ەندى ازاماتتار زەينەتاقى اكتيۆتەرىن ينتەرنەت-پلاتفورما ارقىلى باقىلاي الادى

جاڭا ينتەرنەت-پلاتفورما ينۆەستيتسيالىق پورتفەلدى باسقارۋشىلار (يپب) تۋرالى بارلىق دەرەكتى ءبىر تسيفرلىق ورتاعا بىرىكتىرگەن. جوبا زەينەتاقى اكتيۆتەرىنىڭ كىرىستىلىگى تۋرالى اقپاراتتى جاريالاۋ تاسىلدەرىن ۇيلەستىرۋدى جانە ينۆەستيتسيالاۋ ناتيجەلەرىنە اسەر ەتەتىن فاكتورلاردى تۇسىندىرەدى.

پلاتفورمادا پايدالانۋشىلارعا زەينەتاقى جيناقتارى جۇيەسى, باعالى قاعازدار نارىعى, ينۆەستيتسيالىق ستراتەگيالار, سونداي-اق يپب-لاردىڭ قارجىلىق كورسەتكىشتەرى تۋرالى مالىمەتتەر ۇسىنىلادى.

پلاتفورما سالىمشىعا ءوز قاراجاتىنىڭ قايدا جانە قالاي ينۆەستيتسيالانىپ جاتقانىن تۇسىنۋگە كومەكتەسەدى.

بىرىڭعاي پلاتفورما ارقىلى سالىمشىلار ينۆەستيتسيالىق پورتفەلدەردى بىرنەشە كورسەتكىش بويىنشا سالىستىرا الادى. اتاپ ايتقاندا:

- پورتفەل قۇرىلىمىنىڭ كىرىستىلىگى;
- زەينەتاقى اكتيۆتەرىنىڭ شارتتى بىرلىگىنىڭ قۇنى;
- قارجىلىق قىزمەت ناتيجەلەرى;
- ينۆەستيتسيالىق قىزمەتتىڭ جالپى تيىمدىلىگى.

سالىمشىلار ينۆەستيتسيالىق دەكلاراتسيالاردى زەردەلەپ, ءوز جيناقتارىن ينۆەستيتسيالىق باسقارۋ كريتەريلەرىنە سايكەس كەلەتىن يپب-عا بەرۋ تۋرالى شەشىم قابىلداي الادى.

قازىرگى ۋاقىتتا زەينەتاقى اكتيۆتەرىن باسقارۋدا قازاقستان ۇلتتىق بانكى مەن جەكە ينۆەستيتسيالىق پورتفەل باسقارۋشىلارى قاتىسادى.

بجزق اكتيۆتەرىنىڭ تيىمدىلىگى: جيناقتالعان كىرىس 14 ترلن تەڭگەگە جۋىقتادى

ونلاين قىزمەتتەر, تسيفرلىق سەرۆيستەردىڭ دامۋى: جۇيەنىڭ اشىقتىعى ارتىپ كەلەدى

پلاتفورمادا سالىمشىلارعا ارنالعان جەكە كابينەت فۋنكتسيونالى كەڭەيتىلگەن. پايدالانۋشى:

- اۋدارۋعا نەمەسە قايتارۋعا قولجەتىمدى سومانى تەكسەرە الادى;
- يپب تاڭداۋ نەمەسە وزگەرتۋ تارتىبىمەن تانىسا الادى;
- باسقارۋشى كومپانياعا ءوتىنىش بەرىپ, ونىڭ مارتەبەسىن قاداعالاي الادى;
- باسقا دا زەينەتاقى قىزمەتتەرىن ونلاين الا الادى.

سالىمشىلار مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ 50%-نا دەيىن جانە ەرىكتى زەينەتاقى جارنالارىنىڭ 100%-ىنا دەيىن يپب سەنىمگەرلىك باسقارۋىنا اۋدارا الادى.

بجزق سالىمشىلارعا قولايلى جاعداي جاساۋ ءۇشىن تسيفرلىق قىزمەتتەردى تۇراقتى جەتىلدىرىپ كەلەدى. 2025 جىلدىڭ 1 قاڭتارى مەن 31 جەلتوقسانى ارالىعىندا قور حالىققا 43,3 ملن قىزمەت كورسەتتى.

ونىڭ ىشىندە:

- 27,2 ملن قىزمەت – ەلەكتروندىق فورماتتا;
- 14,7 ملن قىزمەت – اۆتوماتتى تۇردە كورسەتىلگەن.

وسىلايشا تسيفرلىق جانە قاشىقتان كورسەتىلەتىن قىزمەتتەردىڭ ۇلەسى 97,9%-عا جەتتى.

سالىمشىلار ۆەب-سەرۆيستەر ارقىلى:

- جەكە زەينەتاقى شوتىنان ءۇزىندى كوشىرمە الا الادى;
- دەرەكتەمەلەردى وزگەرتە الادى;
- ءوتىنىش بەرىپ, ونىڭ مارتەبەسىن باقىلاي الادى;
- جيناقتاردى باسقارۋشى كومپانياعا نەمەسە قازاقستان ۇلتتىق بانكى باسقارۋىنا قايتارا الادى.

بجزق تسيفرلىق ەكوجۇيەسى زەينەتاقى قىزمەتتەرىنىڭ قولجەتىمدىلىگىن, جەدەلدىگىن جانە اشىقتىعىن قامتاماسىز ەتۋگە باعىتتالعان. قور سالىمشىلارمەن ءوزارا ارەكەتتەسۋدىڭ نەگىزگى ارناسى رەتىندە ونلاين سەرۆيستەردى دامىتۋدى جالعاستىرا بەرەدى.

بجزق 2013 جىلعى 22 تامىزدا گنپف جزق اق نەگىزىندە قۇرىلعان. 

زەينەتاقى زاڭناماسىنا سايكەس قور مىندەتتى جانە ەرىكتى زەينەتاقى جارنالارىن تارتۋ, زەينەتاقى تولەمدەرىن جۇزەگە اسىرۋ, سونداي-اق نىسانالى جيناقتاردى ەسەپكە الۋ قىزمەتتەرىن اتقارادى.

ەل تۇرعىندارى باسپانا مەن ەمدەلۋ باعىتىندا بجزق-دان قانشا ترلن تەڭگە الدى؟