فوتو: اشىق دەرەككوز
مينيستر ءوزىنىڭ مالىمدەمەسىندە بەيبىت كۇندە ءبىلىم الىپ, بولاشاققا نىق قادام باسۋى ءتيىس ورىمدەي قىزداردىڭ اجالى – بۇكىل ادامزات ءۇشىن ورنى تولماس قاسىرەت ەكەنىن اتاپ ءوتتى.
«بالا تاربيەسىمەن اينالىساتىن ادام رەتىندە بالالار ەشقاشان قانداي دا ءبىر قاقتىعىستىڭ, جانجالدىڭ نەمەسە ساياسي تەكەتىرەستىڭ قۇربانى بولماۋى ءتيىس دەپ سانايمىن. ولاردىڭ قاۋىپسىزدىگى مەن اماندىعى – حالىقارالىق قاۋىمداستىق ءۇشىن دە, ءار مەملەكەت ءۇشىن دە ەڭ باستى قۇندىلىقتاردىڭ ءبىرى», دەدى ج. سۇلەيمەنوۆا.
سونىمەن قاتار مينيستر مەملەكەت باسشىسى قاسىم-جومارت توقاەۆتىڭ حالىقارالىق ماسەلەلەردى ءاردايىم بەيبىت, ديپلوماتيالىق جولمەن شەشۋ قاجەتتىگى تۋرالى دايەكتى ۇستانىمىن ەرەكشە اتاپ ءوتتى.
«بۇل – ادام ءومىرىن, اسىرەسە بالالاردىڭ بولاشاعىن قورعاۋعا باعىتتالعان سالماقتى ءارى دايەكتى ۇستانىم. مەن بۇل كوزقاراستى تولىق قولدايمىن. قازا بولعان يراندىق بالالاردىڭ اتا-انالارى مەن جاقىندارىنا كوڭىل ايتامىن», دەدى وقۋ-اعارتۋ ءمينيسترى.
