بۇگىن ساعات 13:30 شاماسىندا كوكتۋما ەلدى مەكەنى ماڭىندا 5 جەڭىل كولىكتىڭ قاتىسۋىمەن جول-كولىك وقيعاسى تىركەلدى. اپاتتان التى ادام ءتۇرلى دارەجەدە جاراقات الىپ, الاكول اۋداندىق اۋرۋحاناسىنا جەتكىزىلدى.
«قازاۆتوجول» ءباسپاسوز قىزمەتىنىڭ مالىمەتىنشە, وقيعا كەزىندە جول ۋچاسكەسى قولايسىز اۋا رايىنا بايلانىستى جابىق بولعان. شەكتەۋ 13 اقپاندا ساعات 12:00-دە ەنگىزىلىپ, سينوپتيكتەر بولجامىنا سايكەس 17 اقپان ساعات 09:00-دە اشىلۋى جوسپارلانعان ەدى.
الدىن الا مالىمەت بويىنشا, كولىكتەر ءبىر باعىتتا قوزعالعان كەزىندە سوقتىعىسقان. اپاتقا قاتىسۋشىلار پوليتسيا بەكەتتەرىن ەلەمەي, جابىق جولدىڭ ورتاسىنا شىعىپ كەتكەن.
سونىمەن قاتار, قۇتقارۋ قىزمەتتەرى جولدا قار قۇرساۋىندا قالعان 12 اۆتوكولىكتى شىعاردى جانە 9 ادامدى قاۋىپسىز جەرگە جەتكىزدى.
