زاڭسىز بەرىلگەن جەردىڭ زاردابىن تاعى دا حالىق تارتۋدا

شىمكەنت. 26 ناۋرىز. وڭتۇستىك قازاقستان وبلىسى سايرام اۋدانى قارابۇلاق ەلدى مەكەنىندەگى جيىرما شاقتى وتباسى دالادا قالۋى مۇمكىن. سەبەبى, وسىدان ءۇش جىل بۇرىن ولارعا مەملەكەتتىك اكتىمەن بەرىلگەن جەر تەلىمدەرى زاڭسىز دەپ تانىلىپ وتىر. بۇل تۋرالى otyrar.kz حابارلادى. م ۇلىكتەرىنىڭ زاڭدىلىعىن راستايتىن قۇجاتتارعا سۇيەنگەن تۇرعىندار ول جەرلەرگە باسپانالارىن سالىپ, قونىستانانىپ العان. سوعان قاراماستان سوت شەشىمىن نەگىزگە العان قۇزىرلى ورگان وكىلدەرى حالىقتان جەردى بوساتۋىن تالاپ ەتۋدە. ءۇي-جايلارىن سايلاپ العان حالىق بۇگىندە قايدا بارىپ مۇڭ شاعارىن بىلمەي دال بولۋدا. «ەڭ بولماسا قۇرىلىستى باستاماي جاتىپ ەسكەرتپەي مە؟», – دەيدى ولاردىڭ ءبىرى. مۇنداعى ەلەكتر باعانالارىن تۇرعىندار ءوز قاراجاتىمەن تۇرعىزعان. ولاردىڭ وتىنىشىمەن گاز جۇيەلەرى قارالىپ, سۋ قۇبىرلارى دا جۇرگىزىلىپ قويعان. حالىق تۇرعىن ءۇي ءۇشىن بەلگىلەنگەن سالىقتى دا تولەپ كەلدىك دەيدى. تۇرعىنداردىڭ اراسىندا نەسيە الىپ, ءۇي سالعاندارى دا بار. وتكەن جىلدىڭ ماۋسىم ايىندا پروكۋراتۋرا تەكسەرۋلەرىنىڭ قورىتىندىسى بويىنشا 23 جەر تەلىمى زاڭسىز دەپ تانىلعان. كەزىندە وندىرىستىك كووپەراتيۆكە تيەسىلى سۋارمالى 3 گەكتارعا جۋىق جەر مەنشىك يەسىنىڭ قايتىس بولۋىنا بايلانىستى مەملەكەتكە قايتارىلعان. ءسويتىپ 2011 جىلى قارابۇلاق اۋىلدىق اكىمدىگىنىڭ لاۋازىمدى تۇلعالالارى مارقۇم بولعان مەنشىك يەسىنىڭ مۇراگەرلەرىمەن كەلىسىپ, جەردى كەزەكتەگى تۇرعىندارعا زاڭسىز ۇلەستىرىپ بەرگەن. قازىر زاڭدى بەلدەن باسقان تۇلعالار جاۋاپكەرشىلىككە تارتىلعان. ۇلەستىرىلگەن جەر تەلىمدەرىنىڭ تەڭ جارتىسىنا بۇگىندە باسپانا سالىنعان. ەندى تۇرعىندارعا ماتەريالدىق شىعىنداردىڭ دا تولەنەنەر-تولەنبەسى ەكىتالاي. باقتيار تايجان. دەرەك, سۋرەت: otyrar.kz.