ۋكراينا اقش-تان كەلگەن «حاممەرلەردى» الا باستادى

استانا. 26 ناۋرىز. ۋكراينا پرەزيدەنتى پەتر پوروشەنكو كەشە تۇندە كيەۆتىڭ بوريسپول اەروپورتىندا اقش اسكەري-كولىك ۇشاعىمەن جەتكىزىلگەن ارمياعا ارنالعان جولسىز جەردىڭ كولىكتەرىن جەكە بارىپ كۇتىپ الدى. بۇل تۋرالى ۆەستي.Ru  حابارلادى. ۋكراينا پرەزيدەنتىنىڭ ءباسپاسوز حاتشىسى سۆياتوسلاۆ تسەگولكونىڭ Twitter-دەگى ءوز اككاۋنتىنا جازعان حابارلاماسىنا سۇيەنىپ, اقپار تاراتقان اگەنتتىك امەريكانىڭ Humvee اسكەري كولىكتەرىنە پوروشەنكونىڭ قاتتى قۋانعانىن باياندايدى. «پرەزيدەنت العاشقى 10 Humvee كولىگىن ءوزى كۇتىپ الدى. بۇلار وتە كۇشتى جانە ءبىزدىڭ ارميامىز ءۇشىن وتە پايدالى ماشينالار ەكەن», - دەپ اتاپ وتەدى تسەگولكو. امەريكا برونەۆيكتەرىنىڭ جانىندا ءسوز سويلەگەن ۋكراين پرەزيدەنتى اقش-تىڭ رەسەيدى باسقىنشى رەتىندە تانىعانى ءۇشىن ۆاشينگتوننىڭ جەكە وزىنە العىس ايتتى. «ۋكراينانىڭ پرەزيدەنتى رەتىندە, باس قولباسشى رەتىندە ۋكراينا حالقىنىڭ اتىنان اقش-قا دونباستاعى شيەلەنىستى رەتكە كەلتىرۋ تۇرعىسىندا جۇيەلى جانە قاتاڭ پوزيتسيا ۇستاعانى ءۇشىن العىس ايتقىم كەلەدى. قىرىمدى باسىپ العان, دونەتسك جانە لۋگانسك وبلىستارىنىڭ جەكەلەگەن اۋداندارىندا تىكەلەي اسكەري اگرەسسيا جۇرگىزىپ وتىرعان رەسەيدى باسقىنشى رەتىندە تانىعانى, ءبىزدىڭ اقش-تاعى دوستارىمىزدىڭ باستاماشىلدىعى مەن سانكتسيا ماسەلەسىندەگى تاباندىلىعى ءۇشىن», - دەپ مالىمدەدى پوروشەنكو ءتۇننىڭ جارىمىندا برونەۆيكتەردىڭ قالقاسىندا تۇرىپ. مۇرات ايتقوجا. مانبە, سۋرەت: LifeNews.