جىم-جىرت اۋىلدا تۇرىپ جاتىرمىز

مەن ءۋاليحانوۆ اۋدانىنداعى جاس­قاي­رات اۋىلىنىڭ نەگىزگى مەكتەبىندە كىتاپ­حا­ناشى بولىپ قىزمەت ىستەيمىن. اشىعىن دا, اشىنىپ تا ايتارىم – اۋىل جايىنىڭ مۇشكىل ءحالى. اۋىز سۋ, ۇيالى تەلەفون, اۋىل ءىشىن جارىقتاندىرۋ, جول قاتىناسى سەكىلدى ادام ومىرىنە الدىمەن قاجەت الەۋمەتتىك ماسەلەلەر قانشا ايتىلسا دا ساعىزشا سوزىلىپ كەلەدى. «اۋىلدىڭ بولاشاعى – جاستار» دەپ جار­عاق قۇلاعىمىز جاستىققا تيمەي جارا­پا­زان ايتقاندا كەرەمەتپىز. ال ديپ­لومدى جاس ماماندارعا قالىپتى تۇرمىس­تىق جاع­داي جاساۋ, ورنىقتىرۋ باس «اۋرۋ­لارىمىزدىڭ» ءبىرى دەسە دە بولادى. بۇگىن­گىدەي وزىق تەحنو­لوگيالار زامانىندا ينتەرنەت جەلىسىن ­پاي­دالانباۋ, ءتىپتى, قارا­پايىم بايلانىس­­تىڭ­ جوقتىعى ەستىر قۇلاق­قا ۇيات. وسىدان كەيىن ەلدى مەكەندەرگە جاستاردى اپارىپ كور! اۋىلىمىز وبلىستان, اۋداننان شال­عايدا ورنالاسقاندىقتان, جول قاتى­ناسى دا كۇرمەۋى شەشىلمەگەن كۇيىندە تۇر. قىستا ويقى-شويقى جولداردى بەلۋاردان قار باسسا, جازدىڭ جاۋىندى-شاشىندى كەزدەرىندە بەلشەمىزدەن ساز كەشىپ جۇرگەنىمىز. قاقاعان اياز بەن دۇلەي بورانداردا تۇرعىنداردىڭ دالادا قالىپ قويعان كەزدەرى از ەمەس. سوندىقتان بولار, سىرتتان اۋىلىمىزعا اتباسىن تىرەيتىن باسشىلار سيرەك. ايدىڭ, كۇننىڭ امانىندا شاقىرتىپ اكەلۋ قيىن. ۇزىن ءسوزدىڭ قىسقاسى, ءبىز جىم-جىرت اۋىلدا تۇرىپ, ميمىرت تىرلىك كەشىپ جاتىرمىز... ءبيبىنۇر جاناتقىزى. سولتۇستىك قازاقستان وبلىسى, ءۋاليحانوۆ اۋدانى.