جاڭا كەلىسىمشارتقا ساي تەمىرلان اناربەكوۆ پەن شەرحان قالمىرزا 2028 جىلدىڭ 30 قاراشاسىنا دەيىن «قايرات» قاقپاسىن قورعايدى.
تەمىرلان اناربەكوۆ UEFA چەمپيوندار ليگاسىنىڭ جالپى كەزەڭىندە ءساتتى ونەر كورسەتىپ جاتىر. ول چەمپيوندار ليگاسىنىڭ التىنشى تۋرىنان كەيىنگى ستاتيستيكا بويىنشا ەڭ جوعارى رەيتينگكە يە بولعان فۋتبولشىلاردىڭ تىزىمىندە كوش باستادى.
سونداي-اق تەمىرلان اناربەكوۆ «قايرات» – «وليمپياكوس» ماتچىندا ۇزدىك ويىنشى اتاندى.
ايتا كەتەيىك, «قايرات» UEFA چەمپيوندار ليگاسى اياسىنداعى سوڭعى ماتچىن 28 قاڭتار كۇنى انگليانىڭ ايگىلى «ارسەنال» كومانداسىنا قارسى وتكىزەدى. لونداندا وتەتىن ماتچقا «قايرات» 25 قاڭتار كۇنى اتتاندى. اتالعان قۇرامالار اراسىنداعى كەزدەسۋ قازاقستان ۋاقىتىمەن 29 قاڭتارعا قاراعان ءتۇنى ساعات 1:00-دە باستالادى.
ەسكە سالايىق, جاقىندا «قايرات» ساپىنا ەكى جاڭا ويىنشى قوسىلىپ, ارگەنتينالىق جارتىلاي قورعاۋشى سەباستيان سەبالوس جانە برازيليالىق قورعاۋشى لۋكاس افريكومەن كەلىسىمشارتقا قول قويدى.
ال چەمپيوندار ليگاسى اياسىندا ءوز الاڭىمىزدا سوعىلعان جالعىز گولدىڭ اۆتورى ادىلەت سادىبەكوۆ «اقتوبەگە» اۋىسادى.
