پرەزيدەنتتىككە ۇمىتكەرلەردىڭ ۇگىت-ناسيحات جۇرگىزۋ كەزەڭى باستالدى

استانا. 26 ناۋرىز. بۇگىن پرەزيدەنتتىككە ۇمىتكەرلەردىڭ ۇگىت-ناسيحات جۇرگىزۋ ناۋقانى باستالدى. بۇل تۋرالى ورتالىق سايلاۋ كوميسسياسىنىڭ ءباسپاسوز قىزمەتىنىڭ دەرەگىنە سۇيەنگەن egemen.kz حابارلادى. ورتالىق سايلاۋ كوميسسياسىنىڭ مالىمەتى بويىنشا, الداعى 30 كۇننىڭ ارالىعىندا كانديداتتاردىڭ سايلاۋالدى باعدارلاماسى تەلەديدار مەن راديودا جانە ءباسپاسوز بەتتەرىندە جاريالاناتىن بولادى. سونىمەن قاتار, ۇمىتكەرلەر سايلاۋشىلارمەن كەزدەسىپ, سپورتتىق شارالاردى ۇيىمداستىرۋعا قۇقىلى. الايدا, وسى ارالىقتا كانديداتتارعا ءارتۇرلى قايىرىمدىلىق شارالارىن وتكىزۋگە, ازاماتتارعا سىياقى بەرۋگە تىيىم سالىنادى. ۇگىت جۇمىستارىنا اسكەريلەر, سوت نەمەسە قۇقىق قورعاۋ ورگاندار مەن مەملەكەتتىك قىزمەتشىلەر, باق وكىلدەرى قاتىسا المايدى. ناسيحات جۇمىستارى 24 ساۋىردە توقتاتىلادى. كونستيتۋتسيا تالاپتارىن ورىنداماعاندار زاڭ الدىندا جاۋاپ بەرەدى. ايتا كەتەتىن جايت, ۇگىت جۇمىستارىن جۇرگىزۋ ءۇشىن كانديداتتارعا رەسپۋبليكالىق بيۋدجەتتەن تەڭدەي قاراجات ءبولىندى. شىعىستاردىڭ جالپى كولەمى 7 ميلليون 10 مىڭ تەڭگەنى قۇرايدى. شەتەلدىك مەملەكەتتەردەن 133 حالىقارالىق ۇيىم, باق وكىلدەرى سايلاۋعا بايقاۋشى رەتىندە قاتىسۋعا قۇقىلى. «باعدارلامانى تەلەديدار ارقىلى بايانداۋ 5 ميلليون 250 مىڭ تەڭگە سوماسىندا, ەكىنشى باعدارلامانى راديو ارقىلى بايانداۋ 200 مىڭ تەڭگە سوماسىندا, ءۇشىنشى باسپا باسىلىمدارىنا 2 ماقالا جاريالاۋ 810 مىڭ تەڭگە, سايلاۋشىلارمەن كەزدەسۋ ءۇشىن ءۇي-جاي جالداۋ 200 مىڭ تەڭگە سوماسىندا. ۇگىتتىك باسپا ماتەريالدارىن باسىپ شىعارۋ 250 مىڭ. كولىك شىعىندارى 300 مىڭ تەڭگە», - دەپ اتاپ كورسەتتى ورتالىق سايلاۋ كوميسسياسىنىڭ حاتشىسى باقىت مەلدەشوۆ. ساكەن مايلىباي.