتسياسى, كەرى بايلانىس, پرەزەنتاتسيانى جاساۋ مۇمكىندىگى دە قولجەتىمدى.
«قازىر وسى پلاتفورماعا ەلىمىزدەن بولەك, وزبەكستان, قىرعىزستاننان سۇرانىستار ءتۇسىپ جاتىر. مۇعالىمدەرگە سايتتان شىعىپ جاڭا دۇنيە ىزدەۋدىڭ قاجەتى جوق. بارلىعى وقۋ-اعارتۋ مينيسترلىگى تالابىنا ساي, ءبىر جەردە شوعىرلانعان. ونىڭ دا ءوز سەبەبى بار. بىرىنشىدەن, مۇعالىمدەردىڭ قاجەتتىلىگىن تولىقتاي پلاتفورما جابا الۋىنا جۇمىس ىستەدىك. شەتەلدەن شىققان پلاتفورمالاردا ونداي مۇمكىندىك ازىرگە جوق. ەكىنشىدەن, قارجىلىق ماسەلە. قازىر مۇعالىمدەر اشىق ساباقتا جاساندى ينتەللەكتىنى قولدانىپ جاتىر. بىراق ونى ۇستازداردىڭ ءبارى جاساي المايدى. سوندىقتان ونى بىرەۋگە جاساتىپ, ساتىپ الادى. ودان بولەك, قمج, كورنەكىلىكتەرگە تاعى شىعىندانادى. الاياقتىڭ اۋزىنا جەم بولىپ قالاتىن ۇستازدار دا بارشىلىق. وسىلايشا, مۇعالىمدەردىڭ قالتاسى قاعىلادى. سول ءۇشىن دە ءبىزدىڭ پلاتفورماعا مۇعالىمگە كەرەكتىنىڭ ءبارىن جيناقتادىق. مۇنداعى جاساندى ينتەللەكت بار بولعانى 1-5 مينۋتتا ەكى ساعاتتان ءبىر اپتاعا دەيىنگى جازاتىن ماتەريالدى دايىنداپ بەرەدى. ىشىندە سويلەيتىن جاساندى ينتەللەكت, ۇلتتىق, توپتىق باعىتتاعى ويىندار گەنەراتسياسى دا بار. وقىتۋشى تاقىرىپ پەن سىنىپتى كورسەتسە جەتكىلىكتى», دەيدى جوبا جەتەكشىسى ماديار سەرىكباي ۇلى.
پلاتفورمانىڭ پايداسىن ونى كۇن سايىن قولدانىپ جۇرگەن مۇعالىمدەر جاقسى بىلەدى. سەبەبى كەز كەلگەن تسيفرلى قۇرالدىڭ قۇنى – جارناماسىندا ەمەس, ساباق بارىسىنداعى ناقتى ناتيجەسىندە ولشەنەدى. وسى تۇرعىدان العاندا, «Shyraq AI»-دى تاجىريبە جۇزىندە سىناپ, تيىمدىلىگىن كورگەن ۇستازداردىڭ پىكىرى ماڭىزدى.
«Shyraq AI» پلاتفورماسىن وتكەن جىلدىڭ قازان ايىنان باستاپ قولدانىپ كەلەمىن. اۋەلدە قىسقامەرزىمدى جوسپاردى دايىنداۋ ءۇشىن العانمىن. ودان كەيىن باسقا دا رەسۋرستار قوسىلدى. قازىر «تاپقىر», «ۇشقىر», «بىلگىر» بولىمدەرى ارقىلى تاپسىرمالار قۇراستىرىپ كۇندەلىكتى ساباعىمدا پايدالانىپ ءجۇرمىن. قمج, بجب جۇمىسىن ەداۋىر جەڭىلدەتتى. ناتيجەسىن كورگەن سوڭ باسقا دا مۇعالىمدەر قىزىعۋشىلىق تانىتىپ, Shyraq AI-مەن بالالار شىراعىن جاعىپ ءجۇر», دەيدى جەتىسۋ وبلىسى, دوستىق ورتا مەكتەبىنىڭ بيولوگيا ءپانى مۇعالىمى گۇلميرا وماروۆا.
«Shyraq AI»-دىڭ باستى ارتىقشىلىعى تەك ماتەريالدى جىلدام جاساتۋمەن شەكتەلمەيدى. جوبا كومانداسى جي-ءدى دۇرىس قولدانۋعا باعىتتايتىن قولداۋ جۇيەسىن دە قاتار ۇسىنعان.
«كوپشىلىك مۇعالىم جاساندى زەردەنى قولدانۋ بارىسىندا دۇرىس تاپسىرما بەرە الماي نەمەسە قالاي قولدانۋ كەرەكتىگىن بىلمەي تىعىرىققا تىرەلىپ جاتادى. سول سەبەپتى دە كۋراتورلار قىزمەتى قوسىلعان. تاڭعى 9-دان 23-00-گە دەيىن كۋراتورلارىمىز تىنباي ەڭبەكتەنىپ ءجۇر. كوپ پلاتفورمادا جاساندى بوت جاۋاپ بەرەدى, ال بىزدە كۋراتورلار اۋديو, بەينەجازبا ارقىلى بايلانىسقا شىعىپ ۇستازدارعا كومەك كورسەتەدى. جالپى, پرەزيدەنت باستاماسىمەن قازىر جاساندى زەردەنى مەكتەپ جۇمىسىنا كىرىكتىرۋگە كوپ كوڭىل ءبولىنىپ جاتىر. مۇعالىمدەر بايانداما, پەداگوگيكالىق يدەيالارىن دا وسى جي توڭىرەگىندە جازىپ جاتىر. بۇل باستاماعا «Shyraq ءاى» ارقىلى ءبىز دە ءوز ۇلەسىمىزدى قوسا الدىق دەپ ويلايمىز», دەيدى جوبا جەتەكشىسى ەلامان باۋىرجان ۇلى.
