جۇرگىزىلگەن تالداۋ ناتيجەسىنە سايكەس, وزىنە-ءوزى قىزمەت كورسەتۋ ايماعىنداعى وتىنىشتەر سانى ءبىر جىل ىشىندە 6,6 ملن-نان استامعا ءوسىپ, شامامەن 14,8 ملن-عا جەتكەن. ال 2024 جىلى بۇل كورسەتكىش شامامەن 8,2 ملن بولعان.
وزىنە-ءوزى قىزمەت كورسەتۋ ايماقتارى ارقىلى كورسەتىلگەن قىزمەتتەر سانى بويىنشا الماتى قالاسى كوش باستاپ تۇر – مۇندا ءبىر جىل ىشىندە 2,3 ملن-نان استام قىزمەت كورسەتىلگەن. ودان كەيىن تىزىمدە الماتى وبلىسى (1 ملن-نان استام) جانە تۇركىستان وبلىسى (شامامەن 1 ملن) ورنالاسقان.
اتالعان ايماقتا ەڭ كوپ سۇرانىسقا يە بولعان كەلەسى بەس قىزمەت: ەلەكتروندىق تسيفرلىق قولتاڭبا (ەتسق) الۋ, ارحيۆتىك انىقتامالار راسىمدەۋ, تۇرعىلىقتى جەرى بويىنشا تىركەۋ, سوتتىلىعىنىڭ بار نەمەسە جوق ەكەندىگى تۋرالى انىقتاما بەرۋ, سونداي-اق جىلجىمايتىن م ۇلىكتىڭ بار نەمەسە جوق ەكەندىگى تۋرالى انىقتاما الۋ.
ء«بىزدىڭ قىزمەتىمىزدىڭ نەگىزگى ماقساتى – ازاماتتارعا بارىنشا ىڭعايلى ءارى قولجەتىمدى جاعداي جاساۋ. ءار ادام مەملەكەتتىك قىزمەتتى وزىنە قولايلى تاسىلمەن الۋى ءتيىس: بىرەۋلەر ءموبيلدى قوسىمشالار مەن ەلەكتروندىق ۇكىمەت پورتالىن تاڭداسا, وزگەلەرى بانك قوسىمشالارىن نەمەسە حقكو-عا جۇگىنۋدى ءجون كورەدى. ءبىز ءۇشىن ەڭ باستىسى – قىزمەت الۋشىلاردىڭ جايلىلىعى مەن قاناعاتتانۋ دەڭگەيى», دەپ اتاپ ءوتتى مەملەكەتتىك كورپوراتسيانىڭ باسقارما توراعاسى ارمان كەنجەعاليەۆ.
ايتا كەتەيىك, 2025 جىلى حقكو وپەراتورلارى ارقىلى 13 ملن-نان استام مەملەكەتتىك قىزمەت كورسەتىلگەن, ال 2024 جىلى بۇل كورسەتكىش 15 ملن-نان اسقان. فرونت-وفيستەر ارقىلى كورسەتىلگەن مەملەكەتتىك قىزمەتتەر كولەمى بويىنشا الماتى, استانا جانە شىمكەنت قالالارى كوشباسشى بولىپ قالا بەرەدى.
ساۋالناما ناتيجەلەرىنە سايكەس, ەلىمىز بويىنشا مەملەكەتتىك قىزمەت كورسەتۋ ساپاسىنا قاناعاتتانۋ دەڭگەيى 95 پايىزدان اسادى.
