فۋتبولشىلار جاڭا باس باپكەر تالعات بايسۋفينوۆءتىڭ جەتەكشىلىگىمەن الاڭعا شىعادى. افريكالىق كوماندامەن ماتچ ساعات 15:00-دە باستالادى. سول كۇنى كەشكى ساعات 20:00-دە استانا ارەناسىندا كۋۆەيت پەن ناميبيا ۇلتتىق قۇرامالارى كەزدەسەدى.
فۋتبولدان الەمدىك رەيتينگ جاريالاندى: قازاقستان نەشىنشى ورىندا تۇر؟
28 ناۋرىزدا العاشقى ويىنداردىڭ جەڭىمپازدارى ءتۋرنيردىڭ ءبىرىنشى ورنى ءۇشىن تالاسادى. بۇل ماتچ ساعات 20:00-دە وتەدى. ءۇشىنشى ورىن ءۇشىن كەزدەسۋ 15:00-گە جوسپارلانعان.
FIFA Series-2026 جوباسى اياسىندا الەمنىڭ التى كونفەدەراتسياسىنان 48 ۇلتتىق قۇراما باق سىنايدى. بيىل كوكتەمدە جارىستار شاعىن تۋرنير فورماتىندا, ياعني جارتىلاي فينال جانە فينال جۇيەسىمەن ۇيىمداستىرىلادى.
FIFA: فۋتبول كلۋبتارى ترانسفەرگە 13 ملرد دوللاردان استام قاراجات جۇمسادى
قازاقستاننان بولەك, اتالعان تۋرنيرلەردى اۋستراليا, ازەربايجان, يندونەزيا, جاڭا زەلانديا, پۋەرتو-ريكو, رۋاندا جانە وزبەكستان وتكىزەدى. ال ايەلدەر قۇرامالارى اراسىنداعى ويىندار برازيليا, كوت-د’يۆۋار جانە تايلاندتا وتەدى.
ايتا كەتەيىك, وتكەن جىلدىڭ قىركۇيەگىندە مەملەكەت باسشىسى FIFA پرەزيدەنتىن قابىلداعان ەدى.
