مەيرام قارساڭىندا اقتوبەدە 3 000 قۇقىق بۇزۋشىلىق انىقتالدى

اقتوبە. 26 ناۋرىز. قازاقستان رەسپۋبليكاسى ىشكى ىستەر مينيسترلىگىنىڭ بەكىتىلگەن كەستەسىنە سايكەس جانە ناۋرىز مەيرامى قارساڭىندا كوشەلەر مەن قوعامدىق جەرلەردەگى ءتارتىپتى ساقتاۋ ماقساتىندا 17-19 ناۋرىز ارالىعىندا وبلىس اۋماعىندا «قۇقىقتىق ءتارتىپ» جەدەل-پروفيلاكتيكالىق ءىس-شاراسى جۇرگىزىلدى. بۇل تۋرالى egemen.kz ءتىلشىسى حابارلادى. وبلىس بويىنشا قوعامدىق ءتارتىپتى قورعاۋعا 1 000-نان استام قىزمەتكەر, ىشكى اسكەر بولىمشەلەرى, مۇعالىمدەر جانە زاڭ ينستيتۋتىنىڭ تىڭداۋشىلارى, قۇقىق قورعاۋ باعىتىنداعى قوعامدىق قۇرىلىمداردىڭ مۇشەلەرى, سونداي-اق, 170 بىرلىك اۆتوكولىك تارتىلدى. جەدەل-پروفيلاكتيكالىق ءىس-شارانىڭ ءۇشىنشى كۇنى وبلىس بويىنشا 63 قىلمىس تىركەلدى. پوليتسيانىڭ كەشەندى كۇشىمەن 28 قىلمىستىڭ «ءىزى سۋىماي» اشىلدى. «نولدىك توزىمدىلىك» تارتىبىمەن 3 000 اكىمشىلىك قۇقىق بۇزۋشىلىق انىقتالدى, ونىڭ ىشىندە ۇساق قۇقىق بۇزۋشىلىقتىڭ 180, ىشىمدىك ءىشۋ جانە قوعامدىق جەرلەردە ماس كۇيىندە ءجۇرۋدىڭ 285, كامەلەتكە تولماعانداردىڭ زاڭدى وكىلىنسىز ءجۇرۋىنىڭ 51 دەرەگى تىركەلدى. سونداي-اق, قر كەلۋ ەرەجەسىن بۇزعان 104 ادام جانە جول قوزعالىسى ەرەجەسىن بۇزعان 2 167 جۇرگىزۋشى انىقتالدى. ونىڭ ىشىندە كولىكتى ماس كۇيىندە جۇرگىزگەن 49 جۇرگىزۋشى تىركەلدى. ساتىبالدى ءساۋىرباي. دەرەك: egemen.kz. سۋرەت: life24.kz.