فوتو: اباي وبلىسى اكىمدىگى
ماڭىزدى شاراعا وبلىس اكىمى بەرىك ءۋالي, پرەمەر-ءمينيستردىڭ كەڭەسشىسى ەرالى توعجانوۆ, «امانات» پارتياسىنىڭ حاتشىسى ەلدار جۇماعازيەۆ, قارجى ۆيتسە-ءمينيسترى ابزال بەيسەنبەك ۇلى, پارلامەنت ءماجىلىسىنىڭ دەپۋتاتى نۇرتاي سابيليانوۆ, پارلامەنت سەناتىنىڭ دەپۋتاتى قايرات تاستەكەەۆ, اۋىل شارۋاشىلىعى مينيسترلىگىنىڭ مال شارۋاشىلىعى دەپارتامەنتى ديرەكتورىنىڭ ورىنباسارى قايرات كوشەنوۆ, بارلىق دەڭگەيدەگى ءماسليحاتتاردىڭ دەپۋتاتتارى, قالا جانە اۋدان اكىمدەرى, اۋىلدىق وكرۋگ جانە كەنتتەر اكىمدەرى, باسقارما باسشىلارى, ءىرى شارۋا قوجالىقتارىنىڭ جەتەكشىلەرى, شىعىس قازاقستان جانە پاۆلودار وبلىستارىنىڭ وكىلدەرى دە قاتىسىپ جاتىر.
ايماق باسشىسى بەرىك ءۋالي فورۋمنىڭ اشىلۋىندا سويلەگەن سوزىندە پرەزيدەنت قاسىم-جومارت توقاەۆتىڭ جۇزەگە اسىرىپ كەلە جاتقان ساياسي رەفورمالارىنىڭ اياسىنداعى جاڭا كونستيتۋتسيانىڭ تەرەڭ سارالانعان, الەمدىك ۇزدىك تاجىريبەلەردى ەسكەرگەن, ۇلتتىق مۇددەنى جانە ادام قۇقىعىن تولىق قورعاۋعا باعىتتالعان ساپالى قۇجات ەكەنىن اتاپ ءوتتى.
«بۇگىنگى باسقوسۋىمىز اۋىل شارۋاشىلىعىنىڭ نەمەسە جەرگىلىكتى باسقارۋدىڭ ماسەلەسىن عانا تالقىلايتىن الاڭ ەمەس, سونىمەن قاتار, ەلىمىزدىڭ دامۋ باعىتىن, مەملەكەت پەن حالىق اراسىنداعى ءوزارا جاۋاپكەرشىلىكتى ايقىندايتىن ۇلكەن فورۋم. مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي, جاڭا كونستيتۋتسياعا قاتىستى پىكىر الماسۋ ءبىر كۇننىڭ نەمەسە ءبىر ايدىڭ شارۋاسى بولعان جوق. جارتى جىلدان استام ۋاقىت بويى قوعامدا جان-جاقتى تالقىلاۋ ءجۇردى. 130 ادامنان تۇراتىن كونستيتۋتسيالىق كوميسسيا قۇرىلىپ, ونىڭ قۇرامىنا ەلىمىزدىڭ بىلىكتى زاڭگەرلەرى, ساراپشىلارى, قوعام وكىلدەرى ەندى. ەڭ باستىسى, بۇل جولى شەشىمدى ءوزىمىز قابىلدادىق, كوميسسيا قۇرامىندا شەتەل ماماندارى بولعان جوق», دەدى بەرىك ءۋالي.
سەرىك ساپيەۆ كونستيتۋتسيالىق رەفورما تۋرالى پىكىر ءبىلدىردى
سونداي-اق ءوڭىر باسشىسى ءوز سوزىندە جاڭا اتا زاڭ جوباسىنىڭ حالىق اراسىندا كەڭ تالقىلانعانىنا نازار اۋداردى.
«پرەزيدەنت ءوز سوزىندە ازاماتتارعا بىلتىر قازان ايىنان باستاپ ءوز ۇسىنىستارىن اشىق ايتۋعا تولىق مۇمكىندىك بەرىلگەنىن ايتتى. eGov جانە eOtinish پلاتفورمالارى ارقىلى مىڭداعان ۇسىنىس ءتۇسىپ, ولاردىڭ بارلىعى مۇقيات قارالعان. كوميسسيا جۇمىسى بارىنشا اشىق جۇرگىزىلىپ, تالقىلاۋلار تىكەلەي ەفيردە كورسەتىلدى. بۇعان دەيىن ەلىمىزدە رەفورمالار ءدال وسىنداي كەڭ اۋقىمدا, بۇكىل حالىقتىڭ قاتىسۋىمەن تالقىلانباعان بولاتىن. بۇل – شىن مانىندە «حالىق ۇنىنە قۇلاق اساتىن مەملەكەت» قاعيداتىنىڭ ناقتى كورىنىسى. سوندىقتان دا ءبىز جاڭا كونستيتۋتسيانى ناعىز حالىقتىق كونستيتۋتسيا دەپ تولىق ايتا الامىز. وسى اتا زاڭدا بەكىتىلگەن قاعيداتتاردى اۋىلدا ناقتى ىسكە قالاي اينالدىرامىز؟ مەملەكەت ادام ءۇشىن بولسا, وندا اۋىلداعى ءاربىر تۇرعىننىڭ تۇرمىسى, ءاربىر شارۋا قوجالىعىنىڭ دامۋى – ءبىزدىڭ باستى ولشەمىمىز بولۋى ءتيىس», دەدى بەرىك ءۋالي.
