ساۋد ارابياسى يەمەن اۋماعىن بومبالاۋدا

استانا. 26 ناۋرىز. ساۋد ارابياسى كورشىلەس جاتقان يەمەن اۋماعىنداعى ب ۇلىكشى شيتتىك حوۋسيتتەرگە قارسى اسكەري اۋە سوققىسىن بەردى. سونداي-اق, بۇل وپەراتسياعا ەگيپەت, ماروككو, يوردانيا, سۋدان كۋۆەيت, ءباا, كاتار جانە باحرەين ەلدەرىنىڭ اسكەري ۇشاقتارى قاتىسۋدا. تاعى بىرنەشە ەلدىڭ بيلىگى حوۋسيتتەرگە قارسى اۋە سوققىسىن بەرۋگە دايىن ەكەنىن مالىمدەدى. بۇل تۋرالى euronews.com حابارلادى. اسكەري سوققى بۇگىن تۇندە باستالدى. وسىعان قاتىستى ساۋد ارابياسىنىڭ اقش-تاعى ەلشىسى ادەل ءال-دجۋبەير تۇسىنىكتەمە بەرىپ: «ءبىز يەمەننىڭ زاڭدى بيلىگىن كوتەرىلىسشىلەر تاراپىنان بولاتىن كەز كەلگەن قاۋىپتەن قورعاۋ ءۇشىن قاجەت نارسەنىڭ ءبارىن جاسايمىز. سەبەبى, ب ۇلىكشىلەردىڭ بالليستيكالىق راكەتالارعا, اسكەري ۇشاقتارعا جانە باسقا دا اسا قاۋىپتى قارۋلارعا قول جەتكىزۋ مۇمكىندىگى جوعارى», – دەدى. حوۋسيتتەردىڭ اسكەري ب ۇلىگى بىرنەشە ايدان بەرى جالعاسىپ كەلەدى. وسى ۋاقىت ارالىعىندا ولار ەل استاناسى – سانا مەن بىرنەشە ءىرى ەلدى مەكەندى باسىپ الدى. ال سوڭعى اپتانىڭ ىشىندە شيتتەر ۇلكەندىگى جونىنەن يەمەندەگى ءۇشىنشى قالا – تايز بەن بىرنەشە اسكەري بازانى ءوز باقىلاۋلارىنا الدى. بۇگىندە ب ۇلىكشىلەر ەلدىڭ ەڭ ءىرى پورتتى قالاسى ادەناعا تاياپ قالدى. ول جەردە يەمەننىڭ پرەزيدەنتى ابد راببو مانسۋر ءحاديدىڭ جاسىرىنعانى بەلگىلى. ساۋد ارابياسى اسكەري سوققى جاساۋ ءۇشىن رەسمي ۆاشينگتوننىڭ كەلىسىمىن العانىن ايتتى. كەيبىر ساراپشىلار شيتتەرگە قارسى جاسالعان بۇل ارەكەت ساۋب ارابياسىنىڭ ايماقتاعى باستى قارسىلاسى يراننىڭ اشۋىن تۋدىرۋى مۇمكىن ەكەنىن ايتۋدا. ەلامان قوڭىر. دەرەك: euronews.com. سۋرەت: aif.ru.