«نۇر سۇڭقاردىڭ» جەڭىمپازدارى انىقتالدى

كەشە بايلانىس جانە اقپارات قىزمەتكەرلەرى كۇنى قارساڭىندا ەلوردادا «Astana Music Hall» مەيرامحاناسىندا جىل سايىنعى ءداستۇرلى «نۇر سۇڭقار» رەسپۋبليكالىق بايقاۋىنىڭ جەڭىمپازدارىن ماراپاتتاۋ سالتاناتى ءوتتى. اتالعان شارانى «نۇر وتان» پارتياسى مەن ينۆەستيتسيالار جانە دامۋ مينيسترلىگى ۇيىمداستىردى. شارانىڭ اشىلۋ سالتاناتىن­دا «نۇر وتان» پارتياسى ءتورا­عاسىنىڭ ءبىرىنشى ورىنبا­سارى باۋىرجان بايبەك باق وكىلدەرىن كاسىبي مەرەكەلەرىمەن قۇتتىقتاپ, ولاردىڭ مەملەكەتتىڭ ستراتەگيالىق جوسپارلارىن ىسكە اسىرۋداعى ءرولىن اتاپ ءوتتى. «قازاقستاندا مەملەكەتتىڭ تۇ­راق­تى دامۋىنىڭ, باياندى ەكونو­ميكالىق ءوسۋدىڭ, ەلباسىنىڭ دانا سايا­ساتىنىڭ ارقاسىندا بۇگىن­­گى زاماناۋي, تەحنيكالىق جابدىق­تالعان, باسەكەگە قابىلەتتى مەديا­لىق كەڭىستىك قالىپتاستى جانە ءبىزدىڭ مەملەكەتىمىزدىڭ ماقساتى بيىك جوسپارلارىن ىسكە اسىرۋ تەك باق-تىڭ بەلسەندى قاتىسۋىمەن عانا مۇمكىن. «نۇر وتان» پارتياسى بۇگىن دە, ەرتەڭ دە قازاقستانداعى اقپاراتتىق سالانىڭ دامۋىن ىنتالاندىرۋعا, ءجۋرناليستىڭ كاسىبي جانە تۇلعالىق ءوسۋى ءۇشىن جاعداي تۋعىزۋعا نيەتتى», دەپ اتاپ ءوتتى ب.بايبەك. بيىلعى جىلى «نۇر سۇڭ­قار» بايقاۋىنا قاتىسۋعا رەسپۋب­ليكالىق جانە وڭىرلىك باق-تاردان 220 ءوتىنىش ءتۇستى, ولاردىڭ ىشىندە 132 جۇمىس الدىن الا ىرىكتەۋدەن ءوتتى. كەلىپ تۇسكەن ماتەريالداردىڭ 65 پايىزى قازاق تىلىندە بولعانىن جانە ۇشتەن ەكىسىن وڭىرلىك جۋرناليستەردىڭ ۇسىنعانىن اتاپ وتكەن ءلازىم. بايقاۋ كوميسسياسى «2050» ستراتەگياسىن, «نۇرلى جول» باعدارلاماسىن, بەس حالىقتىق رەفورمانى, «مەملەكەتتىك قۇرى­لىستىڭ 100 قادامىن» ىسكە اسىرۋدى كورسەتكەن, تاۋەلسىزدىك, ءبىر­لىك پەن كەلى­سىمدى ناسيحاتتاعان, سون­داي-اق, پارتيا قىزمەتى تۋرالى ماتەريالداردى قابىلدادى. بيىلعى جىلى تۇڭعىش رەت ەكى جاڭا اتالىم قوسىلدى – «قوعام ءۇنى» – ەڭ ۇزدىك راديوجۋرناليست جانە «سىبايلاس جەمقورلىققا قارسى تاقىرىپتاعى ەڭ ۇزدىك ماتەريالدار ءۇشىن» اتالىمى. سىيلىقتار 9 اتالىم بويىنشا بەرىلدى. «ءسوز شەبەرى» – ەڭ ۇزدىك گازەت جۋر­­ناليسى اتالىمىن – يۋليا ما­­گەر, «كازاحستانسكايا پراۆ­دا» گازەتىنىڭ شولۋشىسى; «ەرەكشە پىكىر» – ەڭ ۇزدىك تەلەۆيزيالىق جۋرناليست اتالىمىن ەركىن مۇحامەدجانوۆ, «قازاقستان» تەلەارناسى «اپتا. كz» تەلەباعدارلاماسىنىڭ جەتەك­شىسى; «قوعام ءۇنى» – ەڭ ۇزدىك راديو اتالىمىن – قازاق راديوسى «قايىرلى تاڭ, قازاق ەلى» باعدارلاماسىنىڭ باس رەداكتورى قۇرالاي جۇماحانوۆا مەن «وردا FM راديوسىنىڭ ديرەكتورى ازامات يساەۆ جەڭىپ الدى. «مەديا – پروفي» – ەڭ ۇزدىك اقپاراتتىق اگەنتتىك ءجۋرناليسى اتالىمىن – بالاجان سەرعالي, «Bag kz» اقپاراتتىق پورتالىنىڭ باس رەداكتورى; «اي­ماق ايناسى» – ەڭ ۇزدىك وڭىرلىك ءتىل­شى اتالىمىن – «مۇنايلى استانا» (اتىراۋ وبلىسى) گازەتىنىڭ باس رەداكتورى قۇتتىگەرەي سماديار مەن «ناش كوستاناي» گازەتىنىڭ ءتىلشىسى الەكساندر كۋزميچەۆ يەلەندى. «كوزقاراس» اتالىمىن – ەڭ ۇزدىك بلوگەر – تيمۋر كۋبەكوۆ; «سىبايلاس جەمقورلىققا قارسى تاقىرىپتاعى ەڭ ۇزدىك ماتەريالدار ءۇشىن»» اتالىمىن – گۇلبانۋ ايۋپوۆا, 31 تەلەارناسى «ينفورمبيۋرو» اقپاراتتىق قىزمەتى استانالىق فيليالىنىڭ شەف-رەداكتورى; «قازاقستاندىق جۋرناليستيكاعا قوسقان ۇلەسى ءۇشىن» اتالىمىن – ايدوس ۇكىباەۆ, «حابار» اگەنتتىگى اق باسقارماسىنىڭ توراعاسى; «پارتيا قىزمەتى تۋرالى ەڭ ۇزدىك ماتەريال ءۇشىن» اتالىمىن – يرينا ياكۋنينا, شىعىس قازاقستان وبلىسى بويىنشا «استانا» تەلەار­ناسىنىڭ مەنشىكتى ءتىلشىسى يەلەندى. ءار اتالىم بويىنشا 1 ملن. تەڭگە كولەمىندە اقشالاي سىيلىق بەرىلدى. «نۇر سۇڭقار-2015» سىيلىعىنىڭ دەمەۋشىسى «تسەسنا بانك» اق بولدى. سونداي-اق, سالتاناتتى راسىمدە ينۆەستيتسيالار جانە دامۋ مينيس­ترلىگىنىڭ اتىنان «اقپارات سالا­سىنىڭ ۇزدىگى» توسبەلگىلەرىن تابىس ەتۋ سالتاناتىنىڭ ءراسىمى ءوتتى. قۇرمەتتى بەلگىنىڭ 8 يەگەر­لەرىنىڭ ىشىندە «ەگەمەن قازاقستان» گازەتىنىڭ اتىراۋ وبلىسىنداعى مەنشىكتى ءتىلشىسى شوپەعۇل جولداسبەك ارىپتەسىمىز بار. راۋشان تاۋىرحانقىزى, جۋرناليست. سۋرەتتى تۇسىرگەن ەرلان وماروۆ.