الماتى وبلىسىندا پارا العان كەدەنشىنىڭ باسى بالەگە قالدى

تالدىقورعان. الماتى وبلىسىنىڭ پانفيلوۆ اۋداندىق سوتى قىزمەتتە وتىرىپ پارا العان س.قاناپيانوۆتىڭ ءىسى بويىنشا ۇكىم شىعاردى. بۇل تۋرالى قازاقپارات حابارلادى. س.قاناپيانوۆ الماتى وبلىسى بويىنشا كەدەندىك باقىلاۋ دەپارتامەنتىنىڭ «قورعاس» كەدەنىندە باقىلاۋ ءبولىمىنىڭ جەتەكشى مامانى بولىپ قىزمەت اتقارعان. «جۇكتى شەكارادان وتكىزۋگە كەدەندىك باقىلاۋ جۇرگىزۋ جونىندەگى ءوزىنىڭ قىزمەتتىك وكىلەتتىگىن پايدالانىپ, ە.ءابدىباتىروۆ ارقىلى ي.شيشينادان 30 000 تەڭگە اقشا الىپ, پارا بەرۋشىنىڭ پايداسىنا قىتايدان قازاقستانعا اكەلىنگەن نورمادان تىس تاۋاردى كەدەندىك تولەمدەر مەن سالىقتاردى تولەتكىزبەي وتكىزۋگە جول بەرگەن», – دەپ حابارلادى وبلىستىق سوتتىڭ ءباسپاسوز قىزمەتى. ول قر قك 2-ءبولىمى 311-بابىمەن ايىپتالىپ, 5 جىلعا باس بوستاندىعىنان ايىرۋعا جانە 5 جىل مەرزىمگە مەملەكەتتىك قىزمەتتە, جەرگىلىكتى ءوزىن-ءوزى باسقارۋ جانە كەدەن ورگاندارىندا لاۋازىمداردى يەلەنۋ قۇقىعىنان ايىرۋعا, مۇلكى تاركىلەنىپ, جازاسىن جالپى رەجيمدەگى تۇزەتۋ كولونياسىندا وتەۋگە سوتتالدى. نۇربول الدىباەۆ. دەرەك: قازاقپارات. سۋرەت: gazeta.kz.