اشىق ساۋدا-ساتتىق ۇدەرىسى بيىلعى جىلدىڭ 3 ناۋرىزىندا ساعات 10:00-دە باستالادى.
ايتا كەتەيىك, كلۋبتىڭ جاڭا قوجايىنىنا جۇكتەلەتىن مىندەتتەمەلەر از ەمەس. اتاپ ايتقاندا, ساتىپ الۋشى الداعى 10 جىل ىشىندە فۋتبولدان جاسوسپىرىمدەر اكادەمياسىن قۇرۋعا مىندەتتى. سونداي-اق كەلەسى مىندەتتەمەلەردى ورىنداۋى ءتيىس:
- كلۋبتىڭ نەگىزگى بەيىنىن ء(پروفيلىن) ساقتاۋ;
- قازىرگى شتاتتىق ساندى (14 ادام) قىسقارتپاۋ;
- كلۋبقا ينۆەستيتسيا سالۋ جانە ماتەريالدىق-تەحنيكالىق بازامەن قامتاماسىز ەتۋ;
- جەرگىلىكتى ءىرى ستاديوندارمەن (سوڭعى بەس جىلداعى تاجىريبە نەگىزىندە) كەلىسىمشارتتاردىڭ بولۋىن قاداعالاۋ;
- ايەلدەر فۋتبول كومانداسىن دايىنداۋ;
- 2027 جىلدان باستاپ تۇراقتى تۇردە قازاقستان پرەمەر-ليگاسىنا قاتىسۋىن قامتاماسىز ەتۋ;
- كلۋبتى سەنىمگەرلىك باسقارۋعا بەرمەۋ جانە ءۇشىنشى تۇلعالارعا ساتپاۋ.
سونىمەن قاتار ۇمىتكەردىڭ سپورت سالاسىندا كەمىندە بەس جىلدىق جۇمىس تاجىريبەسى بولۋى شارت.
ەسكە سالا كەتەيىك, بۇعان دەيىن اتىراۋ وبلىسىنىڭ مەملەكەتتىك ساتىپ الۋ جانە كوممۋنالدىق مەنشىك باسقارماسى «اتىراۋ» فۋتبول كلۋبىن ساتىلىمعا شىعارعان بولاتىن.
