ءۇندىستاندا قالىڭدىق توي ۇستىندە جىگىتىن تاستاي قاشتى

استانا. 25 ناۋرىز. ءۇندىستاننىڭ ۋتتار-پرادەش شاتاتىندا ءوتىپ جاتقان نەكە قيۋ سالتاناتىندا كۇيەۋ جىگىت ءوزىنىڭ وتە قاراپايىم ەسەپتى شىعارا المايتىنىن, دالىرەگى ساۋاتى تىم ناشار ەكەنىن سەزدىرىپ الىپ, سونىڭ سالدارىنان قالىڭدىعى وعان ۇيلەنۋدەن باس تارتتى. بۇل تۋرالى «ەكسپرەسس-ك» گازەتى حابارلادى. تاراتا ايتار بولساق, نەكە قيۋ ءراسىمى سالتاناتتى جاعدايدا ءوتىپ جاتادى. ءبىر كەزدە ويلاماعان جەردەن قالىڭدىقتىڭ اپكەسى كۇيەۋ بالادان 15-كە 6-نى قوسىپ بەرۋىن سۇرايدى. جىگىت وعان «17» دەپ جاۋاپ بەرەدى. مۇنى ەستىگەن قالىڭدىق لاۆلي سينگح ءبىلىمسىز ادامعا تۇرمىسقا شىقپايتىنىن ايتىپ, توي ۇستىنەن بىردەن ۇيىنە كەتىپ قالادى. قىزدىڭ اكەسى موحار سينگح پەرزەنتىنىڭ شەشىمىن قۇپتاعان. ول: «راما باران ءبىرىنشى سىنىپتىڭ كەز كەلگەن وقۋشىسى شىعاراتىن ەسەپتىڭ جاۋابىن ايتا المادى. ونىڭ وتباسى بالالارىنىڭ ءبىلىمسىز ەكەنىن جاسىرىپ, ءبىزدى الدادى», دەپتى. وسىلايشا, ەكى جاق تا ىڭعايسىز جاعدايدا قالعان. سونداي-اق, قالىڭدىقتىڭ تۋىستارى نەكە قيۋ سالتاناتىنا وراي كۇيەۋ جىگىت جاعىنا الدىن الا بەرگەن سىيلىقتارىن قايتارىپ الۋ ءۇشىن پوليتسياعا شاعىمدانادى. ال راما باراننىڭ تۋىستارى ولاردىڭ تالاپتارىن قارسىلىقسىز ورىندايدى. ايتا كەتەيىك, قازىرگى تاڭدا ءۇندىستاندا ەرەسەكتەردىڭ تورتتەن ءبىرى ساۋاتسىز دەگەن دەرەك بار. ولاردىڭ باسىم بولىگىن ايەلدەر, تومەنگى كاستاداعىلار, از تاراعان كەيبىر ءدىني اعىمداردىڭ وكىلدەرى, كەدەيلەر, سونداي-اق, ەلدىڭ سولتۇستىك-شىعىسىنداعى تۇرعىندار قۇرايتىن كورىنەدى. جولدىباي بازار. دەرەك, سۋرەت: «ەكسپرەسس-ك».