فوتو: egemen.kz/ەرلان ومار
ۇلتتىق بانك مالىمەتىنشە, اقپان ايىندا ۇلتتىق قوردان 400 ملن دوللارىندا ۆاليۋتا ساتىلعان, بۇل ءوز كەزەگىندە رەسپۋبليكالىق بيۋدجەتكە ترانسفەرت ءبولۋدى قامتاماسىز ەتۋگە مۇمكىندىك بەرگەن. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 6%-ى بولىپ, كۇنىنە 20 ملن دوللاردان اسپاعان.
قازاقستان سىرتقى ساۋدادا رەكوردتىق تاۋار اينالىمى كورسەتكىشىنە جەتتى
«كۇتىلەتىن فيسكالدىق تۇسىمدەردى ەسكەرگەندە, ۇكىمەتتىڭ الدىن الا بولجامدى وتىنىمدەرى بويىنشا ناۋرىز ايىندا رەسپۋبليكالىق بيۋدجەتكە ترانسفەرت بولۋگە ۇلتتىق بانك ۇلتتىق قوردان 400 ملن دوللاردان 500 ملن دوللارعا دەيىنگى مولشەردە ۆاليۋتا ساتىلادى دەپ بولجايدى», دەلىنگەن ۇلتتىق بانك حابارلاماسىندا.
اقپان ايىندا «اينالاۋ» وپەراتسيالارى اياسىندا 350 ملرد تەڭگە الىندى. ناۋرىز ايىندا وسى ماقسات ءۇشىن 350 ملرد تەڭگە بالاماسىندا ۆاليۋتا ساتۋ بولجانعان.
ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە, سونداي-اق «اينالاۋ» تەتىگىن ىسكە اسىرۋ كەزىندە ۇلتتىق بانك نارىقتىق بەيتاراپتىق قاعيداتىن ۇستانادى, بۇل شەتەل ۆاليۋتاسىن تۇراقتى جانە بىركەلكى ساتۋدى بىلدىرەدى.
ۇلتتىق بانك اقپاندا ۆاليۋتالىق ينتەرۆەنتسيا جۇرگىزبەگەنىن دە مالىمدەدى.
«وتكەن ايدىڭ قورىتىندىسى بويىنشا كۆازيمەملەكەتتىك سەكتور سۋبەكتىلەرىندە ۆاليۋتالىق ءتۇسىمنىڭ ءبىر بولىگىن مىندەتتى تۇردە ساتۋ نورماسى اياسىندا ۆاليۋتا ءتۇسىمىن ساتۋ كولەمى شامامەن 284 ملن دوللاردى قۇرادى. وسىعان دەيىنگى جوسپارعا سايكەس, بجزق ۆاليۋتالىق اكتيۆتەرىنىڭ ۇلەسى 40%-دان اساتىنىن ەسكەرگەندە, ۇلتتىق بانك اقپان ايىندا زەينەتاقى اكتيۆتەرىنىڭ ينۆەستيتسيالىق پورتفەلىنە دوللار ساتىپ المادى. ناۋرىزدا دا ۆاليۋتا ساتىپ الۋعا قاتىستى جوسپار جوق», دەلىنگەن حابارلامادا.
ۇلتتىق بانك: بيزنەس رۋبل مەن دوللاردىڭ اۋىتقۋىنا تاۋەلدىلىكتى تومەندەتەدى
اشىقتىق قاعيداتى اياسىندا ۇلتتىق بانك ۆاليۋتا نارىعىندا جۇرگىزىلەتىن وپەراتسيالار تۋرالى اقپاراتتى تولىق اشىپ كورسەتۋدى جالعاستىرماق.
