پاۆلودار وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ حابارلاۋىنشا, بۇل تەحنيكالار ءۇش تونناعا دەيىن سۋ تاسىمالداي الادى ءارى جول تالعامايدى. اۆتوكولىكتەر ءورت كەزىندە دوڭگەلەكتەردى سۋلاپ وتىرۋ جۇيەسىمەن جانە ءورتتى ءجۇرىپ كەلە جاتىپ تا ءسوندىرۋ مۇمكىندىگىمەن جابدىقتالعان.
«مەملەكەت باسشىسىنىڭ تاپسىرماسىنا سايكەس, 2023 جىلدان باستاپ ورتكە قارسى جابدىقتاردى جاڭعىرتۋ باعدارلاماسى ىسكە اسىرىلىپ جاتىر. باعدارلامانىڭ ماقساتى – ورمان جانە تابيعاتتى قورعاۋ مەكەمەلەرىنىڭ ماتەريالدىق-تەحنيكالىق بازاسىن تولىق جاڭارتۋ, سونداي-اق ءورت قاۋىپسىزدىگىن كۇشەيتۋ. اتالعان باعدارلاما اياسىندا باياناۋىل مەملەكەتتىك ۇلتتىق تابيعي پاركىنە ورمان ءورتىن سوندىرۋگە ارنالعان جاڭا 8 تەحنيكا تابىستالدى. بۇل زاماناۋي تەحنيكا ءورتتىڭ الدىن الۋ مەن جەدەل ارەكەت ەتۋ مۇمكىندىكتەرىن ارتتىرادى», دەپ حابارلادى ينسپەكتسيادان.
ەسكە سالا كەتەيىك, باياناۋىل مەملەكەتتىك ۇلتتىق تابيعي پاركى - ەلىمىزدە العاش اشىلعان پاركتەردىڭ ءبىرى. اۋماعى 68 مىڭ گەكتار. بىلتىر مەكەمەنىڭ قۇرىلعانىنا 40 جىل تولدى.
