ورتاق جەڭىس – ورتاق جەمىس

بۇگىندە قانداي ەل بولماسىن جاھاندىق ەكونوميكامەن بايلانىسسىز ەمەستىگى بەلگىلى. سوندىقتان ودان ءارى دامۋعا ۇمتى­لۋشىلاردىڭ دۇنيەجۇزىلىك ساۋ­دا ۇيىمىمەن تىعىز قارىم-قاتىناستى قالىپتاستىرۋدى قالاۋى زامان تالابى بولىپ تابىلادى. وسى قاتارعا قوسىلۋدى العا قويعان ەلىمىزگە جول اشىلۋى بارشامىزدى قۋانتقان وقيعا بولدى. بۇعان دەيىن دە الەمدىك نارىقتاعى باسەكەلەستىكتە ءبىراز ىسىلعان وتاندىق وندىرىستەرىمىزدىڭ ەندى ءوز ونىمدەرىن كەڭ اۋقىمدا وتكىزۋگە مۇمكىندىگى بار. الايدا, وسى جاعدايدى پايدالانا الۋ دا وڭاي بولماستىعى انىق. ءويت­كەنى, شىندىعىن ايتقاندا, تال­عامپاز تۇتىنۋشىلار تاڭ­داۋىنا ساي كەلەتىن تاۋارلارى­مىز بەن قىزمەتتەرىمىز ازىرگە از ەكەنىن جاسىرعىمىز كەلمەي­دى. وسىعان بايلانىستى ەلبا­سى­نىڭ ۇندەۋىندە ودان تۋاتىن قيىندىقتىڭ ايتىلۋى ءبىزدى ناعىز تايتالاستى باسەكە كۇتىپ تۇرعاندىعىنا مەڭزەيدى. وعان توتەپ بەرۋ, كۇرەسۋدى كۇشەي­تۋ, ءوز مۇددەلەرىن قورعاي ءبىلۋ بارلىق كاسىپكەرلەرگە سىن دەر ەدىم. كوبى جاڭا ەكونوميكانىڭ قىر-سىرىنا قانىق ارىپتەس­تە­رىمنىڭ كۇتكەنى دە وسىنداي اۋقىمعا شىعۋ بولعاندىقتان قولدان كەلگەندەرىن تانىتا الارىنا سەنەمىن. ەلىمىز ءوندىرىسىنىڭ شاڭىراعى سانالاتىن قاراعاندى ايماعىن­دا شەتەلدەرگە دە ءوتىمدى تاۋار­لار بارشىلىق. بىراق باسىم بولىگى مىس, مەتالل ءتارىزدىلى دايىن ونىمدەردەن ءارى اسپايدى. جۇرت جاپپاي تۇتىناتىن زاتتار مەن بۇيىمدار شىعارۋ ءالى كەڭ كولەمدە ءورىس الماي كەلەدى. بۇرىن بالالار ۆەلوسيپەدىنە دەيىن جاسايتىن كاسىپورىندار وسىنداي جولعا كوشە الماي جاتىر. قانداي دا تاۋاردى وندىرۋگە قولايلى جاعداي بار جەرگىلىكتى وندىرىسكە تۋىپ وتىرعان مۇمكىندىك قامشى سالار دەپ ويلايمىز. ال اۋىل شارۋاشىلىعىنداعى رەزەرۆتەر قانشاما دەسەڭىزشى. شەتەلدىك تۇتىنۋشىلار قىزىعاتىن تازا تابيعي ازىق-ت ۇلىكتەردى كوپتەپ شىعارۋ, ولاردى قازاقستاندىق برەندكە اينالدىرۋ قولدان كەلمەس ءىس ەمەس. ونى جاھاندىق نارىق شارتتارىنا ساي ەتىپ ءوندىرۋدى جولعا قويعان كاسىپورىنداردىڭ ۇلگىسى بويىنشا ەڭ الدىمەن وسى شارۋانى شيراتۋ قاجەت. بۇعان ۇمتىلۋشىلارعا قولداۋ كورسەتۋ بۇرىن دا كەم بولماسا بۇل جولى ودان سايىن ۇلعايارى ءسوزسىز. دۇنيەجۇزىلىك ساۋدا ۇيىمىنا مۇشە ەلدەردىڭ ءبىرازى وسىنداي قيىندىقتاردان وتكەنىن بىلە­مىز. ءبىز دە جەڭە ءبىلۋىمىز كەرەك. ەكونوميكالىق سىنداردا شىڭ­دالعان ەلىمىزدىڭ ونى ەڭسەرۋىنە ءبارىمىزدىڭ كۇش سالۋىمىز قاجەت. ورتاق جەڭىس – ورتاق جەمىس. بەكزات التىنبەكوۆ, جەزقازعان قالالىق ءماسليحا­تىنىڭ دەپۋتاتى, كاسىپكەر. جەزقازعان.